‘ਗਲੋਰੀ’ ਦਾ ਜ਼ਬਰਦਸਤ ਟ੍ਰੇਲਰ ਦਿਖਾਇਆ ਅਤੇ ਪੂਰੇ ਮਾਹੌਲ ਨੂੰ ਜੋਸ਼ ਅਤੇ ਉਤਸ਼ਾਹ ਨਾਲ ਭਰ ਦਿੱਤਾ
ਚੰਡੀਗੜ੍ਹ: ਨੈੱਟਫਲਿਕਸ ਦੀ 'ਗਲੋਰੀ' ਹਰਿਆਣਾ ਦੀ ਬਾਕਸਿੰਗ ਬੈਲਟ ਦੀ ਕਹਾਣੀ ਲੈ ਕੇ ਚੰਡੀਗੜ੍ਹ ਪਹੁੰਚੀ। ਅਦਾਕਾਰ ਸੁਵਿੰਦਰ ਵਿੱਕੀ, ਦਿਵਯੇਂਦੂ, ਪੁਲਕਿਤ ਸਮਰਾਟ ਦੇ ਨਾਲ ਕ੍ਰਿਏਟਰ-ਡਾਇਰੈਕਟਰ ਕਰਨ ਅੰਸ਼ੁਮਨ ਨੇ ਚੰਡੀਗੜ੍ਹ ਆ ਕੇ ਇਸ ਸੀਰੀਜ਼ ਦਾ ਜ਼ਬਰਦਸਤ ਟ੍ਰੇਲਰ ਦਿਖਾਇਆ।
ਗਲੋਰੀ ਬਦਲੇ ਅਤੇ ਮਹੱਤਵਪੂਰਨ ਇੱਛਾ ਦੀ ਇੱਕ ਸਨਸਨੀਖੇਜ਼ ਕਹਾਣੀ ਹੈ, ਜੋ ਇੱਕ ਕਤਲ ਦੇ ਆਲੇ-ਦੁਆਲੇ ਘੁੰਮਦੀ ਹੈ। ਇਸ ਦੀ ਰਚਨਾ ਕਰਨ ਅੰਸ਼ੁਮਨ ਅਤੇ ਕਰਮਣਯ ਆਹੂਜਾ ਨੇ ਕੀਤੀ ਹੈ। ਇਸ ਦੀ ਕਹਾਣੀ ਭਾਰਤ ਵਿੱਚ ਬਾਕਸਿੰਗ ਦੀ ਦੁਨੀਆ 'ਤੇ ਅਧਾਰਤ ਹੈ, ਜਿਸ ਵਿੱਚ ਰਿੰਗ ਹੀ ਉਹ ਥਾਂ ਹੈ, ਜਿੱਥੇ ਨਿੱਜੀ ਦੁਸ਼ਮਣੀ ਦਾ ਹਿਸਾਬ ਲਿਆ ਜਾਂਦਾ ਹੈ, ਰਹੱਸਾਂ ਨੂੰ ਦਫ਼ਨਾ ਦਿੱਤਾ ਜਾਂਦਾ ਹੈ, ਅਤੇ ਜਜ਼ਬਾਤੀ ਹਿਸਾਬ ਚੁਕਤੇ ਕੀਤੇ ਜਾਂਦੇ ਹਨ। ਇੱਥੇ ਹਰ ਮੁੱਕੇ ਦਾ ਇੱਕ ਨਤੀਜਾ ਹੁੰਦਾ ਹੈ, ਅਤੇ ਹਰ ਰਾਊਂਡ ਸੱਚਾਈ ਨੂੰ ਇੱਕ ਕਦਮ ਹੋਰ ਨੇੜੇ ਲੈ ਆਉਂਦਾ ਹੈ।
ਗਲੋਰੀ ਦੀ ਕਹਾਣੀ ਇੱਕ ਟੁੱਟੇ ਹੋਏ ਪਰਿਵਾਰ 'ਤੇ ਅਧਾਰਤ ਹੈ, ਜਿਸ ਨੂੰ ਹਾਲਾਤ ਇੱਕ ਵਾਰ ਫਿਰ ਇਕੱਠੇ ਹੋਣ ਲਈ ਮਜ਼ਬੂਰ ਕਰ ਦਿੰਦੇ ਹਨ। ਓਲੰਪਿਕ ਵਿੱਚ ਮੈਡਲ ਲਿਆਉਣ ਦੇ ਜਨੂੰਨ ਦੇ ਨਾਲ ਇੱਕ ਸਖ਼ਤ ਬਾਕਸਿੰਗ ਕੋਚ, ਰਘੁਬੀਰ ਸਿੰਘ (ਸੁਵਿੰਦਰ ਵਿੱਕੀ) ਇੱਕ ਅਜਿਹੀ ਵਿਰਾਸਤ ਨੂੰ ਬਚਾਉਣ ਦੀ ਕਸ਼ਮਕਸ਼ ਵਿੱਚ ਉਲਝਿਆ ਹੋਇਆ ਹੈ, ਜੋ ਤਣਾਅਪੂਰਨ ਰਿਸ਼ਤਿਆਂ ਦੇ ਭਾਰ ਹੇਠ ਹੌਲੀ-ਹੌਲੀ ਬਿਖਰਦੀ ਜਾ ਰਹੀ ਹੈ। ਉਸ ਦੇ ਪੁੱਤਰਾਂ ਦੇਵ (ਦਿਵਯੇਂਦੂ) ਅਤੇ ਰਵੀ (ਪੁਲਕਿਤ ਸਮਰਾਟ) ਨੂੰ ਆਪਣੀ ਭੈਣ ਗੁੜੀਆ (ਜੰਨਤ ਜ਼ੁਬੈਰ) 'ਤੇ ਹੋਏ ਬੇਰਹਿਮ ਹਮਲੇ ਅਤੇ ਉਭਰਦੇ ਬਾਕਸਿੰਗ ਖਿਡਾਰੀ ਨਿਹਾਲ ਸਿੰਘ ਦੇ ਕਤਲ ਦੇ ਪਿੱਛੇ ਦੀ ਸੱਚਾਈ ਜਾਣਨ ਲਈ ਸ਼ਕਤੀਗੜ੍ਹ ਪਰਤਣਾ ਪੈਂਦਾ ਹੈ।
ਸੁਵਿੰਦਰ ਵਿੱਕੀ ਨੇ ਕਿਹਾ, ‘‘ਰਘੁਬੀਰ ਸਿੰਘ ਸਿਰਫ਼ ਇੱਕ ਕੋਚ ਨਹੀਂ ਹੈ। ਉਸ ਆਦਮੀ ਨੇ ਆਪਣਾ ਪੂਰਾ ਜੀਵਨ ਅਨੁਸ਼ਾਸਨ ਨਾਲ ਬਣਾਇਆ ਹੈ। ਉਨ੍ਹਾਂ ਦੇ ਜੀਵਨ ਵਿੱਚ ਨਾ ਤਾਂ ਕਮਜ਼ੋਰੀ ਦੀ ਕੋਈ ਥਾਂ ਹੈ ਅਤੇ ਨਾ ਹੀ ਉਹ ਇਸ ਦੀ ਇਜਾਜ਼ਤ ਦਿੰਦੇ ਹਨ। ਉਨ੍ਹਾਂ ਦੀ ਖ਼ਾਮੋਸ਼ੀ ਨੇ ਮੈਨੂੰ ਬਹੁਤ ਪ੍ਰਭਾਵਿਤ ਕੀਤਾ। ਉਹ ਬਹੁਤ ਘੱਟ ਬੋਲਦੇ ਹਨ, ਪਰ ਉਹ ਜੋ ਕੁਝ ਵੀ ਕਰਦੇ ਹਨ, ਉਹ ਸਾਲਾਂ ਦੀ ਦ੍ਰਿੜ੍ਹਤਾ, ਕੁਰਬਾਨੀ ਅਤੇ ਬਾਕਸਿੰਗ ਦੇ ਮੁੱਲਾਂ ਵਿੱਚ ਉਨ੍ਹਾਂ ਦੇ ਅਟੱਲ ਵਿਸ਼ਵਾਸ 'ਤੇ ਅਧਾਰਤ ਹੁੰਦਾ ਹੈ। ਉਨ੍ਹਾਂ ਦੀ ਖ਼ਾਮੋਸ਼ੀ ਵਿੱਚ ਇੱਕ ਮੌਨ ਅਧਿਕਾਰ ਹੈ। ਕੋਚ ਰਘੁਬੀਰ ਮੁਤਾਬਕ ਗਲੋਰੀ ਭਾਵਨਾਵਾਂ ਨਾਲ ਨਹੀਂ ਮਿਲਦੀ, ਸਗੋਂ ਇਸ ਨੂੰ ਰੁਟੀਨ, ਦਰਦ ਅਤੇ ਹਰ ਦਿਨ ਆਪਣੇ ਹੌਸਲੇ ਨਾਲ ਕਮਾਇਆ ਜਾਂਦਾ ਹੈ। ਉਨ੍ਹਾਂ ਲਈ ਰਿੰਗ ਕੋਈ ਥਾਂ ਨਹੀਂ, ਸਗੋਂ ਜੀਵਨ ਦਾ ਇੱਕ ਤਰੀਕਾ ਹੈ, ਇਹ ਇੱਕ ਜਨੂੰਨ ਹੈ ਜੋ ਬਾਕੀ ਸਭ ਤੋਂ ਉੱਪਰ ਹੈ।”
ਦੇਵਿੰਦਰ ਸਿੰਘ ਦੇ ਕਿਰਦਾਰ ਬਾਰੇ ਦਿਵਯੇਂਦੂ ਨੇ ਦੱਸਿਆ ਕਿ, ‘‘ਮੈਂ ਗਲੋਰੀ ਵੱਲ ਇਸ ਦੀ ਮੌਲਿਕਤਾ ਕਾਰਨ ਆਕਰਸ਼ਿਤ ਹੋਇਆ। ਇੱਥੇ ਗਲੋਰੀ ਮਾਣ ਨਾਲ ਨਹੀਂ ਮਿਲਦੀ, ਸਗੋਂ ਗੁੱਸੇ ਨਾਲ ਮਿਲਦੀ ਹੈ, ਜੋ ਬਹੁਤ ਨਿੱਜੀ ਹੈ। ਦੇਵ ਰਿੰਗ ਵਿੱਚ ਨਹੀਂ ਹੈ, ਪਰ ਇਸ ਨਾਲ ਜੁੜੀ ਹਰ ਚੀਜ਼ ਉਸ ਦਾ ਕਿਰਦਾਰ ਬਣਾਉਂਦੀ ਹੈ। ਇਸੇ ਕਰਕੇ ਉਹ ਇੰਨਾ ਅਨਿਸ਼ਚਿਤ (unpredictable) ਹੈ। ਮੈਂ ਹੁਣ ਤੱਕ ਜੋ ਵੀ ਕਿਰਦਾਰ ਨਿਭਾਏ ਹਨ, ਉਨ੍ਹਾਂ ਸਭ ਵਿੱਚੋਂ ਇਹ ਸਭ ਤੋਂ ਗੁੰਝਲਦਾਰ ਕਿਰਦਾਰਾਂ ਵਿੱਚੋਂ ਇੱਕ ਹੈ। ਉਹ ਮਜ਼ਬੂਤ ਹੈ, ਉਗਰ ਹੈ ਅਤੇ ਕੋਈ ਵੀ ਗੱਲ ਦਿਲ ਵਿੱਚ ਨਹੀਂ ਰੱਖਦਾ। ਉਹ ਪਿਆਰ ਵੀ ਉਸੇ ਸ਼ਿੱਦਤ ਨਾਲ ਕਰਦਾ ਹੈ, ਜਿਸ ਸ਼ਿੱਦਤ ਨਾਲ ਨਫ਼ਰਤ ਕਰਦਾ ਹੈ। ਉਸ ਦੇ ਦਿਲ ਵਿੱਚ ਕਾਫੀ ਦਰਦ ਹੈ, ਪਰ ਸੰਜਮ ਵੀ ਹੈ। ਉਹ ਕਦੇ ਵੀ ਹਿਊਮਰ (humor) ਘੱਟ ਨਹੀਂ ਹੋਣ ਦਿੰਦਾ, ਜਿਸ ਤੋਂ ਪਤਾ ਲੱਗਦਾ ਹੈ ਕਿ ਉਸ ਦਾ ਕਿਰਦਾਰ ਇਸ ਖੇਤਰ ਦੀ ਜ਼ਮੀਨ ਨਾਲ ਜੁੜਿਆ ਹੋਇਆ ਹੈ। ਮੈਨੂੰ ਦੂਜੀ ਵਾਰ ਕਰਨ ਅੰਸ਼ੁਮਨ ਨਾਲ ਕੰਮ ਕਰਕੇ ਬਹੁਤ ਖ਼ਾਸ ਮਹਿਸੂਸ ਹੋਇਆ। ਉਹ ਤੁਹਾਨੂੰ ਮੁਸ਼ਕਿਲ ਦਾਇਰਿਆਂ ਵਿੱਚ ਲੈ ਕੇ ਜਾਂਦੇ ਹਨ ਅਤੇ ਕਿਰਦਾਰ ਲਈ ਕਦੇ ਵੀ ਆਸਾਨ ਰਸਤਾ ਨਹੀਂ ਅਪਣਾਉਣ ਦਿੰਦੇ।’’
ਦੇਵ ਅਤੇ ਰਵੀ, ਦੋਵੇਂ ਹੀ ਕਈ ਭਾਵਨਾਤਮਕ ਪਰਤਾਂ ਰੱਖਦੇ ਹਨ। ਉਹ ਜੀਵਨ ਦੀਆਂ ਪਰਿਵਰਤਨਕਾਰੀ ਹਾਲਤਾਂ ਵਿੱਚੋਂ ਗੁਜ਼ਰ ਰਹੇ ਹਨ। ਉਨ੍ਹਾਂ ਦਾ ਸਫ਼ਰ ਆਸਾਨ ਨਹੀਂ ਹੈ ਕਿਉਂਕਿ ‘‘ਗਲੋਰੀ ਤਿਆਗ, ਕੁਰਬਾਨੀ ਅਤੇ ਕਸ਼ਟ” ਦੀ ਮੰਗ ਕਰਦੀ ਹੈ।
ਪੁਲਕਿਤ ਸਮਰਾਟ ਨੇ ਦੱਸਿਆ ਕਿ, ‘‘ਗਲੋਰੀ ਵੱਲ ਮੈਂ ਇਸ ਲਈ ਆਕਰਸ਼ਿਤ ਹੋਇਆ ਕਿਉਂਕਿ ਉਹ ਦੁਨੀਆਂ ਸੱਚੀ ਹੈ, ਮਜ਼ਬੂਤ ਹੈ, ਮੁਆਫ਼ ਨਹੀਂ ਕਰਦੀ ਅਤੇ ਇਹੀ ਇਸ ਦੀ ਸੁੰਦਰਤਾ ਹੈ ਕਿਉਂਕਿ ਇੱਥੇ ਹਰ ਜਿੱਤ ਮਾਇਨੇ ਰੱਖਦੀ ਹੈ ਅਤੇ ਹਰ ਕਦਮ ਆਪਣੀ ਮਿਹਨਤ ਨਾਲ ਹਾਸਲ ਕਰਨਾ ਪੈਂਦਾ ਹੈ। ਰਵੀ ਰਿਐਕਟ ਨਹੀਂ ਕਰਦਾ, ਸਗੋਂ ਮਨ ਵਿੱਚ ਰੱਖ ਲੈਂਦਾ ਹੈ। ਉਹ ਬਾਹਰੋਂ ਸ਼ਾਂਤ ਹੈ, ਪਰ ਉਸ ਦੇ ਅੰਦਰ ਅੱਗ ਬਲ ਰਹੀ ਹੈ। ਕੰਟਰੋਲ ਵਿੱਚ ਰਹਿਣ ਅਤੇ ਗੁੱਸਾ ਫੁੱਟਣ ਦੇ ਵਿਚਕਾਰ ਇਹੀ ਉਹ ਸਪੇਸ ਹੈ, ਜਿਸ ਵਿੱਚ ਅਸਲੀ ਸ਼ਕਤੀ ਪੈਦਾ ਹੁੰਦੀ ਹੈ। ਉਸ ਦਾ ਕਿਰਦਾਰ ਨਿਭਾ ਕੇ ਮੈਨੂੰ ਅਹਿਸਾਸ ਹੋਇਆ ਕਿ ਮਹਾਨਤਾ ਬਾਰ-ਬਾਰ ਉੱਠਣ ਵਿੱਚ ਹੈ, ਭਾਵੇਂ ਅੰਦਰ ਦਰਦ ਹੋ ਰਿਹਾ ਹੋਵੇ ਕਿਉਂਕਿ ਚੈਂਪੀਅਨ ਉਦੋਂ ਹੀ ਬਣਦੇ ਹਨ ਜਦੋਂ ਉਹ ਹਰ ਸੱਟ ਨੂੰ ਸਹਿ ਲੈਂਦੇ ਹਨ। ਇਹ ਸਿਰਫ਼ ਇੱਕ ਝਲਕ ਹੈ। ਮੈਂ ਇਹ ਕਿਰਦਾਰ ਨਿਭਾ ਕੇ ਬਹੁਤ ਸ਼ੁਕਰਗੁਜ਼ਾਰ ਮਹਿਸੂਸ ਕਰ ਰਿਹਾ ਹਾਂ।’’
ਮੋਹਿਤ ਸ਼ਾਹ ਅਤੇ ਅੰਸ਼ੁਮਨ ਦੁਆਰਾ ਐਟੋਮਿਕ ਫਿਲਮਜ਼ ਬੈਨਰ ਹੇਠ ਨਿਰਮਿਤ ਗਲੋਰੀ ਦੀ ਕਹਾਣੀ ਅੰਸ਼ੁਮਨ, ਆਹੂਜਾ ਅਤੇ ਵੈਭਵ ਵਿਸ਼ਾਲ ਨੇ ਲਿਖੀ ਹੈ, ਅਤੇ ਇਸ ਦਾ ਨਿਰਦੇਸ਼ਨ ਕਰਨ ਅੰਸ਼ੁਮਨ ਅਤੇ ਕਨਿਸ਼ਕ ਵਰਮਾ ਨੇ ਕੀਤਾ ਹੈ। ਗਲੋਰੀ ਦਾ ਪ੍ਰੀਮੀਅਰ ਨੈੱਟਫਲਿਕਸ 'ਤੇ 1 ਮਈ ਨੂੰ ਹੋਵੇਗਾ!
