ਜਹਾਜ਼ ਦੀ ਸਮਰੱਥਾ ਵਧਣ ਨਾਲ ਹੁਣ 8 ਫਰਸਟ ਕਲਾਸ, 40 ਬਿਜ਼ਨਸ ਕਲਾਸ ਅਤੇ 280 ਇਕਨਾਮੀ ਕਲਾਸ ਸੀਟਾਂ ਉਪਲਬਧ ਹੋਣਗੀਆਂ

ਨਵੀਂ ਦਿੱਲੀ : ਏਅਰ ਇੰਡੀਆ ਨੇ ਟਾਟਾ ਗਰੁੱਪ ਦੇ ਅਧੀਨ ਅਪਣੇ ਨਵੀਨੀਕਰਨ ਪ੍ਰੋਗਰਾਮ ਤਹਿਤ ਦਿੱਲੀ-ਮੈਲਬਰਨ ਰੂਟ ’ਤੇ ਸਫ਼ਰ ਕਰਨ ਵਾਲੇ ਮੁਸਾਫ਼ਰਾਂ ਨੂੰ ਵੱਡੀ ਸੌਗਾਤ ਦਿਤੀ ਹੈ। ਅੱਜ 1 ਜੁਲਾਈ ਤੋਂ ਕੰਪਨੀ ਇਸ ਰੂਟ ’ਤੇ ਅਪਣਾ ਆਧੁਨਿਕ ਬੋਇੰਗ 777-300ਈ.ਆਰ. ਜਹਾਜ਼ ਤਾਇਨਾਤ ਕਰਨ ਜਾ ਰਹੀ ਹੈ, ਜੋ ਮੌਜੂਦਾ ਬੋਇੰਗ 787-8 ਡਰੀਮਲਾਈਨਰ ਦੀ ਜਗ੍ਹਾ ਲਵੇਗਾ।

ਇਸ ਬਦਲਾਅ ਨਾਲ ਮੁਸਾਫ਼ਰਾਂ ਨੂੰ ਪਹਿਲੀ ਵਾਰ ਇਸ ਰੂਟ ’ਤੇ ‘ਫਰਸਟ ਕਲਾਸ’ ਦੀ ਸਹੂਲਤ ਮਿਲੇਗੀ। ਕੰਪਨੀ ਮੁਤਾਬਕ, ‘‘ਪ੍ਰੀਮੀਅਮ ਕੈਬਿਨ ਬੁੱਕ ਕਰਨ ਵਾਲੇ ਮੁਸਾਫ਼ਰਾਂ ਨੂੰ ਨਿੱਜੀ ਸੂਟ ਮਿਲਣਗੇ, ਜਿਨ੍ਹਾਂ ਵਿਚ ਚਮੜੇ ਦੀਆਂ ਸੀਟਾਂ ਹੋਣਗੀਆਂ ਜੋ ਪੂਰੀ ਤਰ੍ਹਾਂ ਫਲੈਟ ਬੈੱਡ ਵਿਚ ਬਦਲ ਜਾਣਗੀਆਂ।’’

ਇਸ ਤੋਂ ਇਲਾਵਾ, ਹਵਾਈ ਸਫ਼ਰ ਦੌਰਾਨ ਇੰਟਰਨੈੱਟ ਦੀ ਵਰਤੋਂ ਲਈ ਆਨਬੋਰਡ ਵਾਈ-ਫਾਈ ਦੀ ਸਹੂਲਤ ਵੀ ਦਿਤੀ ਜਾਵੇਗੀ। ਜਹਾਜ਼ ਦੀ ਸਮਰੱਥਾ ਵਧਣ ਨਾਲ ਹੁਣ 8 ਫਰਸਟ ਕਲਾਸ, 40 ਬਿਜ਼ਨਸ ਕਲਾਸ ਅਤੇ 280 ਇਕਨਾਮੀ ਕਲਾਸ ਸੀਟਾਂ ਉਪਲਬਧ ਹੋਣਗੀਆਂ।         (ਏਜੰਸੀ)