ਉਡਾਣ 'ਚ 4 ਬੱਚਿਆਂ ਸਮੇਤ 232 ਲੋਕ ਸਨ ਸਵਾਰ, ਜ਼ਿਊਰਿਖ ਲਈ ਰਵਾਨਾ ਹੋਈ ਸੀ ਉਡਾਣ
ਦਿੱਲੀ ਦੇ ਇੰਦਰਾ ਗਾਂਧੀ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਇੱਕ ਵੱਡਾ ਜਹਾਜ਼ ਹਾਦਸਾ ਹੋਣ ਤੋਂ ਟਲ ਗਿਆ। ਸਵਿਸ ਇੰਟਰਨੈਸ਼ਨਲ ਏਅਰਲਾਈਨਜ਼ (SWISS) ਦੀ ਉਡਾਣ LX147 ਦੇ ਟੇਕਆਫ਼ ਦੌਰਾਨ ਖ਼ਰਾਬੀ ਆ ਗਈ, ਜਿਸ ਕਾਰਨ ਇੰਜਣ ਵਿੱਚ ਅੱਗ ਲੱਗ ਗਈ। ਹਾਲਾਂਕਿ, ਪਾਇਲਟ ਦੀ ਸਮੇਂ ਸਿਰ ਸਮਝਦਾਰੀ ਨਾਲ ਸੈਂਕੜੇ ਯਾਤਰੀਆਂ ਨੂੰ ਬਚਾਇਆ ਗਿਆ।
ਰਿਪੋਰਟਾਂ ਦੇ ਅਨੁਸਾਰ, ਸਵਿਸ ਇੰਟਰਨੈਸ਼ਨਲ ਏਅਰਲਾਈਨਜ਼ ਦੀ ਉਡਾਣ LX147, ਜੋ ਕਿ ਦਿੱਲੀ ਤੋਂ ਜ਼ਿਊਰਿਖ ਲਈ ਰਵਾਨਾ ਹੋਣ ਵਾਲੀ ਸੀ, ਟੇਕਆਫ ਦੀ ਪ੍ਰਕਿਰਿਆ ਵਿੱਚ ਰਨਵੇਅ 'ਤੇ ਸੀ ਉਦੋਂ ਹੀ ਜਹਾਜ਼ ਦੇ ਇੱਕ ਇੰਜਣ ਵਿੱਚ ਖ਼ਰਾਬੀ ਆ ਗਈ ਅਤੇ ਉਸ ਨੂੰ ਅੱਗ ਲੱਗ ਗਈ। ਸਥਿਤੀ ਨੂੰ ਨਾਜ਼ੁਕ ਹੁੰਦੇ ਦੇਖ ਕੇ, ਪਾਇਲਟ ਨੇ ਤੁਰੰਤ ਟੇਕਆਫ ਰੱਦ ਕਰ ਦਿੱਤਾ ਅਤੇ ਐਮਰਜੈਂਸੀ ਨਿਕਾਸੀ ਕੀਤੀ।
ਇਸ ਘਟਨਾ ਵਿੱਚ ਛੇ ਯਾਤਰੀਆਂ ਦੇ ਜ਼ਖ਼ਮੀ ਹੋਣ ਦੀ ਖ਼ਬਰ ਹੈ ਅਤੇ ਉਨ੍ਹਾਂ ਨੂੰ ਇਲਾਜ ਲਈ ਹਸਪਤਾਲ ਲਿਜਾਇਆ ਗਿਆ। ਘਟਨਾ ਤੋਂ ਬਾਅਦ, ਜਹਾਜ਼ ਵਿੱਚ ਸਵਾਰ ਸਾਰੇ ਯਾਤਰੀਆਂ ਨੂੰ ਤੁਰੰਤ ਐਮਰਜੈਂਸੀ ਸਲਾਈਡਾਂ ਰਾਹੀਂ ਬਾਹਰ ਕੱਢਿਆ ਗਿਆ। ਏਅਰਲਾਈਨ ਦੇ ਅਨੁਸਾਰ, ਕੁਝ ਯਾਤਰੀਆਂ ਨੂੰ ਪੌੜੀਆਂ ਦੀ ਵਰਤੋਂ ਕਰਕੇ ਬਾਹਰ ਕੱਢਿਆ ਗਿਆ ਕਿਉਂਕਿ ਉਹ ਸਲਾਈਡਾਂ ਦੀ ਵਰਤੋਂ ਕਰਨ ਵਿੱਚ ਅਸਮਰੱਥ ਸਨ। ਹਫੜਾ-ਦਫੜੀ ਮਚ ਗਈ, ਪਰ ਚਾਲਕ ਦਲ ਨੇ ਸਥਿਤੀ ਨੂੰ ਸੰਭਾਲ ਲਿਆ।
ਅਧਿਕਾਰੀਆਂ ਨੇ ਦੱਸਿਆ ਕਿ ਏਅਰਬੱਸ ਏ330 ਫਲਾਈਟ ਨੰਬਰ LX147, ਨੇ ਸਵੇਰੇ 1:08 ਵਜੇ ਉਡਾਣ ਭਰੀ ਉਦੋਂ ਹੀ ਉਸ ਦਾ ਇੱਕ ਇੰਜਣ ਵਿੱਚ ਫੇਲ੍ਹ ਹੋ ਗਿਆ ਅਤੇ ਉਸ ਨੂੰ ਅੱਗ ਲੱਗ ਗਈ। ਖੁਸ਼ਕਿਸਮਤੀ ਨਾਲ, ਸਾਰੇ ਚਾਲਕ ਦਲ ਦੇ ਮੈਂਬਰ ਸੁਰੱਖਿਅਤ ਸਨ। ਜਹਾਜ਼ ਵਿੱਚ 228 ਯਾਤਰੀ ਅਤੇ ਚਾਰ ਬੱਚੇ ਸਵਾਰ ਸਨ।
