ਖ਼ਬਰਾਂ |

ਤਾਜ਼ਾ |

ਸ਼ੇਅਰ ਬਾਜ਼ਾਰ 'ਚ ਲਗਾਤਾਰ ਚੌਥੇ ਦਿਨ ਗਿਰਾਵਟ, ਸੈਂਸੈਕਸ 570.59 ਅੰਕਾਂ ਦੀ ਗਿਰਾਵਟ ਨਾਲ 71,909.70 'ਤੇ ਬੰਦ
Published : Oct 1, 2026, 6:47 pm IST
Updated : Oct 1, 2026, 6:47 pm IST
SHARE ARTICLE
Stock market falls for fourth consecutive day, Sensex closes at 71,909.70, down 570.59 points
Stock market falls for fourth consecutive day, Sensex closes at 71,909.70, down 570.59 points

ਨਿਫਟੀ 198.50 ਅੰਕਾਂ ਦੇ ਨੁਕਸਾਨ ਨਾਲ 22,421.95 'ਤੇ ਪਹੁੰਚਿਆ

ਮੁੰਬਈ: ਵਿਦੇਸ਼ੀ ਸੰਸਥਾਗਤ ਨਿਵੇਸ਼ਕਾਂ ਦੀ ਭਾਰੀ ਬਿਕਵਾਲੀ, ਬਾਂਡ 'ਤੇ ਉੱਚੀ ਰਿਟਰਨ (yields) ਅਤੇ ਕੱਚੇ ਤੇਲ ਦੀਆਂ ਕੀਮਤਾਂ ਵਿੱਚ ਉਛਾਲ ਦੇ ਵਿਚਕਾਰ ਸੈਂਸੈਕਸ ਅਤੇ ਨਿਫਟੀ ਵੀਰਵਾਰ ਨੂੰ ਲਗਾਤਾਰ ਚੌਥੇ ਕਾਰੋਬਾਰੀ ਸੈਸ਼ਨ ਵਿੱਚ ਗਿਰਾਵਟ ਦੇ ਨਾਲ ਬੰਦ ਹੋਏ। ਬੀਐੱਸਈ (BSE) ਸੈਂਸੈਕਸ 570.59 ਅੰਕ ਯਾਨੀ 0.79 ਫੀਸਦੀ ਦੀ ਗਿਰਾਵਟ ਦੇ ਨਾਲ 71,909.70 ਅੰਕ 'ਤੇ ਬੰਦ ਹੋਇਆ। ਕਾਰੋਬਾਰ ਦੌਰਾਨ ਇੱਕ ਸਮੇਂ ਇਹ 1,187.41 ਅੰਕ ਤੱਕ ਟੁੱਟ ਕੇ 71,292.88 ਅੰਕ ਦੇ ਨਵੇਂ 52-ਹਫ਼ਤਿਆਂ ਦੇ ਹੇਠਲੇ ਪੱਧਰ 'ਤੇ ਆ ਗਿਆ ਸੀ।

ਨੈਸ਼ਨਲ ਸਟਾਕ ਐਕਸਚੇਂਜ (NSE) ਦਾ 50 ਸ਼ੇਅਰਾਂ ਵਾਲਾ ਨਿਫਟੀ 198.50 ਅੰਕ ਫੀਸਦੀ ਦੀ ਗਿਰਾਵਟ ਦੇ ਨਾਲ 22,421.95 ਅੰਕ 'ਤੇ ਬੰਦ ਹੋਇਆ।

ਸੈਂਸੈਕਸ ਦੀਆਂ ਕੰਪਨੀਆਂ ਵਿੱਚ ਮਾਰੂਤੀ, ਮਹਿਂਦਰਾ ਐਂਡ ਮਹਿਂਦਰਾ, ਟਾਟਾ ਸਟੀਲ, ਅਡਾਨੀ ਪੋਰਟਸ, ਆਈਟੀਸੀ, ਪਾਵਰ ਗ੍ਰਿਡ, ਹਿੰਦੁਸਤਾਨ ਯੂਨੀਲੀਵਰ ਅਤੇ ਇਟਰਨਲ ਵਿੱਚ ਸਭ ਤੋਂ ਵੱਧ ਗਿਰਾਵਟ ਰਹੀ। ਉੱਥੇ ਹੀ, ਇੰਫੋਸਿਸ, ਟਾਟਾ ਕੰਸਲਟੈਂਸੀ ਸਰਵਿਸਿਜ਼ (ਟੀਸੀਐੱਸ), ਐੱਚਸੀਐੱਲ ਟੈਕ ਅਤੇ ਐੱਚਡੀਐੱਫਸੀ ਬੈਂਕ ਦੇ ਸ਼ੇਅਰ ਵਾਧੇ ਵਿੱਚ ਰਹੇ।

ਸ਼ੇਅਰ ਬਾਜ਼ਾਰ ਦੇ ਅੰਕੜਿਆਂ ਅਨੁਸਾਰ, ਵਿਦੇਸ਼ੀ ਸੰਸਥਾਗਤ ਨਿਵੇਸ਼ਕਾਂ (FIIs) ਨੇ ਬੁੱਧਵਾਰ ਨੂੰ 10,148.41 ਕਰੋੜ ਰੁਪਏ ਦੇ ਸ਼ੇਅਰ ਵੇਚੇ। ਬੁੱਧਵਾਰ ਤੱਕ ਲਗਾਤਾਰ ਪੰਜ ਕਾਰੋਬਾਰੀ ਸੈਸ਼ਨਾਂ ਵਿੱਚ ਐੱਫਆਈਆਈ 34,203.14 ਕਰੋੜ ਰੁਪਏ ਦੀ ਕੀਮਤ ਦੇ ਸ਼ੇਅਰ ਵੇਚ ਚੁੱਕੇ ਹਨ।

ਗਲੋਬਲ ਤੇਲ ਮਾਨਕ ਬ੍ਰੈਂਟ ਕੱਚਾ ਤੇਲ 2.77 ਫੀਸਦੀ ਵਧ ਕੇ 100.8 ਡਾਲਰ ਪ੍ਰਤੀ ਬੈਰਲ 'ਤੇ ਪਹੁੰਚ ਗਿਆ।

ਜੀਓਜੀਤ ਇਨਵੈਸਟਮੈਂਟਸ ਲਿਮਟਿਡ ਦੇ ਰਿਸਰਚ ਹੈੱਡ ਵਿਨੋਦ ਨਾਇਰ ਨੇ ਕਿਹਾ, “ਬਾਜ਼ਾਰ ਵਿੱਚ ਬਿਕਵਾਲੀ ਮੁੱਖ ਤੌਰ 'ਤੇ ਬਾਹਰੀ ਕਾਰਕਾਂ ਤੋਂ ਪ੍ਰੇਰਿਤ ਰਹੀ ਹੈ। ਬਾਂਡ ਰਿਟਰਨ ਕਈ ਸਾਲਾਂ ਦੇ ਉੱਚੇ ਪੱਧਰ 'ਤੇ ਪਹੁੰਚ ਗਿਆ ਹੈ ਅਤੇ ਕੱਚੇ ਤੇਲ ਦੀਆਂ ਕੀਮਤਾਂ ਉੱਚੀਆਂ ਬਣੀਆਂ ਹੋਈਆਂ ਹਨ, ਜਿਸ ਨਾਲ ਵਿੱਤੀ ਵਰ੍ਹੇ 2026-27 ਦੇ ਆਰਥਿਕ ਦ੍ਰਿਸ਼ਟੀਕੋਣ ਨੂੰ ਲੈ ਕੇ ਚਿੰਤਾਵਾਂ ਵਧੀਆਂ ਹਨ।”

ਬੀਐੱਸਈ ਸਮਾਲਕੈਪ ਸਿਲੈਕਟ ਇੰਡੈਕਸ 0.96 ਫੀਸਦੀ ਅਤੇ ਮਿਡਕੈਪ ਸਿਲੈਕਟ 0.71 ਫੀਸਦੀ ਦੇ ਨੁਕਸਾਨ ਵਿੱਚ ਰਿਹਾ।

ਬੀਐੱਸਈ ਦੇ ਖੇਤਰਵਾਰ ਸੂਚਕਾਂਕਾਂ (sectoral indices) ਵਿੱਚ ਆਟੋ ਖੇਤਰ ਵਿੱਚ 3.09 ਫੀਸਦੀ, ਧਾਤੂ (metal) ਵਿੱਚ 2.18 ਫੀਸਦੀ, ਜਿਨਸਾਂ (commodities) ਵਿੱਚ 1.90 ਫੀਸਦੀ, ਜਨਤਕ ਸੇਵਾਵਾਂ ਵਿੱਚ 1.71 ਫੀਸਦੀ, ਹਾਊਸਿੰਗ ਫਾਈਨਾਂਸ ਖੇਤਰ ਵਿੱਚ 1.52 ਫੀਸਦੀ, ਐੱਫਐੱਮਸੀਜੀ ਵਿੱਚ 1.51 ਫੀਸਦੀ ਅਤੇ ਟਿਕਾਊ ਉਪਭੋਗਤਾ ਵਸਤੂਆਂ (consumer durables) ਖੇਤਰ ਵਿੱਚ 1.35 ਫੀਸਦੀ ਦੀ ਗਿਰਾਵਟ ਰਹੀ।

ਸੂਚਨਾ ਤਕਨਾਲੋਜੀ (IT), ਟੈਲੀਕਾਮ, ਬੀਮਾ ਅਤੇ ਹਸਪਤਾਲ ਖੇਤਰ ਦੇ ਸੂਚਕਾਂਕ ਵਾਧੇ ਵਿੱਚ ਰਹੇ।

ਮੋਤੀਲਾਲ ਓਸਵਾਲ ਫਾਈਨੈਂਸ਼ੀਅਲ ਸਰਵਿਸਿਜ਼ ਲਿਮਟਿਡ ਦੇ ਵੈਲਥ ਮੈਨੇਜਮੈਂਟ ਰਿਸਰਚ ਹੈੱਡ ਸਿਧਾਰਥ ਖੇਮਕਾ ਨੇ ਕਿਹਾ, ‘‘ਨਿਫਟੀ-50 ਪਿਛਲੇ ਅੱਠ ਹਫ਼ਤਿਆਂ ਵਿੱਚ 7.9 ਫੀਸਦੀ ਡਿੱਗ ਚੁੱਕਾ ਹੈ। ਇਹ 2020 ਤੋਂ ਬਾਅਦ ਇਸਦੀ ਸਭ ਤੋਂ ਲੰਬੀ ਗਿਰਾਵਟ ਦਾ ਦੌਰ ਹੈ ਅਤੇ ਸੂਚਕਾਂਕ ਛੇ ਮਹੀਨਿਆਂ ਦੇ ਹੇਠਲੇ ਪੱਧਰ 'ਤੇ ਆ ਗਿਆ ਹੈ।’’

ਏਸ਼ੀਆਈ ਬਾਜ਼ਾਰਾਂ ਵਿੱਚ ਦੱਖਣੀ ਕੋਰੀਆ ਦਾ ਕੋਸਪੀ ਅਤੇ ਜਪਾਨ ਦਾ ਨਿੱਕੇਈ ਵਾਧੇ ਦੇ ਨਾਲ ਬੰਦ ਹੋਏ।

ਯੂਰਪੀਅਨ ਬਾਜ਼ਾਰਾਂ ਵਿੱਚ ਦੁਪਹਿਰ ਦੇ ਕਾਰੋਬਾਰ ਵਿੱਚ ਗਿਰਾਵਟ ਦਾ ਰੁਝਾਨ ਸੀ। ਅਮਰੀਕੀ ਬਾਜ਼ਾਰ ਬੁੱਧਵਾਰ ਨੂੰ ਜ਼ਿਆਦਾਤਰ ਗਿਰਾਵਟ ਨਾਲ ਬੰਦ ਹੋਏ ਸਨ।

ਰਿਸਰਚ ਐਨਾਲਿਸਟ ਕੰਪਨੀ ਐੱਚਐੱਸਟੀ ਵੈਲਥ ਦੇ ਸੰਸਥਾਪਕ ਅਤੇ ਸੀਈਓ ਹਰੀਸੈਲਵਨ ਰਾਧਾਕ੍ਰਿਸ਼ਨਨ ਨੇ ਕਿਹਾ, ‘‘ਅਮਰੀਕਾ ਵਿੱਚ 10 ਸਾਲ ਦੇ ਬਾਂਡ 'ਤੇ ਵਿਆਜ ਦਰ ਵਧ ਕੇ ਲਗਭਗ 5.34 ਫੀਸਦੀ ਹੋਣ ਨਾਲ ਡਾਲਰ ਵਿੱਚ ਨਿਵੇਸ਼ ਦੀ ਖਿੱਚ ਵਧੀ ਹੈ ਅਤੇ ਉੱਭਰਦੇ ਬਾਜ਼ਾਰਾਂ ਦੇ ਸ਼ੇਅਰਾਂ ਦੇ ਮੁਲਾਂਕਣ (valuation) 'ਤੇ ਦਬਾਅ ਵਧਿਆ ਹੈ।’’

ਉਨ੍ਹਾਂ ਨੇ ਕਿਹਾ ਕਿ ਵਿਦੇਸ਼ੀ ਨਿਵੇਸ਼ਕਾਂ ਨੇ ਪਿਛਲੇ ਕਾਰੋਬਾਰੀ ਸੈਸ਼ਨ ਵਿੱਚ 10,000 ਕਰੋੜ ਰੁਪਏ ਤੋਂ ਵੱਧ ਦੇ ਸ਼ੇਅਰ ਵੇਚੇ ਹਨ।

ਐਨਰਿਚ ਮਨੀ ਦੇ ਸੀਈਓ ਪੋਨਮੁਡੀ ਆਰ ਨੇ ਕਿਹਾ, ‘‘ਕੱਚੇ ਤੇਲ ਦੀਆਂ ਵਧਦੀਆਂ ਕੀਮਤਾਂ, ਅਮਰੀਕਾ ਵਿੱਚ ਬਾਂਡ ਰਿਟਰਨ ਵਿੱਚ ਵਾਧੇ ਅਤੇ ਰੁਪਏ ਵਿੱਚ ਤੇਜ਼ ਗਿਰਾਵਟ ਨਾਲ ਨਿਵੇਸ਼ਕਾਂ ਦੀ ਚਿੰਤਾ ਵਧਣ ਕਾਰਨ ਭਾਰਤੀ ਸ਼ੇਅਰਾਂ ਵਿੱਚ ਵੀਰਵਾਰ ਨੂੰ ਭਾਰੀ ਬਿਕਵਾਲੀ ਹੋਈ। ਇਸਦਾ ਅਸਰ ਮੁੱਖ ਸੂਚਕਾਂਕਾਂ ਤੋਂ ਇਲਾਵਾ ਵੀ ਦੇਖਣ ਨੂੰ ਮਿਲਿਆ ਅਤੇ ਮੱਧਮ (mid-cap) ਅਤੇ ਛੋਟੀਆਂ ਕੰਪਨੀਆਂ (small-cap) ਦੇ ਸ਼ੇਅਰ ਵੀ ਗਿਰਾਵਟ ਨਾਲ ਬੰਦ ਹੋਏ।’’

ਹਫ਼ਤਾਵਾਰੀ ਆਧਾਰ 'ਤੇ ਸੈਂਸੈਕਸ 1,986.04 ਅੰਕ यानी 2.68 ਫੀਸਦੀ ਅਤੇ ਨਿਫਟੀ 718.55 ਅੰਕ ਯਾਨੀ 3.10 ਫੀਸਦੀ ਹੇਠਾਂ ਆਇਆ ਹੈ।

ਸੈਂਸੈਕਸ ਸਤੰਬਰ ਵਿੱਚ 4,476.98 ਅੰਕ यानी 5.81 ਫੀਸਦੀ ਅਤੇ ਨਿਫਟੀ 1,459.95 ਅੰਕ यानी ਛੇ ਫੀਸਦੀ ਟੁੱਟ ਚੁੱਕਾ ਹੈ। ‘ਗਾਂਧੀ ਜਯੰਤੀ’ ਦੇ ਮੌਕੇ 'ਤੇ ਸ਼ੁੱਕਰਵਾਰ ਨੂੰ ਸ਼ੇਅਰ ਬਾਜ਼ਾਰ ਬੰਦ ਰਹਿਣਗੇ।

ਸੈਂਸੈਕਸ ਬੁੱਧਵਾਰ ਨੂੰ 48.78 ਅੰਕ ਫੀਸਦੀ ਟੁੱਟ ਕੇ 72,480.29 ਅੰਕ 'ਤੇ ਅਤੇ ਨਿਫਟੀ 95.75 ਅੰਕ ਯਾਨੀ 0.42 ਫੀਸਦੀ ਦੀ ਗਿਰਾਵਟ ਨਾਲ 22,620.45 ਅੰਕ 'ਤੇ ਬੰਦ ਹੋਇਆ ਸੀ।

Location: India, Maharashtra

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

Advertisement

Rajasthan Railway Track Blast Case 'ਚ ਵੱਡੀ ਗ੍ਰਿਫ਼ਤਾਰੀ! Gurdaspur ਤੋਂ 2 ਮੁੱਖ ਮੁਲਜ਼ਮ Arrest | Punjab |

15 Nov 2026 1:39 PM

? LIVE | 14 Nov 2026 | ਅੱਜ ਦੀਆਂ ਵੱਡੀਆਂ ਖ਼ਬਰਾਂ | Punjab News | India News | | Rozana Spokesman TV

14 Nov 2026 2:04 PM

? LIVE | 13 Nov 2026 | ਅੱਜ ਦੀਆਂ ਵੱਡੀਆਂ ਖ਼ਬਰਾਂ

13 Nov 2026 2:47 PM

ਆਮ ਆਦਮੀ ਪਾਰਟੀ ਦੀ ਦੂਜੀ ਲਿਸਟ ਜਲਦ! ਕਿਸ ਵਿਧਾਇਕ ਦੀ ਕੱਟੇਗੀ ਟਿਕਟ?

12 Nov 2026 1:37 PM

ਸੋਨੇ-ਚਾਂਦੀ ਦੀਆਂ ਕੀਮਤਾਂ 'ਚ ਵੱਡਾ ਉਛਾਲ, ਜਾਣੋ ਅੱਜ ਦੇ ਨਵੇਂ ਰੇਟ

06 Nov 2026 2:11 PM
Advertisement