'ਡੀਪਫੇਕ ਕੰਟੈਂਟ' ’ਤੇ ਮੈਟਾ ਨੇ ਮੰਨੀ ਗਲਤੀ, ਸਰਕਾਰ ਨੇ 3 ਦਿਨ ਦਾ ਦਿੱਤਾ ਸੀ ਅਲਟੀਮੇਟਮ
ਨਵੀਂ ਦਿੱਲੀ: ਮੇਟਾ ਦੇ ਸੀ.ਈ.ਓ. ਮਾਰਕ ਜ਼ੁਕਰਬਰਗ ਨੇ ਭਾਰਤ ਸਰਕਾਰ ਤੋਂ 'ਡੀਪਫੇਕ ਕੰਟੈਂਟ' ਅਤੇ ਪਲੇਟਫਾਰਮ ਦੇ ਸੰਚਾਲਨ ਵਿੱਚ ਹੋਈਆਂ ਗਲਤੀਆਂ ’ਤੇ ਮਾਫ਼ੀ ਮੰਗੀ ਹੈ। ਇਹ ਜਾਣਕਾਰੀ ਨਿਊਜ਼ ਏਜੰਸੀ PTI ਨੇ ਸਰੋਤਾਂ ਦੇ ਹਵਾਲੇ ਤੋਂ ਦਿੱਤੀ ਹੈ।
ਅੱਜ ਹੀ ਸੰਸਦੀ ਕਮੇਟੀ ਨੇ 3 ਦਿਨਾਂ ਦੇ ਅੰਦਰ ਬਿਨਾਂ ਸ਼ਰਤ ਮਾਫ਼ੀ ਮੰਗਣ ਲਈ ਕਿਹਾ ਸੀ। ਨਾਲ ਹੀ ਚੇਤਾਵਨੀ ਦਿੱਤੀ ਸੀ ਕਿ ਜੇਕਰ ਅਜਿਹਾ ਨਹੀਂ ਹੋਇਆ, ਤਾਂ ਮੇਟਾ ਨੂੰ ਭਾਰਤ ਵਿੱਚ ਮਿਲਣ ਵਾਲੀ ਕਾਨੂੰਨੀ ਸੁਰੱਖਿਆ ਅਤੇ ਕੁਝ ਛੋਟਾਂ ਵਾਪਸ ਲੈਣ 'ਤੇ ਵਿਚਾਰ ਕੀਤਾ ਜਾ ਸਕਦਾ ਹੈ।
ਇਸੇ ਮਾਮਲੇ ਵਿੱਚ ਆਈਟੀ ਮੰਤਰਾਲੇ ਅਤੇ ਮੇਟਾ ਦੇ ਅਧਿਕਾਰੀਆਂ ਵਿਚਕਾਰ ਦੋ ਦਿਨਾਂ ਦੀ ਬੈਠਕ ਚੱਲ ਰਹੀ ਹੈ। ਸਰਕਾਰ ਨੇ ਮੇਟਾ ਦੀ ਗਲੋਬਲ ਟੀਮ ਨੂੰ ਦਿੱਲੀ ਬੁਲਾਇਆ ਹੈ। 5 ਅਗਸਤ ਨੂੰ ਬੈਠਕ ਦਾ ਪਹਿਲਾ ਦਿਨ ਸੀ।
ਅਸਲ ਵਿੱਚ, ਸਰਕਾਰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਵੀਡੀਓ ਫੇਸਬੁੱਕ ਤੋਂ ਹਟਾਉਣ ਕਰ ਕੇ ਵੀ ਨਾਰਾਜ਼ ਸੀ। ਪ੍ਰਧਾਨ ਮੰਤਰੀ ਨੇ 23 ਜੁਲਾਈ ਨੂੰ ਇਹ ਵੀਡੀਓ ਪੋਸਟ ਕੀਤੀ ਸੀ। ਇਸ ਵਿੱਚ ਉਨ੍ਹਾਂ ਨੇ ਪੇਪਰ ਲੀਕ ਨੂੰ ਵੱਡੀ ਸਮੱਸਿਆ ਦੱਸਿਆ ਸੀ। ਉਨ੍ਹਾਂ ਨੇ ਅਜਿਹੇ ਮਾਮਲਿਆਂ ਦੀ ਜਲਦ ਸੁਣਵਾਈ ਲਈ ਫਾਸਟ ਟ੍ਰੈਕ ਕੋਰਟ ਬਣਾਉਣ ਦੀ ਵੀ ਗੱਲ ਕਹੀ ਸੀ।
