RBI has not made any change in the repo rate.
ਵਿਆਜ਼ ਦਰ ਨੂੰ 5.25 ਫੀਸਦੀ 'ਤੇ ਰੱਖਿਆ ਬਰਕਰਾਰ
ਨਵੀਂ ਦਿੱਲੀ : ਆਰ.ਬੀ.ਆਈ. ਵੱਲੋਂ ਨਵੇਂ ਵਿੱਤੀ ਸਾਲ ਦੀ ਪਹਿਲੀ ਮੀਟਿੰਗ ਵਿੱਚ ਰੈਪੋ ਰੇਟ ਵਿੱਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਹੈ । ਇਸ ਨੂੰ 5.25% ਤੇ ਬਰਕਰਾਰ ਰੱਖਿਆ ਗਿਆ ਹੈ । ਇਸਦਾ ਮਤਲਬ ਹੈ ਕਿ ਕਰਜ਼ੇ ਹੋਰ ਮਹਿੰਗੇ ਨਹੀਂ ਹੋਣਗੇ ਅਤੇ ਤੁਹਾਡੇ EMI ਨਹੀਂ ਵਧਣਗੇ । ਆਰ.ਬੀ.ਆਈ. ਦੇ ਗਵਰਨਰ ਸੰਜੇ ਮਲਹੋਤਰਾ ਨੇ 8 ਅਪ੍ਰੈਲ ਨੂੰ ਮੁਦਰਾ ਨੀਤੀ ਕਮੇਟੀ ਦੀ ਮੀਟਿੰਗ ਦੌਰਾਨ ਲਏ ਗਏ ਫੈਸਲਿਆਂ ਦਾ ਐਲਾਨ ਕੀਤਾ।
ਇਸ ਤੋਂ ਪਹਿਲਾਂ, ਰੈਪੋ ਰੇਟ ਫਰਵਰੀ ਵਿੱਚ ਵੀ ਬਦਲਿਆ ਨਹੀਂ ਗਿਆ ਸੀ । ਆਰ.ਬੀ.ਆਈ. ਨੇ ਆਖਰੀ ਵਾਰ ਦਸੰਬਰ 2025 ਵਿੱਚ ਵਿਆਜ ਦਰਾਂ ਨੂੰ ਐਡਜਸਟ ਕੀਤਾ ਸੀ, ਜਦੋਂ ਇਸ ਨੇ ਉਹਨਾਂ ਨੂੰ 0.25% ਘਟਾ ਕੇ 5.25% ਕਰ ਦਿੱਤਾ ਸੀ। ਆਰ.ਬੀ.ਆਈ. ਜਿਸ ਦਰ 'ਤੇ ਬੈਂਕਾਂ ਨੂੰ ਪੈਸੇ ਉਧਾਰ ਦਿੰਦਾ ਹੈ ਉਸ ਨੂੰ ਰੈਪੋ ਰੇਟ ਕਿਹਾ ਜਾਂਦਾ ਹੈ । ਜਦੋਂ ਆਰ.ਬੀ.ਆਈ. ਰੈਪੋ ਰੇਟ ਘਟਾਉਂਦਾ ਹੈ, ਤਾਂ ਬੈਂਕ ਇਹ ਲਾਭ ਆਪਣੇ ਗਾਹਕਾਂ ਨੂੰ ਦਿੰਦੇ ਹਨ।
