ਦੋਵਾਂ ਔਰਤਾਂ ਦੀ ਹਾਲਤ ਸਥਿਰ
ਬਠਿੰਡਾ ਵਿੱਚ, ਨਹਿਰ ਦੇ ਨੇੜੇ ਪੂਜਾ ਕਰਦੀਆਂ ਦੋ ਔਰਤਾਂ ਅਚਾਨਕ ਨਹਿਰ ਵਿੱਚ ਡਿੱਗ ਪਈਆਂ ਅਤੇ ਡੁੱਬਣ ਲੱਗੀਆਂ। ਆਸ-ਪਾਸ ਮੌਜੂਦ ਲੋਕਾਂ ਨੇ 'ਸਹਾਰਾ ਜਨ ਸੇਵਾ' ਲਾਈਫ ਸੇਵਿੰਗ ਬ੍ਰਿਗੇਡ ਦੀ ਹੈਲਪਲਾਈਨ ਟੀਮ ਦੀ ਮਦਦ ਨਾਲ ਤੁਰੰਤ ਬਚਾਅ ਕਾਰਜ ਸ਼ੁਰੂ ਕੀਤਾ। ਟੀਮ ਦੇ ਮੈਂਬਰਾਂ ਸੰਦੀਪ ਗਿੱਲ ਅਤੇ ਅੰਮ੍ਰਿਤਪਾਲ ਸਿੰਘ ਨੇ ਉੱਥੇ ਮੌਜੂਦ ਲੋਕਾਂ ਦੀ ਸਹਾਇਤਾ ਨਾਲ ਦੋਵਾਂ ਔਰਤਾਂ ਨੂੰ ਸੁਰੱਖਿਅਤ ਢੰਗ ਨਾਲ ਨਹਿਰ ਵਿੱਚੋਂ ਬਾਹਰ ਕੱਢ ਲਿਆ।
ਬਚਾਅ ਕਾਰਜ ਤੋਂ ਬਾਅਦ, ਸਹਾਰਾ ਜਨ ਸੇਵਾ ਦੀ ਟੀਮ ਨੇ ਦੋਵਾਂ ਔਰਤਾਂ ਨੂੰ ਸਹਾਰਾ ਐਂਬੂਲੈਂਸ ਰਾਹੀਂ ਸਿਵਲ ਹਸਪਤਾਲ ਦੇ ਐਮਰਜੈਂਸੀ ਵਾਰਡ ਵਿੱਚ ਪਹੁੰਚਾਇਆ। ਉੱਥੇ ਡਾਕਟਰਾਂ ਨੇ ਤੁਰੰਤ ਉਨ੍ਹਾਂ ਦਾ ਇਲਾਜ ਸ਼ੁਰੂ ਕਰ ਦਿੱਤਾ। ਸਮੇਂ ਸਿਰ ਬਚਾਅ ਅਤੇ ਡਾਕਟਰੀ ਦੇਖਭਾਲ ਮਿਲਣ ਕਾਰਨ ਦੋਵਾਂ ਔਰਤਾਂ ਦੀ ਜਾਨ ਬਚ ਗਈ। ਫਿਲਹਾਲ, ਉਨ੍ਹਾਂ ਦੀ ਹਾਲਤ ਸਥਿਰ ਦੱਸੀ ਜਾ ਰਹੀ ਹੈ।
ਇਨ੍ਹਾਂ ਔਰਤਾਂ ਦੀ ਪਛਾਣ ਸਰਿਤਾ ਅਤੇ ਰੇਖਾ ਵਜੋਂ ਹੋਈ ਹੈ, ਜੋ ਦੋਵੇਂ ਬਠਿੰਡਾ ਦੇ ਧੋਬੀਆਣਾ ਸਥਿਤ '25-ਗਜ਼' ਇਲਾਕੇ ਦੀਆਂ ਰਹਿਣ ਵਾਲੀਆਂ ਹਨ। ਘਟਨਾ ਦੀ ਸੂਚਨਾ ਮਿਲਦਿਆਂ ਹੀ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰ ਹਸਪਤਾਲ ਪਹੁੰਚ ਗਏ। ਚਸ਼ਮਦੀਦ ਗਵਾਹਾਂ ਅਨੁਸਾਰ, ਇਹ ਔਰਤਾਂ ਨਹਿਰ ਨੇੜੇ ਇੱਕ ਪੂਜਾ ਕਰ ਰਹੀਆਂ ਸਨ ਅਦਾਨਕ ਉਹ ਪਾਣੀ ਵਿੱਚ ਡਿੱਗ ਪਈਆਂ। ਮੌਕੇ 'ਤੇ ਮੌਜੂਦ 'ਸਹਾਰਾ ਜਨ ਸੇਵਾ' ਦੀ ਬਚਾਅ ਦਲ (ਲਾਈਫ-ਸੇਵਿੰਗ ਬ੍ਰਿਗੇਡ) ਦੀ ਟੀਮ ਨੇ ਤੁਰੰਤ ਕਾਰਵਾਈ ਕੀਤੀ ਅਤੇ ਹੋਰਨਾਂ ਦੀ ਮਦਦ ਨਾਲ ਦੋਵਾਂ ਔਰਤਾਂ ਨੂੰ ਪਾਣੀ ਵਿੱਚੋਂ ਬਾਹਰ ਕੱਢਿਆ।
