ਮੈਂ ਪਾਰਲੀਮੈਂਟ ਵਿੱਚ ਮੋਦੀ ਦੇ ਸਾਹਮਣੇ ਖੜ੍ਹ ਕੇ ਮੰਗਿਆ ਸੀ ਲਾਰੈਸ਼ ਬਿਸ਼ਨੋਈ- ਰਾਜਾ ਵੜਿੰਗ
ਫ਼ਿਰੋਜ਼ਪੁਰ: ਪੰਜਾਬ ਕਾਂਗਰਸ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਅਤੇ ਪੰਜਾਬ ਕਾਂਗਰਸ ਦੇ ਇੰਚਾਰਜ ਭੁਪੇਸ਼ ਬਘੇਲ ਅੱਜ ਫਿਰੋਜ਼ਪੁਰ ਪੁਹੰਚੇ ਸਨ। ਜ਼ਿਲ੍ਹਾ ਪ੍ਰਧਾਨ ਕੁਲਬੀਰ ਸਿੰਘ ਜ਼ੀਰਾ ਦੀ ਅਗਵਾਈ ਚ ਕਰਵਾਈ ਗਈ ਰੈਲੀ ਚ ਪਹੁੰਚੇ ਸਨ। ਆਪਣੇ ਭਾਸ਼ਣ ਦੌਰਾਨ ਰਾਜਾ ਵੜਿੰਗ ਨੇ ਸਿੱਧੂ ਮੂਸੇ ਵਾਲਾ ਨੂੰ ਅਪਣਾ ਭਰਾ ਦਸਿਆ ਤੇ ਉਸ ਦਾ ਗਾਣਾ ਲਗਾ ਕੇ ਸਮਰਥਕਾਂ ਨੂੰ ਸੁਣਾਇਆ। ਰਾਜਾ ਵੜਿੰਗ ਨੇ ਕਿਹਾ ਸਾਬਰਮਤੀ ਜੇਲ ਚ ਬੰਦ ਲਾਰੈਂਸ ਬਿਸ਼ਨੋਈ ਸਾਨੂੰ ਦੇ ਦਿਓ, ਅਸੀਂ ਆਪਣੇ ਯਾਰ ਸਿੱਧੂ ਮੂਸੇ ਵਾਲੇ ਦਾ ਬਦਲਾ ਲੈਣਾ।
ਪਾਰਟੀ ਅੰਦਰ ਉੱਠ ਰਹੀਆਂ ਬਾਗੀ ਸੁਰਾਂ ਖਿਲਾਫ ਵੀ ਰਾਜਾ ਵੜਿੰਗ ਵੱਲੋਂ ਤੰਜ ਕੱਸੇ ਗਏ। ਕਾਂਗਰਸ ਤੇ ਜ਼ਿਲਾ ਪਰਧਾਨ ਕੁਲਬੀਰ ਸਿੰਘ ਨੇ ਹੱਥ ਚ ਖੂੰਡਾ ਫੜ੍ਹ ਕੇ ਕਿਹਾ ਸਰਕਾਰ ਆਉਣ ਤੇ ਵਿਰੋਧੀਆਂ ਨੂੰ ਇਸ ਖੂੰਡੇ ਨਾਲ ਭਜਾਇਆ ਜਾਵੇਗਾ। ਤੁਹਾਨੂੰ ਇਹ ਵੀ ਦੱਸ ਦਿੰਦੇ ਹਨ ਕਿ ਬੀਤੇ ਕੱਲ ਚਰਨਜੀਤ ਸਿੰਘ ਚੰਨੀ ਦੀ ਫਿਰੋਜ਼ਪੁਰ ਫੇਰੀ ਦੌਰਾਨ ਪੋਸਟਰਾਂ ਚ ਰਾਜਾ ਵੜਿੰਗ, ਕੁਲਬੀਰ ਜ਼ੀਰਾ ਦੀ ਫੋਟੋ ਗਾਇਬ ਸੀ। ਜਦ ਕਿ ਅੱਜ ਦੇ ਫਲੇੱਕਸਾਂ ਚ ਚੰਨੀ ਤੋਂ ਇਲਾਵਾ ਹੋਰ ਕਾਂਗਰਸੀ ਲੀਡਰਾਂ ਦੀ ਫੋਟੋ ਫਲੇਕਸਾਂ ਚ ਦੇਖੀ ਗਈ। ਅੱਜ ਦੀ ਰੈਲੀ ਦੌਰਾਨ ਰਾਜਾ ਵੜਿੰਗ ਦੇ ਵਿਰੋਧੀ ਵੀ ਸਟੇਜ ਉੱਤੇ ਨਜ਼ਰ ਆਏ।
