Ludhiana Zoo gets new tiger pair, Tiger Safari gets more exciting
ਨਾਗਪੁਰ ਦੇ ਬਾਲਾਸਾਹਿਬ ਠਾਕਰੇ ਗੋਰੇਵਾੜਾ ਇੰਟਰਨੈਸ਼ਨਲ ਜ਼ੂਲੋਜਿਕਲ ਪਾਰਕ ਤੋਂ ਸਫਲਤਾਪੁਰਕ ਲਿਆਂਦਾ ਗਿਆ ਜੋੜਾ
ਲੁਧਿਆਣਾ: ਲੁਧਿਆਣਾ ਚਿੜੀਆਘਰ ਵਲੋਂ ਨਾਗਪੁਰ ਦੇ ਬਾਲਾਸਾਹਿਬ ਠਾਕਰੇ ਗੋਰੇਵਾੜਾ ਇੰਟਰਨੈਸ਼ਨਲ ਜ਼ੂਲੋਜਿਕਲ ਪਾਰਕ ਤੋਂ ਰਾਇਲ ਬੰਗਾਲ ਟਾਈਗਰ ਦੀ ਜੋੜੀ (ਇਕ ਨਰ ਅਤੇ ਇਕ ਮਾਦਾ) ਸਫਲਤਾਪੁਰਕ ਲਿਆਂਦੀ ਗਈ ਹੈ। ਇਹ ਟਰਾਂਸਫਰ 30 ਜੂਨ 2026 ਨੂੰ ਪੂਰਾ ਹੋਇਆ।
ਇਹ ਸਾਰੀ ਪ੍ਰਕਿਰਿਆ ਸ੍ਰੀ ਬਸੰਤਾ ਰਾਜ ਕੁਮਾਰ ਚੀਫ ਵਾਇਲਡਲਾਈਫ ਵਾਰਡਨ ਪੰਜਾਬ, ਸ੍ਰੀ ਵਿਸ਼ਾਲ ਚੋਹਾਨ ਵਣ ਪਾਲ (ਪਾਰਕਸ ਐਂਡ ਪ੍ਰੋਟੈਕਟੇਡ ਏਰੀਆ ਪੰਜਾਬ) ਅਤੇ ਸ੍ਰੀ ਵਿਕਰਮ ਸਿੰਘ ਕੁੰਦਰਾ ਵਣ ਮੰਡਲ ਅਫਸਰ, ਜੰਗਲੀ ਜੀਵ ਮੰਡਲ, ਫਿਲੌਰ ਦੀ ਰਹਿਨੁਮਾਈ ਹੇਠ ਕੀਤੀ ਗਈ। ਲੁਧਿਆਣਾ ਚਿੜੀਆਘਰ ਦੇ ਇੰਚਾਰਜ ਸ੍ਰੀ ਨਰਿੰਦਰ ਸਿੰਘ ਦੀ ਅਗਵਾਈ ਹੇਠ ਟੀਮ ਗੋਰੇਵਾੜਾ ਰੈਸਕਿਉ ਸੈਂਟਰ ਨਾਗਪੁਰ ਗਈ ਅਤੇ ਟਾਈਗਰਾ ਨੂੰ ਸੁਰੱਖਿਅਤ ਲੁਧਿਆਣਾ ਚਿੜੀਆਘਰ ਲੈ ਕੇ ਆਏ।
ਲੁਧਿਆਣਾ ਚਿੜੀਆਘਰ ਆਪਣੀ ਮਸ਼ਹੂਰ ਟਾਈਗਰ ਸਫਾਰੀ ਲਈ ਜਾਣਿਆ ਜਾਂਦਾ ਹੈ ਅਤੇ ਜਾਨਵਰਾਂ ਦੀ ਇਸ ਨਵੀਂ ਜੋੜੀ ਦੇ ਆਉਣ ਨਾਲ ਸਫਾਰੀ ਹੋਰ ਵੀ ਆਕਰਸ਼ਕ ਬਣੇਗੀ। ਟਾਈਗਰ ਸਫਾਰੀ ਜਲਦ ਹੀ ਦਰਸ਼ਕਾਂ ਲਈ ਖੋਲ੍ਹੀ ਜਾਵੇਗੀ।
