Patiala House roof collapsed news
ਭਾਰੀ ਮੀਂਹ ਕਾਰਨ ਸਨੌਰ ਦੇ ਕਈ ਘਰਾਂ ਵਿਚ 2-2 ਫੁੱਟ ਪਾਣੀ ਵੜਿਆ
ਪਟਿਆਲਾ (ਤਪਿੰਦਰ ਸਿੰਘ) : ਪਟਿਆਲਾ ਵਿਚ 3 ਤੋਂ 4 ਘੰਟੇ ਹੋਈ ਭਰਵੀਂ ਬਰਸਾਤ ਨੇ ਨਗਰ ਨਿਗਮ ਅਤੇ ਪੁੱਡਾ ਦੀ ਪੋਲ ਖੋਲ੍ਹ ਦਿਤੀ ਹੈ। ਸ਼ਹਿਰ ਦੇ ਵੱਖ-ਵੱਖ ਏਰੀਏ ਅਰਬਨ ਅਸਟੇਟ ਟੋਬੇ ’ਚ ਤਬਦੀਲ ਹੋ ਗਏ, ਉੱਥੇ ਸਨੌਰ ਦੇ ਕਈ ਘਰਾਂ ਵਿਚ 2-2 ਫੁੱਟ ਪਾਣੀ ਵੜ ਗਿਆ।
ਇਕ ਘਰ ਦੀ ਛੱਤ ਡਿੱਗਣ ਕਾਰਨ ਬੱਚੀ ਦੀ ਮੌਤ ਹੋ ਗਈ, ਜਦੋਂ ਕਿ ਉਸ ਦੀ ਮਾਂ ਗੰਭੀਰ ਰੂਪ ’ਚ ਜ਼ਖ਼ਮੀ ਹੈ। ਜਾਣਕਾਰੀ ਅਨੁਸਾਰ ਭਾਂਖਰ ਚੌਕ ’ਚ ਬਰਸਾਤ ਦੌਰਾਨ ਇਕ ਕੱਚੇ ਮਕਾਨ ਦੀ ਛੱਤ ਅਚਾਨਕ ਢਹਿ ਜਾਣ ਨਾਲ ਪ੍ਰਵਾਸੀ ਮਜ਼ਦੂਰ ਦੇ ਪਰਵਾਰ ’ਤੇ ਦੁੱਖਾਂ ਦਾ ਪਹਾੜ ਟੁੱਟ ਪਿਆ। ਹਾਦਸੇ ’ਚ ਛੋਟੀ ਬੱਚੀ ਦੀ ਮੌਤ, ਜਦਕਿ ਉਸ ਦੀ ਮਾਂ ਗੰਭੀਰ ਰੂਪ ’ਚ ਜ਼ਖ਼ਮੀ ਹੋ ਗਈ। ਪਰਵਾਰਕ ਮੈਂਬਰਾਂ ਨੇ ਦਸਿਆ ਕਿ ਸਵੇਰੇ ਕਰੀਬ 4 ਵਜੇ ਭਾਰੀ ਬਰਸਾਤ ਕਾਰਨ ਘਰ ਦੀ ਛੱਤ ਅਚਾਨਕ ਡਿੱਗ ਪਈ।
