ਤੀਜੀ ਜਮਾਤ ਦੀ ਵਿਦਿਆਰਥਣ ਸੀ ਕ੍ਰਿਤਿਆ
ਰੂਪਨਗਰ: ਮੋਰਿੰਡਾ ਦੇ ਵਾਰਡ ਨੰਬਰ ਇਕ ਵਿੱਚ ਇੱਕ ਅਣਹੋਣੀ ਦਰਦਨਾਕ ਘਟਨਾ ਵਾਪਰੀ ਜਿਸ ਵਿੱਚ ਅਵਾਰਾ ਕੁੱਤਿਆਂ ਵੱਲੋਂ ਇੱਕ ਤੀਸਰੀ ਕਲਾਸ ਦੀ ਵਿਦਿਆਰਥਣ ਨੌ ਸਾਲ ਦੀ ਬੱਚੀ ਕ੍ਰਿਤਿਆ ਨੂੰ ਨੋਚ ਨੋਚ ਕੇ ਖਾ ਲਿਆ। ਕ੍ਰਿਤਿਆ ਦੀ ਮਾਤਾ ਪੂਨਮ ਦੇਵੀ ਅਨੁਸਾਰ ਉਸ ਨੂੰ ਦੁਪਹਿਰ ਵੇਲੇ ਦੁੱਧ ਲੈਣ ਲਈ ਭੇਜਿਆ ਸੀ। ਪਰੰਤੂ ਰਸਤੇ ਵਿੱਚ ਹੀ ਅਵਾਰਾ ਕੁੱਤਿਆਂ ਨੇ ਘੇਰ ਕੇ ਉਸ ਨੂੰ ਨੋਟ ਨੋਚ ਕੇ ਖਾ ਲਿਆ। ਜਦੋਂ ਤੱਕ ਤੇ ਸ਼ੋਰ ਮਚਾਉਣ ਤੇ ਲੋਕੀ ਬਾਹਰ ਆਉਂਦੇ ਉਦੋਂ ਤੱਕ ਕੁੱਤਿਆਂ ਨੇ ਲੜਕੀ ਨੂੰ ਬੁਰੀ ਤਰ੍ਹਾਂ ਨੋਚ ਕੇ ਖਾ ਲਿਆ ਸੀ।
ਉਧਰ ਨੇੜੇ ਹੀ ਰਹਿੰਦੇ ਇਕ ਨੌਜਵਾਨ ਪ੍ਰਗਟ ਸਿੰਘ ਖਾਲਸਾ ਵੱਲੋਂ ਜੇਰਾ ਕਰਦਿਆਂ ਲੜਕੀ ਨੂੰ ਤੁਰੰਤ ਸਥਾਨਕ ਇੱਕ ਨਿੱਜੀ ਹਸਪਤਾਲ ਵਿਖੇ ਲਿਜਾਇਆ ਗਿਆ, ਜਿੱਥੇ ਡਾਕਟਰਾਂ ਵੱਲੋਂ ਉਸ ਨੂੰ ਮੁੱਢਲੀ ਡਾਕਟਰੀ ਸਹਾਇਤਾ ਦੇ ਕੇ ਚੰਡੀਗੜ੍ਹ ਲਈ ਰੈਫਰ ਕਰ ਦਿੱਤਾ ਗਿਆ। ਜਿੱਥੇ ਡਾਕਟਰਾਂ ਵੱਲੋਂ ਲੜਕੀ ਨੂੰ ਮ੍ਰਿਤਕ ਕਰਾਰ ਦੇ ਦਿੱਤਾ ਗਿਆ। ਉਧਰ ਮੁਹੱਲਾ ਨਿਵਾਸੀ ਪਰਦੁਮਣ ਸਿੰਘ ਕੋਲੀ ਅਤੇ ਹੋਰ ਸ਼ਹਿਰ ਵਾਸੀਆਂ ਨੇ ਕਿਹਾ ਕਿ ਉਹ ਨਗਰ ਕੌਂਸਲ ਨੂੰ ਅਨੇਕਾਂ ਵਾਰ ਸ਼ਿਕਾਇਤਾਂ ਕਰ ਚੁੱਕੇ ਹਨ, ਪਰੰਤੂ ਨਗਰ ਕੌਂਸਲ ਵੱਲੋਂ ਇਸ ਵੱਲ ਕੋਈ ਤਵੱਜੋ ਨਹੀਂ ਦਿੱਤੀ ਗਈ, ਜਿਸ ਦਾ ਖਮਿਆਜ਼ਾ ਇੱਕ ਲੜਕੀ ਦੀ ਜਾਨ ਜਾਣ ਨਾਲ ਮਿਲਿਆ।
