Bathinda: Sanitation worker absconds with Rs 4.5 lakh from bank
ਪ੍ਰਤਾਪ ਨਗਰ ਸਥਿਤ SBI ਬ੍ਰਾਂਚ ਵਿੱਚ ਸਫ਼ਾਈ ਦਾ ਕੰਮ ਕਰਦਾ ਸੀ ਮੁਲਜ਼ਮ ਸਤਬੀਰ ਕੁਮਾਰ
ਬਠਿੰਡਾ: ਬਠਿੰਡਾ ਦੇ ਪ੍ਰਤਾਪ ਨਗਰ ਐਸਬੀਆਈ ਬੈਂਕ ਦੀ ਬਰਾਂਚ ਵਿੱਚ ਸਾਢੇ ਚਾਰ ਲੱਖ ਰੁਪਏ ਚੋਰੀ ਕਰਕੇ ਉਥੋਂ ਦਾ ਕੱਚਾ ਕਰਮਚਾਰੀ ਫਰਾਰ ਹੋ ਗਿਆ, ਜੋ ਕਿ ਸਫਾਈ ਦਾ ਕੰਮ ਕਰਦਾ ਸੀ। ਬਠਿੰਡਾ ਪੁਲਿਸ ਨੇ ਮਾਮਲਾ ਦਰਜ ਕਰਕੇ ਦੋਸ਼ੀ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ। ਇਸ ਬਾਰੇ ਜਾਣਕਾਰੀ ਦਿੰਦੇ ਹੋਏ ਐਸਪੀਸੀ ਨੇ ਦੱਸਿਆ ਕਿ ਉਹਨਾਂ ਨੂੰ ਐਸਬੀਆਈ ਬੈਂਕ ਪ੍ਰਤਾਪ ਨਗਰ ਦੇ ਕਰਮਚਾਰੀਆਂ ਵੱਲੋਂ ਇੱਕ ਦਰਖਾਸਤ ਦਿੱਤੀ ਗਈ ਸੀ, ਜਿਸ ਵਿੱਚ ਉਹਨਾਂ ਨੇ ਬੈਂਕ ਵਿੱਚ ਚੋਰੀ ਦੀ ਗੱਲ ਦੱਸੀ ਸੀ, ਜਿਸ ਤੋਂ ਬਾਅਦ ਪੁਲਿਸ ਨੇ ਜਾਂਚ ਸ਼ੁਰੂ ਕੀਤੀ ਤਾਂ ਪਤਾ ਲੱਗਾ ਕਿ ਇਹ ਬੈਂਕ ਦਾ ਹੀ ਕੱਚਾ ਕਰਮਚਾਰੀ ਸੀ, ਜਿਸ ਨੇ ਬੈਂਕ ’ਚ ਸਾਢੇ ਲੱਖ ਰੁਪਏ ਤੇ ਹੱਥ ਸਾਫ ਕੀਤਾ ਹੈ।
ਸਫਾਈ ਕਰਨ ਵਾਲੇ ਲੜਕੇ ਦਾ ਨਾਮ ਸਤਬੀਰ ਕੁਮਾਰ ਹੈ ਅਤੇ ਉਸੇ ਨੇ ਹੀ ਬੈਂਕ ਵਿੱਚੋਂ ਸਾਢੇ ਚਾਰ ਲੱਖ ਰੁਪਏ ਦੀ ਚੋਰੀ ਕੀਤੀ ਹੈ। ਬਠਿੰਡਾ ਪੁਲਿਸ ਨੇ ਮਾਮਲਾ ਦਰਜ ਕਰਕੇ ਉਸ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ। ਐਸਪੀਸੀ ਦਾ ਕਹਿਣਾ ਹੈ ਕਿ ਜਲਦੀ ਦੋਸ਼ੀ ਨੂੰ ਫੜ ਲਿਆ ਜਾਵੇਗਾ।
