photo
ਹਮਲੇ ਵਿਚ ਸੋਹੇਲ ਹੋਇਆ ਗੰਭੀਰ ਜਖ਼ਮੀ
ਵੈਸਟ ਵੈਲੀ ਸਿਟੀ (ਯੂਟਾ) : ਅਮਰੀਕਾ ਦੇ ਯੂਟਾ ਸੂਬੇ ’ਚ ਸਥਿਤ ਵੈਸਟ ਵੈਲੀ ਸਿਟੀ ਵਿਚ ਇਕ ਮੌਲ ਅੰਦਰ ਕੰਮ ਕਰਦੇ ਭਾਰਤੀ ਮੂਲ ਦੇ ਨੌਜੁਆਨ ਸੋਹੇਲ ’ਤੇ ਨਫ਼ਰਤੀ ਹਮਲਾ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। 48 ਸਾਲ ਦੇ ਪੀਟਰ ਮਾਈਕਲ ਲਾਰਸਨ ਨਾਮਕ ਹਮਲਾਵਰ ਨੇ ਸੋਹੇਲ ’ਤੇ ਚਾਕੂ ਨਾਲ 15 ਵਾਰ ਹਮਲਾ ਕੀਤਾ।
ਚਸ਼ਮਦੀਦ ਲੂਨਾ ਨੂਨੇਜ਼ ਮੁਤਾਬਕ, ਲਾਰਸਨ ਨੇ ਸੋਹੇਲ ਦੇ ਕਿਓਸਕ ਕੋਲ ਆ ਕੇ ਉਸ ਦੇ ਪਿਛੋਕੜ ਬਾਰੇ ਪੁਛਿਆ । ਨੂਨੇਜ਼ ਨੇ ਦਸਿਆ,‘‘ਉਸ ਨੇ ਪੁਛਿਆ, ‘ਤੁਸੀਂ ਕਿੱਥੋਂ ਦੇ ਹੋ?’ ਅਤੇ ਪੀੜਤ ਨੇ ਦਸਿਆ,‘ਮੈਂ ਭਾਰਤ ਤੋਂ ਹਾਂ, ਮੇਰਾ ਨਾਮ ਸੋਹੇਲ ਹੈ,’ ਲਾਰਸਨ ਨੇ ਪੁਛਿਆ ‘ਕੀ ਤੁਸੀਂ ਮੁਸਲਮਾਨ ਹੋ?’ ਅਤੇ ਸੋਹੇਲ ਨੇ ਹਾਂ ਕਿਹਾ ਅਤੇ ਉਸ ਨੇ ਬੱਸ ਉਸ ਨੂੰ ਚਾਕੂ ਮਾਰਨਾ ਸ਼ੁਰੂ ਕਰ ਦਿਤਾ।’’
ਮੌਕੇ ’ਤੇ ਮੌਜੂਦ ਲੋਕਾਂ ਨੇ ਬਹਾਦਰੀ ਵਿਖਾਉਂਦੇ ਹੋਏ ਹਮਲਾਵਰ ਨੂੰ ਕਾਬੂ ਕਰ ਲਿਆ। ਪੁਲਿਸ ਰੀਪੋਰਟਾਂ ਅਨੁਸਾਰ, ਹਮਲਾਵਰ ਨੇ ਜਾਂਚਕਰਤਾਵਾਂ ਨੂੰ ਦਸਿਆ ਕਿ ਉਸ ਦਾ ‘ਮੁਸਲਮਾਨਾਂ ਨੂੰ ਮਾਰਨ ਦਾ ਇਰਾਦਾ’ ਸੀ। ਫਿਲਹਾਲ ਸੋਹੇਲ ਹਸਪਤਾਲ ਵਿਚ ਗੰਭੀਰ ਹਾਲਤ ਵਿਚ ਹੈ।
