ਚੰਡੀਗੜ੍ਹ,
3 ਅਕਤੂਬਰ (ਸ.ਸ.ਸ.) : ਇਹ ਉਹ ਸ਼ਖ਼ਸੀਅਤ ਹੈ, ਜਿਨ੍ਹਾਂ ਨੂੰ ਸਾਰਾ ਸ਼ਹਿਰ 'ਬਾਬੇ ਦਾ
ਲੰਗਰ' ਨਾਮ ਤੋਂ ਜਾਣਦਾ ਹੈ। ਪਿਛਲੇ 15 ਸਾਲਾਂ ਤੋਂ 82 ਸਾਲ ਦੇ ਜਗਦੀਸ਼ ਲਾਲ ਆਹੂਜਾ
ਪੀਜੀਆਈ ਚੰਡੀਗੜ੍ਹ ਅਤੇ ਸੈਕਟਰ-32 ਦੇ ਹਸਪਤਾਲ ਦੇ ਬਾਹਰ ਮਰੀਜ਼ਾਂ ਅਤੇ ਉਨ੍ਹਾਂ ਦੇ
ਪਰਵਾਰਕ ਮੈਂਬਰਾਂ ਨੂੰ ਫਰੀ 'ਚ ਖਾਣਾ ਖਵਾ ਰਹੇ ਹਨ। ਲੰਗਰ ਚਾਲੂ ਰੱਖਣ ਲਈ ਇਨ੍ਹਾਂ ਨੇ
ਹਾਲ ਵਿੱਚ ਆਪਣਾ ਇੱਕ ਘਰ 1.60 ਕਰੋੜ ਰੁਪਏ ਵਿੱਚ ਵੇਚ ਦਿੱਤਾ। ਜਗਦੀਸ਼ ਲਾਲ ਇਸ ਤੋਂ
ਪਹਿਲਾਂ ਵੀ ਇਸ ਨੇਕ ਕੰਮ ਲਈ ਅਪਣੀਆਂ ਛੇ ਹੋਰ ਜਾਇਦਾਦਾਂ ਵੇਚ ਚੁਕੇ ਹਨ।
ਜਦ ਤਕ
ਮੈਂ ਜ਼ਿੰਦਾ ਹਾਂ ਬਾਬੇ ਦਾ ਲੰਗਰ ਇਵੇਂ ਹੀ ਚਲਦਾ ਰਹੇਗਾ : ਜਗਦੀਸ਼ ਲਾਲ ਮੁਤਾਬਕ ਲੰਗਰ
ਚਾਲੂ ਰੱਖਣ ਵਿੱਚ ਕੋਈ ਮੁਸ਼ਕਲ ਨਾ ਆਏ , ਇਸ ਲਈ ਉਨ੍ਹਾਂ ਜਾਇਦਾਦ ਵੇਚਣੀ ਸ਼ੁਰੂ ਕਰ ਦਿਤੀ।
ਹਾਲ ਵਿਚ ਇੱਕ ਪ੍ਰਾਪਰਟੀ ਵੇਚਣ ਦੇ ਬਾਅਦ ਜਗਦੀਸ਼ ਜੀ ਨੇ ਕਿਹਾ, ਜਦੋਂ ਤੱਕ ਮੈਂ ਜਿੰਦਾ
ਹਾਂ, ਬਾਬੇ ਦਾ ਲੰਗਰ ਇਵੇਂ ਹੀ ਚੱਲਦਾ ਰਹੇਗਾ।
35 ਸਾਲ ਪਹਿਲਾਂ ਸ਼ੁਰੂ ਹੋਇਆ ਸੀ
ਲੰਗਰ ਦਾ ਸਿਲਸਿਲਾ : ਜਗਦੀਸ਼ ਦੱਸਦੇ ਹਨ ਕਿ ਅੱਜ ਤੋਂ 35 ਸਾਲ ਪਹਿਲਾਂ ਜਦੋਂ ਉਨ੍ਹਾਂ ਦੇ
ਵੱਡੇ ਬੇਟੇ ਦਾ ਅੱਠਵਾਂ ਜਨਮ ਦਿਨ ਸੀ , ਤੱਦ ਉਨ੍ਹਾਂ ਨੇ ਆਪਣੀ ਦੁਕਾਨ ਦੇ ਅੱਗੇ ਭੁੱਖੇ
ਬੱਚਿਆਂ ਨੂੰ ਖਾਣਾ ਖਵਾਉਣਾ ਸ਼ੁਰੂ ਕੀਤਾ ਸੀ। ਜਗਦੀਸ਼ ਅਨੁਸਾਰ ਇੱਕ ਦਿਨ ਉਹ ਪੀਜੀਆਈ ਦੇ
ਕੋਲ ਤੋਂ ਗੁਜ਼ਰ ਰਹੇ ਸਨ। ਉੱਥੇ ਉਨ੍ਹਾਂ ਨੂੰ ਇੱਕ ਆਦਮੀ ਨਜ਼ਰ ਆਇਆ, ਜੋ ਕੁਝ ਲੋਕਾਂ ਨੂੰ
ਖਾਣਾ ਖਿਲਾ ਰਿਹਾ ਸੀ।
ਜਗਦੀਸ਼ ਨੇ ਉਸ ਤੋਂ ਹੈਰਾਨੀ ਨਾਲ ਸਵਾਲ ਕੀਤਾ, ਕੀ ਤੈਨੂੰ
ਇੱਥੇ ਖਾਣਾ ਖਵਾਉਣ ਤੋਂ ਕਿਸੇ ਨੇ ਰੋਕਿਆ ਨਹੀਂ? ਉਸ ਵਿਅਕਤੀ ਨੇ ਜਵਾਬ ਦਿਤਾ ਨਹੀਂ। ਬਸ
ਫਿਰ ਕੀ ਸੀ, ਜਗਦੀਸ਼ ਜੀ ਨੇ 21 ਜਨਵਰੀ 2000 ਤੋਂ ਇਸ ਜਗ੍ਹਾ ਉੱਤੇ ਮਰੀਜ਼ਾਂ ਲਈ ਲੰਗਰ
ਲਗਾਉਣਾ ਸ਼ੁਰੂ ਕਰ ਦਿੱਤਾ। ਹੁਣ ਇੱਥੇ ਰੋਜਾਨਾ ਅਣਗਿਣਤ ਲੋਕ ਖਾਣਾ ਖਾਂਦੇ ਹਨ।
ਪਾਕਿਸਤਾਨ
ਵਿਚ ਜਨਮੇ, ਚੰਡੀਗੜ੍ਹ ਵਿਚ ਬਣੇ ਕੇਲਾ ਕਿੰਗ : ਪਾਕਿਸਤਾਨ ਦੇ ਪੇਸ਼ਾਵਰ ਵਿੱਚ ਜਨਮੇ
ਜਗਦੀਸ਼ ਬਟਵਾਰੇ ਤੋਂ ਬਾਅਦ ਪੰਜਾਬ ਦੇ ਪਟਿਆਲਾ ਆ ਗਏ। ਜਦੋਂ ਉਹ 12 ਸਾਲ ਦੇ ਸਨ, ਤਾਂ
ਇਨ੍ਹਾਂ ਨੇ ਪਰਿਵਾਰ ਨੂੰ ਪਾਲਣ ਲਈ ਟਾਫੀ ਵੇਚਣ ਦਾ ਕੰਮ ਸ਼ੁਰੂ ਕੀਤਾ। 1956 ਵਿੱਚ ਉਹ
ਚੰਡੀਗੜ੍ਹ ਆ ਗਏ ਅਤੇ ਰੇਹੜੀ ਉੱਤੇ ਕੇਲੇ ਵੇਚਣ ਲੱਗੇ। ਵਪਾਰ ਵਧਦਾ ਗਿਆ ਅਤੇ ਉਹ ਸ਼ਹਿਰ
ਵਿਚ 2 (ਕੇਲਾ) ਕਿੰਗ ਦੇ ਨਾਂ ਨਾਲ ਮਸ਼ਹੂਰ ਹੋ ਗਏ।
