ਚੰਡੀਗੜ੍ਹ : ਤਿੰਨ ਦਿਨਾਂ ਰੋਜ਼ ਫੈਸਟੀਵਲ 'ਚ ਸ਼ਨੀਵਾਰ ਸਵੇਰੇ ਮੀਂਹ ਨੇ ਰੁਕਾਵਟ ਪਾ ਦਿੱਤੀ। ਚੌਪਰ ਰਾਈਡ 'ਤੇ ਵੀ ਇਸ ਦਾ ਅਸਰ ਦੇਖਣ ਨੂੰ ਮਿਲਿਆ ਅਤੇ 11 ਵਜੇ ਤੱਕ ਸਿਰਫ ਪੰਜ ਵਾਰ ਹੀ ਚੌਪਰ ਨੇ ਉਡ਼ਾਨ ਭਰੀ। ਧਿਆਨ ਯੋਗ ਹੈ ਕਿ ਕੰਪਨੀ ਨੇ ਹਾਲਾਂਕਿ ਚੌਪਰ ਰਾਈਡ ਲਈ ਟਿਕਟ ਦੀ ਕੀਮਤ 2380 ਤੈਅ ਕੀਤੀ ਹੋਈ ਹੈ, ਪਰ ਲੋਕਾਂ ਨੂੰ ਸਵੇਰੇ ਲੁਭਾਉਣ ਲਈ ਕੰਪਨੀ ਨੇ ਚੌਪਰ ਰਾਈਡ ਦੀ ਟਿਕਟ ਦੀ ਕੀਮਤ ਘਟਾ ਕੇ 1800 ਰੁਪਏ ਕਰ ਦਿੱਤੀ ਹੈ।
ਸਵੇਰੇ 8 ਤੋਂ ਲੈ ਕੇ 10 ਵਜੇ ਤੱਕ ਲੋਕ 1800 ਰੁਪਏ 'ਚ ਚੌਪਰ ਰਾਈਡ ਕਰ ਸਕਦੇ ਹਨ, ਜਦਕਿ ਇਸਦੇ ਬਾਅਦ ਦੇ ਸਮੇਂ ਲਈ ਰਾਈਡ ਦਾ ਟਿਕਟ ਦੀ ਕੀਮਤ 2380 ਰੁਪਏ ਹੀ ਰਹੇਗੀ। ਚੌਪਰ ਕੰਪਨੀ ਹੈਰੀਟੇਜ ਐਵੀਏਸ਼ਨ ਪ੍ਰਾਈਵੇਟ ਲਿਮਟਿਡ ਦੇ ਵਾਇਸ ਪ੍ਰੈਜ਼ੀਡੈਂਟ ਸੁਲਭ ਖਹਿਰਾ ਨੇ ਦੱਸਿਆ ਕਿ ਸਵੇਰੇ ਦੇ ਸਮੇਂ ਲੋਕਾਂ ਨੂੰ ਲੁਭਾਉਣ ਲਈ ਉਨ੍ਹਾਂ ਨੇ ਟਿਕਟ ਦੀ ਕੀਮਤ ਘੱਟ ਕੀਤੀ ਹੈ। ਉਨ੍ਹਾਂ ਨੂੰ ਉਮੀਦ ਹੈ ਕਿ ਇਸਨੂੰ ਦੇਖਦੇ ਹੋਏ ਲੋਕਾਂ ਦਾ ਵਧੀਆ ਰਿਸਪਾਂਸ ਦੇਖਣ ਨੂੰ ਮਿਲੇਗਾ। ਉਨ੍ਹਾਂ ਨੇ ਕਿਹਾ ਕਿ ਮੀਂਹ 'ਚ ਵੀ ਉਹ ਰਾਈਡ ਜਾਰੀ ਰੱਖ ਸਕਦੇ ਹਨ, ਪਰ ਮੀਂਹ ਦੇ ਕਾਰਨ ਸਵੇਰ ਦੇ ਸਮੇਂ ਲੋਕ ਘੱਟ ਆ ਰਹੇ ਹਨ।
ਸ਼ੁੱਕਰਵਾਰ ਨੂੰ 140 ਲੋਕਾਂ ਨੇ ਚੁੱਕਿਆ ਸੀ ਮਜ਼ਾ
ਦੱਸ ਦੇਈਏ ਕਿ ਸ਼ੁੱਕਰਵਾਰ ਨੂੰ 21 ਵਾਰ ਚੌਪਰ ਨੇ ਉਡ਼ਾਨ ਭਰੀ ਸੀ ਅਤੇ ਇਸ ਦੌਰਾਨ ਕੁਲ 140 ਲੋਕਾਂ ਨੇ ਰਾਈਡ ਦਾ ਮਜ਼ਾ ਚੁੱਕਿਆ ਸੀ। ਚੌਪਰ ਰਾਈਡ ਸੈਕਟਰ - 17 ਪਰੇਡ ਗਰਾਉਂਡ ਤੋਂ ਸ਼ੁਰੂ ਹੁੰਦੀ ਹੈ ਅਤੇ ਇਸ ਦੌਰਾਨ ਸਵਾਰੀ ਕਰਨ ਵਾਲੇ ਲੋਕਾਂ ਨੂੰ ਅਸਮਾਨ ਤੋਂ ਰਾਕ ਗਾਰਡਨ, ਹਾਈਕੋਰਟ, ਸੁਖਨਾ ਲੇਕ ਅਤੇ ਰੋਜ਼ ਗਾਰਡਨ ਦਾ ਨਜ਼ਾਰਾ ਦੇਖਣ ਨੂੰ ਮਿਲਦਾ ਹੈ। ਸ਼ੁੱਕਰਵਾਰ ਨੂੰ ਪ੍ਰਸ਼ਾਸਨ ਦੇ ਉੱਚ ਅਧਿਕਾਰੀਆਂ 'ਚ ਸਲਾਹਕਾਰ ਪਰਿਮਲ ਰਾਏ, ਮੇਅਰ ਇੰਦਰ ਮੋਦਗਿਲ ਅਤੇ ਹੋਰ ਅਧਿਕਾਰੀਆਂ ਨੇ ਰਾਈਡ ਦਾ ਆਨੰਦ ਮਾਣਿਆ ਸੀ।
