ਚੰਡੀਗੜ੍ਹ, 25 ਸਤੰਬਰ (ਤਰੁਣ ਭਜਨੀ) : ਸ਼ਹਿਰ
'ਚ ਡੇਂਗੂ ਤੇਜ਼ੀ ਨਾਲ ਪੈਰ ਪਸਾਰ ਰਿਹਾ ਹੈ। ਹਾਲਾਂਕਿ ਪਿਛਲੇ ਕੁੱਝ ਦਿਨਾਂ ਤੋਂ ਸਵਾਈਨ
ਫਲੂ ਦਾ ਕੋਈ ਨਵਾਂ ਮਾਮਲਾ ਸਾਹਮਣੇ ਨਹੀ ਆਇਆ ਹੈ। ਸੋਮਵਾਰ ਸ਼ਹਿਰ ਦੇ ਵੱਖ ਵੱਖ ਇਲਕਿਆਂ
ਤੋਂ ਡੇਂਗੂ ਦੇ 14 ਨਵੇਂ ਮਾਮਲੇ ਸਾਹਮਣੇ ਆਏ ਹਨ। ਜਿਸ ਨਾਲ ਮਰੀਜ਼ਾਂ ਦੀ ਗਿਣਤੀ 500 ਦਾ
ਆਂਕੜਾ ਹੱਥ ਲਗਾਉਣ ਵਾਲੀ ਹੈ। ਹੁਣ ਤਕ ਕੁਲ 470 ਮਾਮਲੇ ਡੇਂਗੂ ਦੇ ਸਾਹਮਣੇ ਆ ਚੁੱਕੇ
ਹਨ। ਡੇਂਗੂ ਦੇ ਜ਼ਿਆਦਾਤਰ ਮਾਮਲੇ ਮਨੀਮਜਾਰਾ, ਮੌਲੀਜਾਗਰਾਂ, ਖੁਡਾ ਅਲੀਸ਼ੇਰ ਤੋਂ ਹਨ।
ਇਸਦੇ ਇਲਾਵਾ ਸੈਕਟਰ 45, ਕਜਹੇੜੀ, ਖੁਡਾ ਲਾਹੌਰਾ ਅਤੇ ਧਨਾਸ ਤੋਂ ਹਨ। ਮਲੇਰੀਆ ਵਿੰਗ ਦੇ
ਨੋਡਲ ਅਧਿਕਾਰੀ ਗੌਰਵ ਅਗਰਵਾਲ ਮੁਤਾਬਕ ਡੇਂਗੂ ਦੇ ਜਿਆਦਾਂ ਮਾਮਲੇ ਮਨੀਮਾਜਰਾ ਤੋਂ ਆ
ਰਹੇ ਹਨ। ਜਦਕਿ ਸਵਾਇਨ ਫਲੂ ਬੀਤੇ ਕੁੱਝ ਦਿਨਾਂ ਤੋਂ ਕੰਟਰੋਲ ਵਿਚ ਹੈ। ਉਨ•ਾ ਦੱਸਿਆ ਕਿ
ਕਿ ਮਨੀਮਾਜਰਾ ਵਿਚ ਕਈਂ ਥਾਵਾਂ ਤੇ ਮਕਾਨਾਂ ਅਤੇ ਇਮਾਰਤਾਂ ਦੀ ਉਸਾਰੀ ਦਾ ਕੰਮ ਚੱਲ ਰਿਹਾ
ਹੈ।
ਇਹ ਵੇਖਣ ਵਿਚ ਆਇਆ ਹੈ ਕਿ ਜਿਨ•ਾ ਲੋਕਾਂ ਨੂੰ ਡੇਂਗੂ ਦੀ ਪੁਸ਼ਟੀ ਹੋਈ ਹੈ। ਉਹ
ਇਨ•ਾਂ ਮਕਾਨਾਂ ਦੇ ਨੇੜੇ ਰਹਿ ਰਹੇ ਹਨ ਅਤੇ ਨੇੜੇ-ਤੇੜੇ ਪਾਣੀ ਇਕਠਾ ਹੋਣ ਕਾਰਨ ਮੱਛਰ
ਪੈਦਾ ਹੋ ਰਹੇ ਹਨ। ਡਾਕਟਰਾਂ ਅਨੁਸਾਰ ਜਦ ਤਾਪਮਾਨ ਘਟ ਹੁੰਦਾ ਹੈ ਅਤੇ ਉਮਸ ਵੱਧ ਹੁੰਦੀ
ਹੈ ਤਾਂ ਅਜਿਹੇ ਵਿਚ ਡੇਂਗੂ ਹੋਣ ਦਾ ਖਤਰਾ ਵਧ ਹੁੰਦਾ ਹੈ। ਕਿਉਂਕਿ ਇਸ ਮੌਸਮ ਵਿਚ ਮੱਛਰ
ਨਹੀ ਮਰਦੇ ਹਨ। ਸਿਹਤ ਵਿਭਾਗ ਮੁਤਾਬਕ 15 ਅਗੱਸਤ ਤੋਂ ਬਾਅਦ ਸ਼ਹਿਰ ਚ ਡੇਂਗੂ ਦੇ ਮਰੀਜ਼ਾਂ
ਦੀ ਗਿਣਤੀ ਵਧੀ ਹੈ। ਸ਼ਹਿਰ ਚ ਅਗਸੱਤ ਤੋਂ ਬਾਅਦ ਹੁਣ ਤਕ ਲਗਭਗ ਰੋਜਾਨਾ ਹੀ ਬਾਰਿਸ਼ ਪੈ
ਰਹੀ ਹੈ। ਜਿਸ ਨਾਲ ਥਾਂ -ਥਾਂ ਤੇ ਪਾਣੀ ਇਕਠਾ ਹੋ ਰਿਹਾ ਹੈ ਅਤੇ ਡੇਂਗੂ ਦੇ ਮੱਛਰ ਪੈਦਾ
ਹੋ ਰਹੇ ਹਨ। ਦੂਜੇ ਪਾਸੇ ਬੀਤੇ ਦੋ ਦਿਨਾਂ ਤੋਂ ਸਵਾਇਨ ਫਲੂ ਦਾ ਕੋਈ ਨਵਾਂ ਮਾਮਲਾ
ਸਾਹਮਣੇ ਨਹੀ ਆਇਆ ਹੈ। ਪਰ ਫਿਰ ਵੀ ਲੋਕਾਂ ਵਿਚ ਇਸਦੀ ਦਹਿਸ਼ਤ ਬਣੀ ਹੋਈ ਹੈ। ਸਵਾਈਨ ਫਲੂ
ਦੇ ਹੁਣ ਤਕ 52 ਮਾਮਲੇ ਸਾਹਮਣੇ ਆ ਚੁੱਕੇ ਹਨ। ਜਿਸ ਵਿਚੋਂ 6 ਲੋਕਾਂ ਦੀ ਮੌਤ ਵੀ ਹੋ
ਚੁੱਕੀ ਹੈ। ਮਨੀਮਾਜਰਾ ਵਿਚ ਵਿਭਾਗ ਵਲੋਂ ਠੀਕ ਢੰਗ ਨਾਲ ਫੋਗਿੰਗ ਨਾ ਕਰਵਾਉਣ ਕਾਰਨ ਵੀ
ਡੇਂਗੂ ਪੈਰ ਪਸਾਰ ਰਿਹਾ ਹੈ।
