ਵਿਦਿਆਰਥੀ ਨੂੰ ਘਸੀਟਣ ਵਾਲਾ ਕਾਰ ਡਰਾਈਵਰ ਗ੍ਰਿਫ਼ਤਾਰ
Published : Sep 26, 2017, 10:11 pm IST
Updated : Sep 26, 2017, 4:41 pm IST
SHARE ARTICLE



ਖਰੜ/ਐਸ.ਏ.ਐਸ. ਨਗਰ, 26 ਸਤੰਬਰ (ਨਾਗਪਾਲ, ਸੋਈ) : ਪਿੰਡ ਚੱਪੜਚਿੜੀ  ਲਾਗੇ  ਬੀਤੇ ਦਿਨੀਂ ਹੋਏ ਇਕ ਸੜਕ ਹਾਦਸੇ 'ਚ ਮਾਰੇ ਗਏ ਵਿਦਿਆਰਥੀ ਗੁਰਜੋਤ ਭੁੱਲਰ ਦੇ ਕੇਸ ਵਿਚ ਪੁਲਿਸ ਨੇ ਮੁਲਜ਼ਮ ਨੂੰ ਉਸ ਦੀ ਕਾਰ ਸਣੇ ਕਾਬੂ ਕਰ ਲਿਆ ਹੈ। ਮੁਲਜ਼ਮ ਨੂੰ ਅੱਜ ਖਰੜ ਅਦਾਲਤ 'ਚ ਪੇਸ਼ ਕੀਤਾ ਗਿਆ ਜਿਥੋਂ ਉਸ ਨੂੰ ਜ਼ਮਾਨਤ 'ਤੇ ਰਿਹਾਅ ਕਰ ਦਿਤਾ ਗਿਆ।

ਇਸ ਸਬੰਧੀ ਬਲੌਂਗੀ ਥਾਣਾ ਮੁਖੀ ਮੰਜੀਤ ਸਿੰਘ ਨੇ ਦਸਿਆ ਕਿ ਹਾਦਸੇ ਸਮੇਂ ਵਾਇਰਲ ਹੋਈ ਵੀਡੀਉ ਤੋਂ ਉਨ੍ਹਾਂ ਨੂੰ ਮੁਲਜ਼ਮ ਦੀ ਕਾਰ ਦਾ ਨੰਬਰ ਪਤਾ ਲੱਗਾ ਸੀ ਜਿਸ ਦਾ ਰੀਕਾਰਡ ਕਢਵਾਉਣ 'ਤੇ ਪਤਾ ਲੱਗਾ ਕਿ ਇਹ ਸੈਂਟਰੋ ਕਾਰ ਸੈਕਟਰ-19 ਚੰਡੀਗੜ੍ਹ ਦੇ ਕੰਵਰ ਸਤਬੀਰ ਦੇ ਨਾਂ 'ਤੇ ਰਜਿਸਟਰਡ ਹੈ। ਜਦ ਪੁਲਿਸ ਉਸ ਪਤੇ 'ਤੇ ਪੁੱਜੀ ਤਾ ਪਤਾ ਲੱਗਾ ਕਿ ਉਹ ਵਿਅਕਤੀ ਸਰਕਾਰੀ ਮੁਲਾਜ਼ਮ ਸੀ, ਜਿਸ ਨੂੰ ਉਕਤ ਕੁਆਰਟਰ ਸਰਕਾਰ ਵਲੋਂ ਅਲਾਟ ਹੋਇਆ ਸੀ ਜੋ ਹੁਣ ਉਥੇ ਨਹੀਂ ਰਹਿੰਦਾ। ਇਸ ਉਪਰੰਤ ਪੁਲਿਸ ਨੇ ਉਸ ਬਾਰੇ ਪਤਾ ਕੀਤਾ ਜੋ ਖਰੜ ਦੀ ਗਿਲਕੋ ਵੈਲੀ ਦਾ ਰਹਿਣ ਵਾਲਾ ਨਿਕਲਿਆ। ਪੁਲਿਸ ਨੂੰ ਪਤਾ ਲੱਗਾ ਕਿ ਉਕਤ ਕਾਰ ਉਸ ਦਾ ਬੇਟਾ ਪ੍ਰੀਤ ਕੰਵਰ ਚਲਾ ਰਿਹਾ ਸੀ ਜਦ ਇਹ ਹਾਦਸਾ ਵਾਪਰਿਆ। ਉਪਰੰਤ ਪੁਲਿਸ ਨੇ ਅੱਜ ਸਵੇਰੇ ਉਕਤ ਮੁਲਜ਼ਮ ਨੂੰ ਵਲਿੰਗਟਨ ਹਾਇਟਸ ਖਰੜ ਨੇੜੇ ਕਾਬੂ ਕਰ ਲਿਆ। ਮੁਜ਼ਮ ਰੀਅਲ ਅਸਟੇਟ ਵਿਚ ਸੇਲਜ ਮੈਨੇਜਰ ਦਾ ਕੰਮ ਕਰਦਾ ਹੈ।


ਪ੍ਰੀਤ ਕੰਵਰ ਨੇ ਦਸਿਆ ਕਿ ਉਹ ਬੀਤੇ ਦਿਨੀਂ ਚੱਪੜਚਿੜੀ ਪਿੰਡ ਤੋਂ ਜਦ ਕਾਰ 'ਚ ਪਟਰੌਲ ਪਵਾ ਕੇ ਹਾਈਵੇਅ 'ਤੇ ਪੁੱਜਾ ਤਾਂ ਉਸ ਦੀ ਕਾਰ ਨਾਲ ਉਕਤ ਮੋਟਰਸਾਈਕਲ ਸਵਾਰਾਂ ਦੀ ਟੱਕਰ ਹੋ ਗਈ। ਉਸ ਨੇ ਕਾਰ ਦੇ ਸ਼ੀਸ਼ੇ 'ਚੋਂ ਵੇਖਿਆ ਕਿ ਦੋ ਨੌਜਵਾਨ ਸੜਕ 'ਤੇ ਡਿੱਗੇ ਹਨ ਜੋ ਠੀਕਠਾਕ ਹਨ। ਉਹ ਡਰ ਦੇ ਮਾਰੇ ਉਥੋਂ ਭੱਜ ਗਿਆ ਪਰ ਉਸ ਨੂੰ ਨਹੀਂ ਸੀ ਪਤਾ ਇਨ੍ਹਾਂ ਦਾ ਤੀਜਾ ਸਾਥੀ ਉਸ ਦੀ ਕਾਰ ਹੇਠ ਫਸਿਆ ਹੋਇਆ ਹੈ। ਉਸ ਨੂੰ ਤਾਂ ਅਗਲੇ ਦਿਨ ਅਖ਼ਵਾਰਾਂ 'ਚੋਂ ਖ਼ਬਰ ਪੜ੍ਹ ਕੇ ਪਤਾ ਲੱਗਾ ਕਿ ਉਸ ਦੀ ਕਾਰ ਨਾਲ ਇਕ ਨੌਜਵਾਨ ਦੀ ਜਾਨ ਚਲੀ ਗਈ ਹੈ।

ਜ਼ਿਕਰਯੋਗ ਹੈ ਕਿ ਇਸ ਹਾਦਸੇ 'ਚ ਮ੍ਰਿਤਕ ਗੁਰਜੋਤ ਨੂੰ ਇਹ ਕਾਰ ਚਾਲਕ ਕਰੀਬ ਇਕ ਕਿਲੋਮੀਟਰ ਤਕ ਘਸੀਟਦਾ ਹੋਇਆ ਲੈ ਗਿਆ ਸੀ।    

SHARE ARTICLE
Advertisement

ਕੁੜੀਆਂ ਨੂੰ ਛੇੜਨ ਵਾਲੇ ਜ਼ਰੂਰ ਵੇਖ ਲੈਣ ਇਹ ਵੀਡੀਓ ਪੁਲਿਸ ਨੇ ਗੰਜੇ, ਮੂੰਹ ਕਾਲਾ ਕਰ ਕੇ ਸਾਰੇ ਬਜ਼ਾਰ 'ਚ ਘੁਮਾਇਆ

29 Nov 2025 1:13 PM

'ਰਾਜਵੀਰ ਜਵੰਦਾ ਦਾ 'ਮਾਂ' ਗਾਣਾ ਸੁਣ ਕੇ ਇੰਝ ਲੱਗਦਾ ਜਿਵੇਂ ਉਸ ਨੂੰ ਅਣਹੋਣੀ ਦਾ ਪਤਾ ਸੀ'

28 Nov 2025 3:02 PM

ਦਿਲਰੋਜ਼ ਦੇ ਪਾਪਾ ਪਹੁੰਚੇ 13 ਸਾਲਾ ਕੁੜੀ ਦੀ ਅੰਤਮ ਅਰਦਾਸ 'ਚ

28 Nov 2025 3:01 PM

13 ਸਾਲਾ ਬੱਚੀ ਦੇ ਕਤਲ ਮਾਮਲੇ 'ਚ ਬੋਲੇ Jathedar Gargaj | Jalandhar Murder Case

27 Nov 2025 3:11 PM

13 ਸਾਲਾ ਕੁੜੀ ਦੇ ਕਾਤਲ ਕੋਲੋਂ ਹੁਣ ਤੁਰਿਆ ਵੀ ਨਹੀਂ ਜਾਂਦਾ, ਦੇਖੋ...

26 Nov 2025 1:59 PM
Advertisement