ਦੀਪਿਕਾ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਨੇ ਵਿਆਹ ਲਈ 4 ਤਰੀਕਾਂ ਤੈਅ ਕੀਤੀਆਂ ਹਨ, ਜੋ ਸਤੰਬਰ ਤੋਂ ਦਸੰਬਰ ਵਿਚਾਲੇ ਦੀਆਂ ਹਨ
ਬਾਲੀਵੁਡ 'ਚ ਰਣਵੀਰ ਦੀਪਿਕਾ ਦੇ ਪਿਆਰ ਦੇ ਚਰਚੇ ਆਮ ਹੀ ਸੁਣਨ ਨੂੰ ਮਿਲਦੇ ਹਨ , ਇਸ ਦੇ ਨਾਲ ਹੀ ਹੁਣ ਦੋਹਾਂ ਦੇ ਵਿਆਹ ਦੀ ਚਰਚਾ ਵੀ ਜ਼ੋਰਾਂ 'ਤੇ ਹੈ। ਇਸ ਸਾਲ ਜਨਵਰੀ ਵਿਚ 'ਪਦਮਾਵਤ' ਦੀ ਰਿਲੀਜ਼ ਤੋਂ ਕੁੱਝ ਦਿਨ ਪਹਿਲਾਂ ਰਣਵੀਰ ਸਿੰਘ ਦੇ ਮਾਤਾ-ਪਿਤਾ ਜਗਜੀਤ ਸਿੰਘ ਅਤੇ ਅੰਜੂ ਭਵਾਨੀ ਨੇ ਦੀਪਿਕਾ ਦੇ ਮਾਤਾ-ਪਿਤਾ ਪ੍ਰਕਾਸ਼ ਤੇ ਉੱਜਵਲਾ ਪਾਦੁਕੋਣ ਪਹਿਲੀ ਵਾਰ ਉਨ੍ਹਾਂ ਦੇ ਬਾਂਦ੍ਰਾ ਵਾਲੇ ਘਰ 'ਚ ਇਕ-ਦੂਸਰੇ ਨੂੰ ਮਿਲੇ ਸਨ ਅਤੇ ਉਨ੍ਹਾਂ ਦੇ ਵਿਆਹ ਨੂੰ ਲੈ ਕੇ ਆਪਸ 'ਚ ਗੱਲਬਾਤ ਕੀਤੀ ਸੀ। ਰਣਵੀਰ ਦੇ ਮਾਤਾ-ਪਿਤਾ ਨੇ ਦੀਪਿਕਾ ਦੇ ਮਾਤਾ-ਪਿਤਾ ਨੂੰ ਗਿਫਟਸ ਅਤੇ ਜਿਊਲਰੀ ਦਿੱਤੀ,
ਜਿਸ 'ਚ ਦੀਪਿਕਾ ਦੀ ਇਕ ਸਾੜ੍ਹੀ ਵੀ ਸੀ। ਹਾਲਾਂਕਿ ਉਨ੍ਹਾਂ ਨੇ ਖੁਲ ਕੇ ਇਸ ਬਾਰੇ ਚਰਚਾ ਨਹੀਂ ਕੀਤੀ ਤੇ ਅਜੇ ਤਕ ਵੀ ਇਸ ਦਾ ਖ਼ੁਲਾਸਾ ਨਹੀਂ ਕੀਤਾ ਪਰ ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਮੁਤਾਬਕ। ਇਹ ਪ੍ਰੇਮੀ ਜੋੜਾ ਇਸ ਸਾਲ ਵਿਆਹ ਕਰਵਾਉਣ ਜਾ ਰਿਹਾ ਹੈ। ਜਾਣਕਾਰੀ ਮੁਤਾਬਕ ਰਣਵੀਰ, ਦੀਪਿਕਾ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਨੇ ਵਿਆਹ ਲਈ 4 ਤਰੀਕਾਂ ਤੈਅ ਕੀਤੀਆਂ ਹਨ, ਜੋ ਸਤੰਬਰ ਤੋਂ ਦਸੰਬਰ ਵਿਚਾਲੇ ਦੀਆਂ ਹਨ ਪਰ ਡੇਟ ਫਾਈਨਲ ਕਰਨ ਤੋਂ ਪਹਿਲਾਂ ਪੇਰੈਂਟਸ ਇੰਡੀਆ ਤੇ ਵਿਦੇਸ਼ 'ਚ ਵੈਡਿੰਗ ਵੈਨਿਊ ਦੀ ਭਾਲ 'ਚ ਜ਼ੋਰ-ਸ਼ੋਰ ਨਾਲ ਰੁੱਝ ਗਏ ਹਨ। ਦੀਪਿਕਾ ਦੀ ਭੈਣ ਅਨੀਸ਼ਾ ਅਤੇ ਉਨ੍ਹਾਂ ਦੀ ਮਾਂ ਨੇ ਵਿਆਹ ਲਈ ਖਰੀਦਦਾਰੀ ਕਰਣੀ ਸ਼ੁਰੂ ਕਰ ਦਿਤੀ ਹੈ ਅਤੇ ਉਨ੍ਹਾਂ ਨੇ ਗਹਿਣੇ ਵੀ ਫਾਇਨਲ ਕਰ ਲਏ ਹਨ। ਹਾਲਾਂਕਿ ਦੀਪਿਕਾ ਵੱਲੋਂ ਵਿਆਹ ਲਈ ਡਿਜਾਇਨਰ ਫਾਇਨਲ ਕਰਣਾ ਬਾਕੀ ਹੈ । ਦਸਿਆ ਜਾ ਰਿਹਾ ਹੈ ਕਿ ਇਹ ਕਾਫ਼ੀ ਨਿਜੀ ਸਮਾਗਮ ਰਾਹੀਂ ਹੋਵੇਗਾ। ਇਸ ਵਿਆਹ ਵਿੱਚ ਬਸ ਉਨ੍ਹਾਂ ਦੇ ਕਰੀਬੀ ਦੋਸਤ ਅਤੇ ਪਰਵਾਰ ਦੇ ਲੋਕ ਹੀ ਮੌਜੂਦ ਹੋਣਗੇ । ਜ਼ਿਕਰਯੋਗ ਹੈ ਕਿ ਇਹ ਜੋੜਾ ਅਕਸਰ ਹੀ ਸਮਾਗਮਾਂ 'ਚ ਇੱਕਠੇ ਹੀ ਸ਼ਿਰਕਤ ਕਰਦੇ ਹਨ। ਦੋਵੇਂ ਹੀ 23 ਜਨਵਰੀ ਨੂੰ ਪਦਮਾਵਤ ਦੀ ਸਕਰੀਨਿੰਗ ਮੌਕੇ ਵੀ ਹੱਥਾਂ 'ਚ ਹੱਥ ਪਾਏ ਪੁੱਜੇ ਸਨ । ਜਿਥੇ ਸਫੇਦ ਅਤੇ ਗੋਲਡਨ ਕਲਰ ਦੇ ਲਿਬਾਸ ਵਿੱਚ ਇਹ ਜੋੜੀ ਕਾਫ਼ੀ ਖੂਬਸੂਰਤ ਲੱਗ ਰਹੀ ਸੀ। ਹੁਣ ਇਹਨਾਂ ਦੇ ਫੈਨਜ਼ ਨੂੰਬਿਸਬਰੀ ਨਾਲ ਇੰਤਜ਼ਾਰ ਹੈ ਅਨੁਸ਼ਕਾ ਅਤੇ ਵਿਰਾਟ ਵਾਂਗ ਹੀ ਦੋਹੇਂ ਵੀ ਜਲਦ ਹੀ ਇਕ ਦੂਜੇ ਦੇ ਹੋ ਜਾਣ।