Actor Poonam Pandey
ਕਾਂਗਰਸ ਅਤੇ ਗੋਆ ਫਾਰਵਰਡ ਪਾਰਟੀ (ਜੀਐਫਪੀ) ਵਰਗੀਆਂ ਪਾਰਟੀਆਂ ਨੇ ਅਜਿਹੀਆਂ ਵੀਡੀਓ ਸ਼ੂਟ ਕਰਨ ਲਈ ਸਰਕਾਰੀ ਜਾਇਦਾਦ ਦੀ ਦੁਰਵਰਤੋਂ 'ਤੇ ਸਵਾਲ ਚੁੱਕੇ ਸੀ।
ਪਣਜੀ: ਅਦਾਕਾਰਾ ਪੂਨਮ ਪਾਂਡੇ ਨੂੰ ਗੋਆ ਪੁਲਿਸ ਨੇ ਹਿਰਾਸਤ ਵਿੱਚ ਲੈ ਲਿਆ ਹੈ। ਪੁਲਿਸ ਉਨ੍ਹਾਂ ਤੋਂ ਪੁੱਛਗਿੱਛ ਕਰ ਰਹੀ ਹੈ। ਦੱਸ ਦੇਈਏ ਕਿ ਪੁਲਿਸ ਨੇ ਗੋਆ ਦੇ ਕੈਨਕੋਨਾ ਪਿੰਡ ਦੇ ਚਪੋਲੀ ਡੈਮ 'ਤੇ ਸ਼ੂਟ ਦੌਰਾਨ ਅਸ਼ਲੀਲਤਾ ਕਰਨ ਦਾ ਮਾਮਲਾ ਦਰਜ ਕੀਤਾ ਸੀ। ਇਹ ਸ਼ਿਕਾਇਤ ਸੂਬੇ ਦੇ ਡੈਮ ਦਾ ਪ੍ਰਬੰਧਨ ਕਰਨ ਵਾਲੇ ਜਲ ਸਰੋਤ ਵਿਭਾਗ ਵਲੋਂ ਕੀਤੀ ਗਈ ਸੀ।
ਇੱਕ ਅਧਿਕਾਰੀ ਦਾ ਕਹਿਣਾ ਹੈ ਕਿ , “ਪਾਂਡੇ ਖ਼ਿਲਾਫ਼ ਇੰਟਰਨੈੱਟ 'ਤੇ ਇੱਕ ਵਾਇਰਲ ਵੀਡੀਓ ਵਿੱਚ ਵੇਖਣ ਤੋਂ ਬਾਅਦ ਕੇਸ ਦਰਜ ਕੀਤਾ ਗਿਆ। ਪਾਂਡੇ ਖ਼ਿਲਾਫ਼ ਅਸ਼ਲੀਲ ਇਸ਼ਾਰੇ, ਸਰਕਾਰੀ ਜਾਇਦਾਦ ਦੀ ਉਲੰਘਣਾ ਕਰਨ ਅਤੇ ਸ਼ੂਟਿੰਗ ਕਰ ਅਸ਼ਲੀਲ ਵੀਡੀਓ ਫੈਲਾਉ ਲਈ ਕੇਸ ਦਰਜ ਕੀਤਾ ਗਿਆ ਹੈ।”
ਇਸ ਤੋਂ ਬਾਅਦ ਹੁਣ ਕਾਂਗਰਸ ਅਤੇ ਗੋਆ ਫਾਰਵਰਡ ਪਾਰਟੀ (ਜੀਐਫਪੀ) ਵਰਗੀਆਂ ਪਾਰਟੀਆਂ ਨੇ ਅਜਿਹੀਆਂ ਵੀਡੀਓ ਸ਼ੂਟ ਕਰਨ ਲਈ ਸਰਕਾਰੀ ਜਾਇਦਾਦ ਦੀ ਦੁਰਵਰਤੋਂ 'ਤੇ ਸਵਾਲ ਚੁੱਕੇ ਸੀ।
