ਮਸ਼ਹੂਰ ਫਿਲਮ ਨਿਰਮਾਤਾ-ਨਿਰਦੇਸ਼ਕ ਰਾਜਕੁਮਾਰ ਸੰਤੋਸ਼ੀ ਨੂੰ ਦੋ ਸਾਲ ਕੈਦ ਦੀ ਸਜ਼ਾ, ਜਾਣੋ ਕੀ ਹੈ ਮਾਮਲਾ
Published : Feb 17, 2024, 8:42 pm IST
Updated : Feb 17, 2024, 8:42 pm IST
SHARE ARTICLE
Raj Kumar Santoshi
Raj Kumar Santoshi

ਹੁਣ ਇਕ ਦੀ ਬਜਾਏ ਮੋੜਨੇ ਪੈਣਗੇ ਦੋ ਕਰੋੜ ਰੁਪਏ

ਜਾਮਨਗਰ, 17 ਫ਼ਰਵਰੀ: ਚੈੱਕ ਭੁਗਤਾਨ ਦੇ ਇਕ ਮਾਮਲੇ ’ਚ ਮਸ਼ਹੂਰ ਫ਼ਿਲਮ ਨਿਰਮਾਤਾ ਅਤੇ ਨਿਰਦੇਸ਼ਕ ਰਾਜਕੁਮਾਰ ਸੰਤੋਸ਼ੀ ਨੂੰ ਦੋ ਸਾਲ ਦੀ ਕੈਦ ਦੀ ਸਜ਼ਾ ਸੁਣਾਈ ਗਈ ਹੈ। ਹਾਲਾਂਕਿ ਜਾਮਨਗਰ ਦੀ ਅਦਾਲਤ ਨੇ ਹੁਕਮ ਵਿਰੁਧ ਅਪੀਲ ਦਾਇਰ ਕਰਨ ਲਈ 30 ਦਿਨਾਂ ਤਕ ਸਜ਼ਾ ’ਤੇ ਰੋਕ ਲਾਉਣ ਦੀ ਸੰਤੋਸ਼ੀ ਦੀ ਅਰਜ਼ੀ ਮਨਜ਼ੂਰ ਕਰ ਲਈ ਹੈ। 

‘ਘਾਇਲ’, ‘ਦਾਮਿਨੀ’ ਅਤੇ ‘ਘਾਤਕ’ ਵਰਗੀਆਂ ਫ਼ਿਲਮਾਂ ਦਾ ਨਿਰਦੇਸ਼ਨ ਕਰ ਕੇ ਸੰਤੋਸ਼ੀ ਨੇ ਬਾਲੀਵੁੱਡ ਅਦਾਕਾਰ ਸੰਨੀ ਦਿਓਲ ਦੇ ਕਰੀਅਰ ’ਚ ਵੱਡਾ ਰੋਲ ਅਦਾ ਕੀਤਾ ਸੀ। ਇਸ ਵੇਲੇ ਉਹ ਸੰਨੀ ਦਿਓਲ ਅਤੇ ਪ੍ਰੀਤੀ ਜ਼ਿੰਟਾ ਨਾਲ ‘ਲਾਹੌਰ 1947’ ਫ਼ਿਲਮ ਦਾ ਨਿਰਦੇਸ਼ਨ ਕਰ ਰਹੇ ਹਨ। 

ਕਿਹਾ ਜਾ ਰਿਹਾ ਹੈ ਕਿ ਸੰਤੋਸ਼ੀ ਨੇ ਜਾਮਨਗਰ ਦੇ ਇਕ ਵਪਾਰੀ ਅਸ਼ੋਕ ਲਾਲ ਤੋਂ 2015 ’ਚ ਇਕ ਕਰੋੜ ਰੁਪਏ ਉਧਾਰ ਲਏ ਸਨ। ਪਰ ਉਹ ਇਸ ਰਕਮ ਨੂੰ ਵਾਪਸ ਨਹੀਂ ਮੋੜ ਸਕੇ। ਅਸ਼ੋਕ ਲਾਲ ਨੇ ਅਪਣੀ ਰਕਮ ਵਾਪਸ ਨਾ ਮਿਲਣ ’ਤੇ ਉਨ੍ਹਾਂ ਵਿਰੁਧ ਜਾਮਨਗਰ ਦੀ ਅਦਾਲਤ ’ਚ ਮਾਮਲਾ ਦਰਜ ਕਰਵਾਇਆ ਸੀ। ਅਸ਼ੋਕ ਲਾਲ ਦੇ ਵਕੀਲ ਦਾ ਕਹਿਣਾ ਹੈ ਕਿ ਇਕ ਸਮੇਂ ’ਚ ਦੋਹਾਂ ਵਿਚਕਾਰ ਕਾਫ਼ੀ ਚੰਗੀ ਦੋਸਤੀ ਸੀ। ਸੰਤੋਸ਼ੀ ਨੇ ਉਸ ਨੂੰ ਉਧਾਰ ਵਾਪਸ ਕਰਨ ਲਈ 10-10 ਲੱਖ ਰੁਪੲੈ ਦੇ ਚੈੱਕ ਵੀ ਦਿਤੇ ਸਨ ਪਰ ਉਹ 2016 ’ਚ ਬਾਊਂਸ ਹੋ ਗਏ। 

ਅਦਾਲਤ ਨੇ ਇਸ ਮਾਮਲੇ ’ਚ ਰਾਜਕੁਮਾਰ ਸੰਤੋਸ਼ੀ ਨੂੰ ਸੰਮਨ ਵੀ ਜਾਰੀ ਕੀਤੇ ਸਨ ਅਤੇ ਹਰ ਚੈੱਕ ਬਾਊਂਸ ਹੋਣ ਲਈ 15-15 ਹਜ਼ਾਰ ਰੁਪਏ ਦਾ ਜੁਰਮਾਨਾ ਵੀ ਲਾਇਆ ਸੀ। ਪਰ ਸੰਤੋਸ਼ੀ ਨੇ ਸੰਮਨ ਨਹੀਂ ਲਏ ਅਤੇ ਨਾ ਹੀ ਅਦਾਲਤ ’ਚ ਹਾਜ਼ਰ ਹੋਏ। ਅਖ਼ੀਰ ਜਾਮਨਗਰ ਦੀ ਅਦਾਲਤ ਨੇ ਸਨਿਚਰਵਾਰ ਨੂੰ ਸੰਤੋਸ਼ੀ ਨੂੰ ਦੋ ਸਾਲ ਦੀ ਜੇਲ ਦੀ ਸਜ਼ਾ ਅਤੇ ਹੁਣ ਇਕ ਕਰੋੜ ਰੁਪਏ ਦੇ ਬਦਲੇ ਦੋ ਕਰੋੜ ਰੁਪਏ ਦਾ ਭੁਗਤਾਨ ਕਰਨ ਦਾ ਹੁਕਮ ਦਿਤਾ ਹੈ। 
 

SHARE ARTICLE

ਏਜੰਸੀ

Advertisement

LokSabhaElections2024 :ਲੋਕ ਸਭਾ ਚੋਣਾਂ ਦੀਆਂ ਤਰੀਕਾਂ ਦਾ ਐਲਾਨ, ਪੰਜਾਬ, ਹਰਿਆਣਾ ਸਣੇ ਪੂਰੇ ਦੇਸ਼ 'ਚ ਇਸ ਦਿਨ ਹੋਵੇ.

20 Apr 2024 2:43 PM

Mohali News: ਕਾਰ ਨੂੰ ਹਾਰਨ ਮਾਰਨ ਕਰਕੇ ਚੱਲੇ ਘਸੁੰਨ..ਪਾੜ ਦਿੱਤੀ ਟੀ-ਸ਼ਰਟ, ਦੇਖੋ ਕਿਵੇਂ ਪਿਆ ਪੰਗਾ

20 Apr 2024 11:42 AM

Pathankot News: ਬਹੁਤ ਵੱਡਾ ਹਾਦਸਾ! ਤੇਜ਼ ਹਨ੍ਹੇਰੀ ਨੇ ਤੋੜ ਦਿੱਤੇ ਬਿਜਲੀ ਦੇ ਖੰਭੇ, ਲਪੇਟ 'ਚ ਆਈ ਬੱਸ, ਦੇਖੋ ਮੌਕੇ

20 Apr 2024 11:09 AM

ਪਟਿਆਲਾ ਦੇ ਬਾਗੀ ਕਾਂਗਰਸੀਆਂ ਲਈ Dharamvir Gandhi ਦਾ ਜਵਾਬ

20 Apr 2024 10:43 AM

ਕੀ Captain Amarinder Singh ਕਰਕੇ ਨਹੀਂ ਦਿੱਤੀ ਟਕਸਾਲੀ ਕਾਂਗਰਸੀਆਂ ਨੂੰ ਟਿਕਟ?

20 Apr 2024 10:00 AM
Advertisement