ਹਮਲੇ ਦੀ ਜਾਂਚ ਦੇ ਵਿਚਕਾਰ, ਇਸ ਦੇ ਜਾਂਚ ਅਧਿਕਾਰੀ ਨੂੰ ਵੀ ਬਦਲ ਦਿੱਤਾ
Fingerprints of the accused found at Saif Ali Khan's house news: ਮੁੰਬਈ ਪੁਲਿਸ ਅਭਿਨੇਤਾ ਸੈਫ਼ ਅਲੀ ਖ਼ਾਨ 'ਤੇ ਹੋਏ ਹਮਲੇ ਦੀ ਤੇਜ਼ੀ ਨਾਲ ਜਾਂਚ ਕਰ ਰਹੀ ਹੈ। ਹਾਲ ਹੀ 'ਚ ਪੁਲਿਸ ਨੇ ਅਦਾਕਾਰ ਦੇ ਘਰ ਜਾ ਕੇ ਕ੍ਰਾਈਮ ਸੀਨ ਨੂੰ ਰੀਕ੍ਰਿਏਟ ਕੀਤਾ ਸੀ। ਜਿਵੇਂ-ਜਿਵੇਂ ਜਾਂਚ ਅੱਗੇ ਵਧ ਰਹੀ ਹੈ, ਨਵੇਂ-ਨਵੇਂ ਖ਼ੁਲਾਸੇ ਹੋ ਰਹੇ ਹਨ। ਹੁਣ ਪੁਲਿਸ ਨੇ ਖ਼ੁਲਾਸਾ ਕੀਤਾ ਹੈ ਕਿ ਅਭਿਨੇਤਾ ਦੇ ਘਰੋਂ ਮੁਲਜ਼ਮਾਂ ਦੇ ਕਈ ਉਂਗਲਾਂ ਦੇ ਨਿਸ਼ਾਨ ਮਿਲੇ ਹਨ।
ਮੁੰਬਈ ਪੁਲਿਸ ਮੁਤਾਬਕ ਅਭਿਨੇਤਾ ਸੈਫ਼ ਅਲੀ ਖ਼ਾਨ ਦੇ ਘਰੋਂ ਦੋਸ਼ੀਆਂ ਦੀਆਂ ਕਈ ਉਂਗਲਾਂ ਦੇ ਨਿਸ਼ਾਨ ਮਿਲੇ ਹਨ, ਜੋ ਜਾਂਚ 'ਚ ਅਹਿਮ ਭੂਮਿਕਾ ਨਿਭਾਉਣਗੇ। ਇਹ ਉਂਗਲਾਂ ਦੇ ਨਿਸ਼ਾਨ ਇਮਾਰਤ ਦੀਆਂ ਪੌੜੀਆਂ, ਘਰ ਦੇ ਟਾਇਲਟ ਦੇ ਦਰਵਾਜ਼ੇ ਅਤੇ ਉਸ ਦੇ ਪੁੱਤਰ ਜੇਹ ਦੇ ਕਮਰੇ ਦੇ ਦਰਵਾਜ਼ੇ ਦੇ ਹੈਂਡਲ 'ਤੇ ਮਿਲੇ ਹਨ।
ਪੁਲਿਸ ਨੇ ਇਹ ਵੀ ਕਿਹਾ ਕਿ ਦੋਸ਼ੀ ਨੇ ਸੈਫ਼ ਅਲੀ ਖ਼ਾਨ ਦੀ ਇਮਾਰਤ 'ਚ ਦਾਖ਼ਲ ਹੋਣ ਤੋਂ ਪਹਿਲਾਂ ਤਿੰਨ ਹੋਰ ਘਰਾਂ 'ਚ ਦਾਖ਼ਲ ਹੋਣ ਦੀ ਕੋਸ਼ਿਸ਼ ਕੀਤੀ ਸੀ ਪਰ ਉਹ ਦਾਖ਼ਲ ਨਹੀਂ ਹੋ ਸਕਿਆ। ਅਭਿਨੇਤਾ 'ਤੇ ਹਮਲੇ ਦੀ ਜਾਂਚ ਦੇ ਵਿਚਕਾਰ, ਇਸ ਦੇ ਜਾਂਚ ਅਧਿਕਾਰੀ ਨੂੰ ਵੀ ਬਦਲ ਦਿੱਤਾ ਗਿਆ ਹੈ।
ਮੁੰਬਈ ਪੁਲਿਸ ਮੁਤਾਬਕ ਅਜੈ ਲਿੰਗਨੂਰਕਰ ਨੂੰ ਅਭਿਨੇਤਾ ਸੈਫ਼ ਅਲੀ ਖ਼ਾਨ 'ਤੇ ਚਾਕੂ ਮਾਰਨ ਦੀ ਘਟਨਾ ਦੇ ਸ਼ੁਰੂਆਤੀ ਜਾਂਚ ਅਧਿਕਾਰੀ ਪੀਆਈ ਸੁਦਰਸ਼ਨ ਗਾਇਕਵਾੜ ਦੀ ਥਾਂ 'ਤੇ ਨਿਯੁਕਤ ਕੀਤਾ ਗਿਆ ਹੈ।
