ਸੁਨੀਲ ਦਰਸ਼ਨ ਨੇ ਕਿਹਾ ਕਿ ਸੰਨੀ ਦਿਓਲ ਨੇ 26 ਸਾਲ ਪਹਿਲਾਂ ਉਸ ਨੂੰ 'ਮੂਰਖ' ਬਣਾਇਆ ਸੀ ਅਤੇ ਅੱਜ ਤੱਕ ਵੀ ਉਸ ਦੀ ਫੀਸ ਦੇ ਪੈਸੇ ਵਾਪਸ ਨਹੀਂ ਦਿੱਤੇ ਹਨ।

ਨਵੀਂ ਦਿੱਲੀ: ਮਸ਼ਹੂਰ ਨਿਰਮਾਤਾ-ਨਿਰਦੇਸ਼ਕ ਸੁਨੀਲ ਦਰਸ਼ਨ ਨੇ ਅਦਾਕਾਰ ਸੰਨੀ ਦਿਓਲ ਨੂੰ ਹੰਕਾਰਿਆ ਹੋਇਆ ਵਿਅਕਤੀ ਕਿਹਾ ਹੈ, ਇਸ ਦੇ ਨਾਲ ਹੀ ਉਸ ਨੇ ਇਹ ਵੀ ਦੋਸ਼ ਲਾਇਆ ਹੈ ਕਿ ਸੰਨੀ ਦਿਓਲ ਨੇ 26 ਸਾਲ ਪਹਿਲਾਂ ਉਸ ਨੂੰ 'ਮੂਰਖ' ਬਣਾਇਆ ਸੀ ਅਤੇ ਅੱਜ ਤੱਕ ਵੀ ਉਸ ਦੀ ਫੀਸ ਦੇ ਪੈਸੇ ਵਾਪਸ ਨਹੀਂ ਦਿੱਤੇ ਹਨ। ਉਸ ਨੇ ਕਿਹਾ ਕਿ, 'ਸੰਨੀ ਦਿਓਲ 'ਚ ਬਹੁਤ ਈਗੋ ਸੀ। ਬਹੁਤ ਸਾਲਾਂ ਬਾਅਦ ਵੀ ਉਸ ਨਾਲ ਮੇਰੀ ਕਾਨੂੰਨੀ ਲੜਾਈ ਜਾਰੀ ਹੈ। ਪਹਿਲਾਂ ਤਾਂ ਉਨ੍ਹਾਂ ਨੇ ਮੈਨੂੰ ਮੇਰੇ ਪੈਸੇ ਵਾਪਸ ਕਰਨ ਦਾ ਵਾਅਦਾ ਕੀਤਾ, ਪਰ ਫਿਰ ਕਿਹਾ ਕਿ ਉਨ੍ਹਾਂ ਕੋਲ ਪੈਸੇ ਨਹੀਂ ਹਨ, ਇਸ ਲਈ ਉਸ ਸਮੇਂ ਉਸਨੂੰ ਸੰਨੀ ਦਿਓਲ ਨਾਲ ਫਿਲਮ ਬਣਾਉਣੀ ਪਈ ਸੀ।

ਦਰਅਸਲ, ਸੁਨੀਲ ਦਰਸ਼ਨ ਨੇ ਸੰਨੀ ਦਿਓਲ ਨਾਲ ਸਾਲ 1996 'ਚ ਅਜੇ ਫਿਲਮ ਬਣਾਈ ਸੀ। ਨਿਰਦੇਸ਼ਕ ਦਾ ਇਲਜ਼ਾਮ ਹੈ ਕਿ ਸੰਨੀ ਦਿਓਲ ਨੇ ਫਿਲਮ ਦੇ ਆਖਰੀ ਹਿੱਸੇ ਦੀ ਸ਼ੂਟਿੰਗ ਕਰਨ ਤੋਂ ਇਨਕਾਰ ਕਰ ਦਿੱਤਾ, ਜੋ ਫਿਲਮ ਦਾ ਕਲਾਈਮੈਕਸ ਸੀ। ਜਿਸ ਕਾਰਨ ਸੁਨੀਲ ਦਰਸ਼ਨ ਨੂੰ ਅਜੇ ਅਧੂਰੇ ਕਲਾਈਮੈਕਸ ਵਾਲੀ ਫਿਲਮ ਰਿਲੀਜ਼ ਕਰਨੀ ਪਈ। ਸੁਨੀਲ ਦਰਸ਼ਨ ਨੇ ਅੱਗੇ ਕਿਹਾ, 'ਮੈਂ ਉਨ੍ਹਾਂ ਦੇ ਭਰਾ ਬੌਬੀ ਦਿਓਲ ਨਾਲ ਕੰਮ ਕਰ ਰਿਹਾ ਸੀ ਅਤੇ ਮੈਂ ਬੌਬੀ ਨਾਲ ਲਗਾਤਾਰ ਤਿੰਨ ਫਿਲਮਾਂ ਕੀਤੀਆਂ। ਮੇਰੀ ਉਸ ਨਾਲ ਕੋਈ ਦੁਸ਼ਮਣੀ ਨਹੀਂ ਸੀ। ਮੈਂ ਸੋਚਿਆ ਕਿ ਕੋਈ ਵੀ ਗਲਤੀ ਨੂੰ ਸੁਧਾਰ ਸਕਦਾ ਹੈ। ਪਰ, ਉਸਨੇ ਮੈਨੂੰ ਮੂਰਖ ਬਣਾਇਆ. ਇਸ ਤੋਂ ਇਲਾਵਾ ਸੁਨੀਲ ਦਰਸ਼ਨ ਨੇ ਸੰਨੀ ਦਿਓਲ ਬਾਰੇ ਕਾਫੀ ਗੱਲਾਂ ਕੀਤੀਆਂ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਅਜੇ ਫਿਲਮ ਤੋਂ ਪਹਿਲਾਂ ਸੁਨੀਲ ਦਰਸ਼ਨ ਨੇ ਫਿਲਮ 'ਇੰਟਕਾਮ' ਲਈ ਕੰਮ ਕੀਤਾ ਸੀ।