ਬਾਲੀਵੁਡ ਦੇ ਰੌਕਸਟਾਰ ਲਈ ਫ਼ਿਲਮ ਬਣਾਉਣਗੇ 'ਸੋਨੂ ਕੇ ਟੀਟੂ ਕੀ ਸਵੀਟੀ' ਦੇ ਡਾਇਰੈਕਟਰ
ਬਾਲੀਵੁਡ 'ਚ ਅਕਸਰ ਹੀ ਕੁਝ ਨਾ ਕੁਝ ਨਵਾਂ ਕਰਨ ਦੀ ਚਾਹ ਰੱਖ ਕੇ ਫ਼ਿਲਮਾਂ ਬਣਾਉਣ ਵਾਲੇ ਡਾਇਰੈਕਟਰਜ਼ ਦੀ ਹੋੜ ਜਿਹੀ ਰਹਿੰਦੀ ਹੈ। ਹਰ ਇਕ ਡਾਇਰੈਕਟਰ ਚਾਹੁੰਦਾ ਹੈ ਕਿ ਉਸ ਦੀ ਫ਼ਿਲਮ ਵਿਚ ਬਾਲੀਵੁਡ ਦਾ ਨਾਮਵਰ ਅਦਾਕਾਰ ਹੋਵੇ। ਇਨ੍ਹਾਂ ਹੀ ਡਾਇਰੈਕਟਰਾਂ ਦੀ ਲੜੀ 'ਚ ਨਾਮ ਜੁੜਿਆ ਹੈ ਫ਼ਿਲਮ ਪਿਆਰ ਕਾ ਪੰਚਨਾਮਾ,ਪਿਆਰ ਕਾ ਪੰਚਨਾਮਾ 2 , ਸੋਨੂ ਕੇ ਟੀਟੂ ਕੀ ਸਵੀਟੀ ਵਰਗੀਆਂ ਸੁਪਰਹਿਟ ਫ਼ਿਲਮਾਂ ਬਣਾਉਣ ਵਾਲੇ ਡਾਇਰੈਕਟਰ ਲਵ ਰੰਜਨ ਦਾ। ਜੋ ਕਿ ਹੁਣ ਅਪਣੀ ਨਵੀਂ ਫ਼ਿਲਮ ਵਿੱਚ ਕੁੱਝ ਨਵਾਂ ਕਰਣ ਜਾ ਰਹੇ ਹਨ ।
ਖ਼ਬਰ ਹੈ ਕਿ ਅਪਣੀ ਅਗਲੀ ਫ਼ਿਲਮ ਵਿੱਚ ਕਾਰਤਿਕ ਆਰਿਯਨ ਦੀ ਜਗ੍ਹਾ ਲਵ ਰੰਜਨ ਕਿਸੇ ਹੋਰ ਸੁਪਰਸਟਾਰ ਕਾਸਟ ਕਰਨ ਵਾਲੇ ਹਨ । ਜੀ ਹਾਂ, ਬਾਲੀਵੁੱਡ ਡਾਇਰੈਕਟਰ ਲਵ ਰੰਜਨ ਰੌਕਸਟਾਰ ਰਣਬੀਰ ਕਪੂਰ ਨੂੰ ਲੈ ਕੇ ਰੋਮਾਂਟਿਕ-ਕਾਮੇਡੀ ਫਿਲਮ 'ਚ ਹਨ । ਲਵ ਰੰਜਨ ਦੇ ਨਿਰਦੇਸ਼ਨ ਵਿਚ ਬਣੀ 'ਸੋਨੂੰ ਕੇ ਟੀਟੂ ਕੀ ਸਵੀਟੀ' ਹਾਲ ਹੀ ਵਿਚ ਪ੍ਰਦਰਸ਼ਿਤ ਹੋਈ ਹੈ। ਫਿਲਮ ਨੇ 100 ਕਰੋੜ ਦੀ ਕਮਾਈ ਕਰ ਲਈ ਹੈ। ਚਰਚਾ ਹੈ ਕਿ ਲਵ ਰੰਜਨ ਹਾਲ ਹੀ 'ਚ ਉਹ ਰਣਬੀਰ ਨੂੰ ਮਿਲੇ ਸਨ ਤੇ ਜਲਦ ਹੀ ਦੋਵੇਂ ਇਕੱਠੇ ਕੰਮ ਕਰਨਾ ਚਾਹੁੰਦੇ ਹਨ । ਹਾਲਾਂਕਿ ਫ਼ਿਲਮ ਦੀ ਕੋਈ ਸਕ੍ਰਿਪਟ ਅਜੇ ਤਕ ਫਾਈਨਲ ਨਹੀਂ ਕੀਤੀ ਗਈ ਹੈ। ਇਨ੍ਹਾਂ ਹੀ ਨਹੀਂ ਰਣਬੀਰ ਕਪੂਰ ਤੋਂ ਇਲਾਵਾ ਫ਼ਿਲਮ ਦੇ ਵਿਚ ਹੋਰ ਕੌਣ ਹੋਵੇਗਾ ਇਹ ਵੀ ਕੋਈ ਜਾਣਕਾਰੀ ਅਜੇ ਤਕ ਸਾਹਮਣੇ ਨਹੀਂ ਆਈ। ਦਸ ਦਈਏ ਕਿ ਹਾਲ ਹੀ ਵਿਚ ਰਣਬੀਰ ਕਪੂਰ ਨੇ ਸੰਜੇ ਦੱਤ 'ਤੇ ਬਣ ਰਹੀ ਬਾਇਓਪਿਕ ਦੀ ਸ਼ੂਟਿੰਗ ਖ਼ਤਮ ਕੀਤੀ ਹੈ ਅਤੇ ਫ਼ਿਲਹਾਲ ਉਹ 'ਬ੍ਰਹਮਾਸਤਰ' ਦੀ ਸ਼ੂਟਿੰਗ ਲਈ ਬੁਲਗਾਰੀਆ ਵਿਚ ਹਨ । ਇਸ ਦੇ ਨਾਲ ਹੀ ਆਪਣੀ ਹਾਲੀਆ ਰਲੀਜ਼ 'ਸੋਨੂੰ ਕੇ ਟੀਟੂ ਕੀ ਸਵੀਟੀ' ਨਾਲ ਜ਼ਬਰਦਸਤ ਹਿੱਟ ਹੁੰਦਿਆਂ ਹੀ ਲਵ ਰੰਜਨ ਨੇ ਆਪਣੀ ਅਗਲੀ ਫਿਲਮ ਦਾ ਅਜੇ ਦੇਵਗਨ ਤੇ ਤੱਬੂ ਵਰਗੇ ਵੱਡੇ ਸਟਾਰਾਂ ਨਾਲ ਐਲਾਨ ਕਰ ਦਿੱਤਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਫਿਲਮ ਇਕ ਪਿੰਡ ਦੀ ਲਵ ਸਟੋਰੀ 'ਤੇ ਆਧਾਰਿਤ ਹੈ। ਦਸ ਦਈਏ ਕਿ ਹੁਣ ਤਕ ਲਵ ਰੰਜਨ ਨੇ ਕਾਰਤਿਕ ਆਰਿਆਨ ਨੂੰ ਲੈ ਕੇ ਹੀ ਫ਼ਿਲਮਾਂ ਬਣਾਈਆਂ ਹਨ ਅਤੇ ਹੁਣ ਉਹ ਰਣਬੀਰ ਨੂੰ ਲੈ ਕੇ ਕੁਝ ਨਵਾਂ ਕਰਨ ਦੀ ਸੋਚ ਰਹੇ ਹਨ। ਹੁਣ ਦੇਖਣਾ ਹੋਵੇਗਾ ਕਿ ਉਨ੍ਹਾਂ ਦੀ ਇਹ ਮੇਹਨਤ ਕਿੰਨੀ ਕੁ ਸਫ਼ਲ ਹੁੰਦੀ ਹੈ।