2017 ਵਿਚ ਆਦਿਤਿਆ ਪੰਚੋਲੀ ਅਤੇ ਉਸ ਦੀ ਪਤਨੀ ਨੇ ਮਾਣਹਾਨੀ ਦਾ ਕਰਵਾਇਆ ਸੀ ਕੇਸ ਦਰਜ
ਮੁੰਬਈ: ਮੁੰਬਈ ਦੀ ਇਕ ਕੋਰਟ ਨੇ ਬਾਲੀਵੁੱਡ ਅਦਾਕਾਰਾ ਕੰਗਨਾ ਅਤੇ ਉਸ ਦੀ ਭੈਣ ਰੰਗੋਲੀ ਚੰਦੇਲ ਨੂੰ ਸੰਮਨ ਜਾਰੀ ਕੀਤੇ ਹਨ। ਆਦਿਤਆ ਪੰਚੋਲੀ ਨੇ 2017 ਵਿਚ ਕੰਗਨਾ ਅਤੇ ਉਸ ਦੀ ਭੈਣ ਵਿਰੁਧ ਮਾਣਹਾਨੀ ਦਾ ਕੇਸ ਦਰਜ ਕਰਾਇਆ ਸੀ। ਉਸ ਕੇਸ ਵਿਚ ਹੁਣ ਕੋਰਟ ਨੇ ਕੰਗਨਾ ਅਤੇ ਰੰਗੋਲੀ ਵਿਰੁਧ ਸੰਮਨ ਜਾਰੀ ਕੀਤਾ ਹੈ। ਅਦਾਕਾਰ ਪੰਚੋਲੀ ਅਤੇ ਕੰਗਨਾ ਰਾਨੌਤ ਵਿਚਕਾਰ ਕਾਫ਼ੀ ਸਮੇਂ ਤੋਂ ਵਿਵਾਦ ਚਲ ਰਿਹਾ ਹੈ। ਕੰਗਨਾ ਨੇ ਕਈ ਵਾਰ ਉਸ 'ਤੇ ਜਿਨਸੀ ਸ਼ੋਸ਼ਣ ਦਾ ਆਰੋਪ ਵੀ ਲਗਾਇਆ ਹੈ।
Aditya Pancholi Kangana Ranaut Rangoli Chandel
ਹਾਲਾਂਕਿ ਆਦਿਤਿਆ ਪੰਚੋਲੀ ਦਾ ਕਹਿਣਾ ਹੈ ਕਿ ਕੰਗਨਾ ਬਿਨਾਂ ਸਬੂਤ ਤੋਂ ਉਸ ਤੇ ਆਰੋਪ ਲਗਾਉਂਦੀ ਹੈ। ਇਸੇ ਵਜ੍ਹਾ ਕਰ ਕੇ ਉਸ ਨੇ ਕੰਗਨਾ ਵਿਰੁਧ ਮਾਣਹਾਨੀ ਦਾ ਕੇਸ ਦਰਜ ਕਰਾਇਆ ਸੀ ਜਿਸ ਦੀ ਤਰੀਕ 'ਤੇ ਕੰਗਨਾ ਨਹੀਂ ਪਹੁੰਚੀ ਸੀ। 2017 ਵਿਚ ਆਦਿਤਿਆ ਪੰਚੋਲੀ ਅਤੇ ਉਸ ਦੀ ਪਤਨੀ ਜ਼ਾਰੀਨਾ ਵਹਾਬ ਨੇ ਕੰਗਨਾ ਰਾਨੌਤ ਅਤੇ ਰੰਗੋਲੀ ਚੰਦੇਲ 'ਤੇ ਉਨਹਾਂ ਨੂੰ ਟੈਲੀਵਿਜ਼ਨ 'ਤੇ ਬਦਨਾਮ ਕਰਨ ਵਿਰੁਧ ਚਾਰ ਅਪਰਾਧਿਕ ਮਾਣਹਾਨੀ ਦੇ ਕੇਸ ਕੀਤੇ ਸਨ। ਕੰਗਨਾ ਰਾਨੌਤ ਨੇ ਆਰੋਪ ਲਗਾਇਆ ਸੀ ਕਿ ਆਦਿਤਿਆ ਪੰਚੋਲੀ ਨੇ ਉਸ ਦਾ ਜਿਨਸੀ ਸ਼ੋਸ਼ਣ ਕੀਤਾ ਸੀ।
WATCH: US Secretary of State Mike Pompeo and EAM S Jaishankar address the media in Delhi https://t.co/z5ARKfoPwx
— ANI (@ANI) June 26, 2019
ਰੰਗੋਲੀ ਨੇ ਮਈ ਵਿਚ ਪੁਲਿਸ ਸਟੇਸ਼ਨ ਵਿਚ ਇਕ ਅਰਜ਼ੀ ਫ਼ਾਇਲ ਕੀਤੀ ਸੀ ਜਿਸ ਵਿਚ ਕਿਹਾ ਗਿਆ ਸੀ ਕਿ ਇਕ ਸਾਲ ਪਹਿਲਾਂ ਆਦਿਤਿਆ ਨੇ ਉਸ ਦੀ ਭੈਣ ਦਾ ਸ਼ੋਸ਼ਣ ਕੀਤਾ ਸੀ। ਬਦਲੇ ਵਿਚ ਆਦਿਤਿਆ ਨੇ ਵੀ ਉਸੇ ਪੁਲਿਸ ਸਟੇਸ਼ਨ ਵਿਚ ਇਕ ਕਾਉਂਟਰ ਅਰਜ਼ੀ ਦਰਜ ਕੀਤੀ ਸੀ ਜਿਸ ਵਿਚ ਦਾਅਵਾ ਕੀਤਾ ਗਿਆ ਸੀ ਕਿ ਕੰਗਨਾ ਰਾਨੌਤ ਦੇ ਵਕੀਲ ਨੇ ਉਸ ਦੇ ਵਿਰੁਧ ਬਲਾਤਕਾਰ ਦਾ ਮਾਮਲਾ ਦਰਜ ਕਰਨ ਦੀ ਧਮਕੀ ਦਿੱਤੀ ਸੀ।
ਰੰਗੋਲੀ ਨੇ ਦਾਅਵਾ ਕੀਤਾ ਸੀ ਕਿ ਕੰਗਨਾ ਨੇ ਕਈ ਵਾਰ ਜ਼ਾਰੀਨਾ ਤੋਂ ਮਦਦ ਦੀ ਅਪੀਲ ਕੀਤੀ ਸੀ ਪਰ ਉਹਨਾਂ ਨੇ ਉਸ ਦੀ ਮਦਦ ਨਹੀਂ ਕੀਤੀ।
