Amitabh Bachchan
ਰਿਐਲਿਟੀ ਟੈਲੀਵਿਜ਼ਨ ਗੇਮ ਸ਼ੋਅ 'ਕੌਨ ਬਨੇਗਾ ਕਰੋੜਪਤੀ' ਦੀ ਹਾਟਸੀਟ 'ਤੇ ਬੈਠਣ ਵਾਲਿਆਂ ਲਈ ਇਹ ਚੰਗੀ ਖ਼ਬਰ ਹੈ। ਇਸ ਮਕਬੂਲ ਸ਼ੋਅ ਲਈ ਆਡੀਸ਼ਨ 17 ਜੂਨ ਤੋਂ ਲਏ ਜਾਣਗੇ।
ਨਵੀਂ ਦਿੱਲੀ, 11 ਜੂਨ: ਰਿਐਲਿਟੀ ਟੈਲੀਵਿਜ਼ਨ ਗੇਮ ਸ਼ੋਅ 'ਕੌਨ ਬਨੇਗਾ ਕਰੋੜਪਤੀ' ਦੀ ਹਾਟਸੀਟ 'ਤੇ ਬੈਠਣ ਵਾਲਿਆਂ ਲਈ ਇਹ ਚੰਗੀ ਖ਼ਬਰ ਹੈ। ਇਸ ਮਕਬੂਲ ਸ਼ੋਅ ਲਈ ਆਡੀਸ਼ਨ 17 ਜੂਨ ਤੋਂ ਲਏ ਜਾਣਗੇ। ਇਸ ਸ਼ੋਅ ਦਾ ਇਹ ਨੌਵਾਂ ਸੀਜ਼ਨ ਹੋਵੇਗਾ ਜਿਸ ਦੀ ਮੇਜ਼ਬਾਨੀ ਬਾਲੀਵੁੱਡ ਦੇ ਮਸ਼ਹੂਰ ਅਦਾਕਾਰ ਅਮਿਤਾਭ ਬੱਚਨ ਕਰਨਗੇ।
ਇਸ ਸਬੰਧੀ ਟੀ.ਵੀ. ਚੈਨਲ ਨੇ ਇਕ ਪ੍ਰੋਮੋ ਇਸ਼ਤਿਹਾਰ ਵੀ ਜਾਰੀ ਕਰ ਦਿਤਾ ਹੈ ਜਿਸ ਵਿਚ ਅਮਿਤਾਭ ਨੇ ਆਡੀਸ਼ਨ ਸਬੰਧੀ ਜਾਣਕਾਰੀ ਦਿਤੀ ਹੈ। ਬੱਚਨ ਵੀ ਇਸ ਸ਼ੋਅ ਲਈ ਕਾਫ਼ੀ ਉਤਸ਼ਾਹਿਤ ਹਨ, ਉਨ੍ਹਾਂ ਕਿਹਾ ਕਿ ਇਹ ਸ਼ੋਅ ਇਕ ਆਮ ਇਨਸਾਨ ਨੂੰ ਇਕ ਕਰੋੜ ਰੁਪਏ ਜਿੱਤਣ ਦਾ ਮੌਕਾ ਦਿੰਦਾ ਹੈ। ਆਮ ਗਿਆਨ 'ਤੇ ਆਧਾਰਤ ਸਵਾਲਾਂ ਦਾ ਇਹ ਸ਼ੋਅ ਲੋਕਾਂ ਵਲੋਂ ਕਾਫ਼ੀ ਪਸੰਦ ਕੀਤਾ ਜਾਂਦਾ ਹੈ। (ਏਜੰਸੀ) -
