ਪਿਤਾ ਦੀ ਮੌਤ ਦੀ ਖ਼ਬਰ ਦੇਰ ਰਾਤ ਰਾਜਵੀਰ ਜਵੰਧਾ ਨੂੰ ਕਿਸਾਨੀ ਧਰਨੇ ਵਿਚ ਮਿਲੀ

ਜਗਰਾਉਂ (ਦਵਿੰਦਰ ਜੈਨ) - ਜਗਰਾਉਂ ਦੇ ਪੋਨਾ ਪਿੰਡ ਦੇ ਰਹਿਣ ਵਾਲੇ ਮਸ਼ਹੂਰ ਪੰਜਾਬੀ ਗਾਇਕ ਰਾਜਵੀਰ ਜਵੰਧਾ ਦੇ ਪਿਤਾ ਸੇਵਾਮੁਕਤ ਪੁਲਿਸ ਇੰਸਪੈਕਟਰ ਕਰਮ ਸਿੰਘ ਜਵੰਧਾ ਦੀ ਬੀਤੀ ਰਾਤ ਬਿਮਾਰੀ ਕਾਰਨ ਮੌਤ ਹੋ ਗਈ ਅਤੇ ਦੇਰ ਰਾਤ ਜਿਵੇਂ ਹੀ ਇਹ ਰਾਜਵੀਰ ਜਵੰਧਾ ਕੋਲ ਕਿਸਾਨੀ ਧਰਨੇ ਵਿਚ ਇਹ ਖ਼ਬਰ ਪਹੁੰਚੀ ਤਾਂ ਉਹ ਤੁਰੰਤ ਅਪਣੇ ਪਿੰਡ ਲਈ ਰਵਾਨਾ ਹੋ ਗਿਆ।

Rajveer Jawandha bids farewell to father

ਦਰਅਸਲ ਜਦੋਂ ਜਵੰਧਾ ਦੇ ਪਿਤਾ ਦੀ ਮੌਤ ਹੋਈ ਉਸ ਸਮੇਂ ਉਹ ਕਿਸਾਨੀ ਧਰਨੇ ਵਿਚ ਕਿਸਾਨਾਂ ਵਿਚ ਜੋਸ਼ ਭਰ ਰਹੇ ਸਨ ਤੇ ਉਸੇ ਹੀ ਸਮੇਂ ਉਹਨਾਂ ਨੂੰ ਉਹਨਾਂ ਦੇ ਪਿਤਾ ਦੀ ਮੌਤ ਦੀ ਖ਼ਬਰ ਮਿਲੀ। ਅੱਜ ਰਾਜਵੀਰ ਜਵੰਧਾ ਦੇ ਪਿਤਾ ਦਾ ਅੰਤਿਮ ਸਸਕਾਰ ਕਰ ਦਿੱਤਾ ਗਿਆ ਹੈ ਉਹਨਾਂ ਦੀ ਅੰਤਿਮ ਵਿਦਾਇਗੀ 'ਤੇ ਪੂਰੀ ਪੰਜਾਬੀ ਇੰਡਸਟਰੀ ਦੇ ਕਲਾਕਾਰ ਅਤੇ ਸ਼੍ਰੋਮਣੀ ਅਕਾਲੀ ਦਲ ਦੇ ਬਸਪਾ ਉਮੀਦਵਾਰ ਵੀ ਪਹੁੰਚੇ।

Rajveer Jawandha bids farewell to father

ਜਗਰਾਉਂ ਅਤੇ ਹਲਕਾ ਇੰਚਾਰਜ ਸ਼ਿਵ ਰਾਮ ਕਲੇਰ ਵੀ ਪਰਿਵਾਰ ਨੂੰ ਦਿਲਾਸਾ ਦੇਣ ਲਈ ਪਹੁੰਚੇ। ਕਰਮ ਸਿੰਘ ਦੇ ਦੋ ਬੱਚੇ ਸਨ ਇਕ ਰਾਜਵੀਰ ਜਵੰਧਾ ਤੇ ਦੂਜੀ ਉਸ ਦੀ ਭੈਣ। ਉਹਨਾਂ ਨੇ ਅਪਣੇ ਦੋਨੋਂ ਬੱਚਿਆਂ ਨੂੰ ਬਹੁਤ ਪਿਆਰ ਨਾਲ ਪਾਲਿਆ ਸੀ। ਅਪਣੇ ਪਿਤਾ ਦੀ ਲਾਸ਼ ਨੂੰ ਰਾਜਵੀਰ ਜਵੰਧਾ ਨੇ ਅਗਨੀ ਭੇਂਟ ਕੀਤੀ।