Katrina Kaif
ਅਦਾਕਾਰਾ ਕੈਟਰੀਨਾ ਕੈਫ਼ ਫੈਂਟੇਸੀ ਡਰਾਮਾ ਸੀਰੀਜ਼ 'ਗੇਮ ਆਫ਼ ਥ੍ਰੋਨਜ਼' ਦੀ ਜ਼ਬਰਦਸਤ ਪ੍ਰਸ਼ੰਸਕ ਹੈ ਅਤੇ ਉਨ੍ਹਾਂ ਦਾ ਕਹਿਣਾ ਹੈ ਕਿ....
ਮੁੰਬਈ, 23 ਅਗੱਸਤ: ਅਦਾਕਾਰਾ ਕੈਟਰੀਨਾ ਕੈਫ਼ ਫੈਂਟੇਸੀ ਡਰਾਮਾ ਸੀਰੀਜ਼ 'ਗੇਮ ਆਫ਼ ਥ੍ਰੋਨਜ਼' ਦੀ ਜ਼ਬਰਦਸਤ ਪ੍ਰਸ਼ੰਸਕ ਹੈ ਅਤੇ ਉਨ੍ਹਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਮੌਕਾ ਮਿਲਿਆ ਤਾਂ ਉਹ ਐਚ.ਬੀ.ਓ. ਦੀ ਇਸ ਸੀਰੀਅਲ 'ਚ ਕੰਮ ਕਰਨਾ ਪਸੰਦ ਕਰੇਗੀ। ਕੈਟਰੀਨਾ ਨੇ ਅਪਣੇ ਹਾਲ ਦੇ ਇਕ ਫ਼ੋਟੋਸ਼ੂਟ ਦੀਆਂ ਤਸਵੀਰਾਂ ਇੰਸਟਾਗ੍ਰਾਮ 'ਤੇ ਪੋਸਟ ਕੀਤੀਆਂ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਮਸ਼ਹੂਰ ਟੀਵੀ ਸੀਰੀਅਲ 'ਚ ਕੰਮ ਕਰਨ ਦੀ ਖਵਾਹਿਸ਼ ਵੀ ਜਤਾਈ।
ਤਸਵੀਰ ਦੇ ਸਿਰਲੇਖ 'ਚ ਕੈਟਰੀਨਾ ਕੈਫ਼ਲਿਖਿਆ ਕਿ 'ਕੀ ਮੈਨੂੰ ਗੇਮ ਆਫ਼ ਥ੍ਰੋਨਜ਼ 'ਚ ਕੰਮ ਕਰਨ ਦਾ ਮੌਕਾ ਮਿਲੇਗਾ ਪਲੀਜ਼।'
ਕੈਟਰੀਨਾ (34) ਇਸ ਸਾਲ ਅਪ੍ਰੈਲ 'ਚ ਇੰਸਟਾਗ੍ਰਾਮ 'ਤੇ ਆਈ ਅਤੇ ਹੁਣ ਤਕ ਉਨ੍ਹਾਂ ਨੇ 117 ਪੋਸਟਾਂ ਕੀਤੀਆਂ। ਉਨ੍ਹਾਂ ਦੇ 46 ਲੱਖ ਫਾਲੋਅਰ ਹਨ। 'ਗੇਮ ਆਫ਼ ਥ੍ਰੋਨਜ਼' ਦੇ ਸੱਤਵੇਂ ਸੀਜ਼ਨ ਦਾ ਸਿਰਫ਼ ਇਕ ਹੀ ਐਪੀਸੋਡ ਬਾਕੀ ਰਹਿ ਗਿਆ ਹੈ। (ਪੀਟੀਆਈ)
