Hania Aamir in Sardarji 3? : ਹਾਲ ਹੀ ਵਿੱਚ, ਫ਼ਵਾਦ ਖਾਨ ਦੀ ਫ਼ਿਲਮ 'ਅਬੀਰ ਗੁਲਾਲ' ਨੂੰ ਵੀ ਭਾਰਤ ਵਿੱਚ ਕੀਤਾ ਗਿਆ ਬੈਨ
Hania Aamir was removed from Diljit Dosanjh's film 'Sardarji 3' News: ਪਹਿਲਗਾਮ ਵਿੱਚ ਹੋਏ ਅਤਿਵਾਦੀ ਹਮਲੇ ਤੋਂ ਬਾਅਦ ਜਿੱਥੇ ਹਰ ਭਾਰਤੀ ਦਾ ਖੂਨ ਉਬਲ ਰਿਹਾ ਹੈ, ਉੱਥੇ ਹੀ ਗੁਆਂਢੀ ਦੇਸ਼ ਪਾਕਿਸਤਾਨ ਵੱਲੋਂ ਖੇਡੀ ਜਾ ਰਹੀ ਦਹਿਸ਼ਤ ਦੀ ਇਹ ਖੇਡ ਹੁਣ ਇਸ ਦਾ ਸ਼ਿਕਾਰ ਹੋ ਰਹੀ ਹੈ। ਜਿੱਥੇ ਭਾਰਤ ਸਰਕਾਰ ਨੇ ਸਿੰਧੂ ਜਲ ਸੰਧੀ ਰੱਦ ਕਰ ਦਿੱਤੀ ਹੈ, ਉੱਥੇ ਫ਼ਿਲਮ ਇੰਡਸਟਰੀ ਨੇ ਵੀ ਪਾਕਿਸਤਾਨੀ ਕਲਾਕਾਰਾਂ ਵਿਰੁੱਧ ਮੋਰਚਾ ਖੋਲ੍ਹ ਦਿੱਤਾ ਹੈ।
ਹਾਲ ਹੀ ਵਿੱਚ, ਫ਼ਵਾਦ ਖਾਨ ਦੀ ਫ਼ਿਲਮ 'ਅਬੀਰ ਗੁਲਾਲ' ਨੂੰ ਭਾਰਤ ਵਿੱਚ ਬੈਨ ਕਰ ਦਿੱਤਾ ਗਿਆ ਸੀ ਅਤੇ ਹੁਣ ਸੂਤਰਾਂ ਦੇ ਹਵਾਲੇ ਤੋਂ ਖ਼ਬਰ ਹੈ ਕਿ ਪਾਕਿਸਤਾਨੀ ਅਦਾਕਾਰਾ ਹਨੀਆ ਆਮਿਰ ਨੂੰ ਵੀ ਝਟਕਾ ਲੱਗਿਆ ਹੈ। ਉਸ ਨੂੰ ਕਥਿਤ ਤੌਰ 'ਤੇ ਦਿਲਜੀਤ ਦੋਸਾਂਝ ਦੇ ਨਾਲ ਆਪਣੀ ਪੰਜਾਬੀ ਫ਼ਿਲਮ 'ਸਰਦਾਰਜੀ 3' ਤੋਂ ਬਾਹਰ ਕੱਢ ਦਿੱਤਾ ਗਿਆ ਹੈ।
ਪਾਕਿਸਤਾਨੀ ਅਦਾਕਾਰਾ ਹਨੀਆ ਆਮਿਰ ਵੀ ਭਾਰਤ ਵਿੱਚ ਬਹੁਤ ਮਸ਼ਹੂਰ ਹੈ। ਇਕ ਸਾਲ ਪਹਿਲਾਂ ਅਕਤੂਬਰ 2024 ਵਿੱਚ, ਪ੍ਰਸ਼ੰਸਕ ਬਹੁਤ ਖੁਸ਼ ਹੋਏ ਜਦੋਂ ਹਨੀਆ ਲੰਡਨ ਦੇ ਸੰਗੀਤ ਸਮਾਰੋਹ ਦੇ ਸਟੇਜ 'ਤੇ ਪੰਜਾਬੀ ਗਾਇਕ ਅਤੇ ਅਦਾਕਾਰ ਦਿਲਜੀਤ ਦੋਸਾਂਝ ਨਾਲ ਦਿਖਾਈ ਦਿੱਤੀ ਸੀ। ਦਿਲਜੀਤ ਨੇ ਉੱਥੇ ਹਾਨੀਆ ਨਾਲ ਸਟੇਜ 'ਤੇ ਆਪਣਾ ਸੁਪਰਹਿੱਟ ਗੀਤ 'ਲਵਰ' ਪੇਸ਼ ਕੀਤਾ। ਇਸ ਮਹੀਨੇ ਦੇ ਸ਼ੁਰੂ ਵਿੱਚ, ਰਿਪੋਰਟਾਂ ਆਈਆਂ ਕਿ ਹਨੀਆ ਅਤੇ ਦਿਲਜੀਤ ਇੱਕ ਪ੍ਰੋਜੈਕਟ ਲਈ ਇਕੱਠੇ ਆ ਰਹੇ ਹਨ।
ਬਾਅਦ ਵਿੱਚ ਕਿਹਾ ਗਿਆ ਕਿ ਇਹ 'ਸਰਦਾਰਜੀ 3' ਹੈ। ਹਾਲਾਂਕਿ, ਹੁਣ ਰਿਪੋਰਟਾਂ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਹਾਲ ਹੀ ਵਿੱਚ ਹੋਈਆਂ ਘਟਨਾਵਾਂ ਤੋਂ ਬਾਅਦ ਹਨੀਆ ਨੂੰ ਫ਼ਿਲਮ ਤੋਂ ਹਟਾ ਦਿੱਤਾ ਗਿਆ ਹੈ।
ਨੋਟ: ਰੋਜ਼ਾਨਾ ਸਪੋਕਸਮੈਨ ਇਸ ਦੀ ਪੁਸ਼ਟੀ ਨਹੀਂ ਕਰਦਾ।
( For more news apart from, 'Hania Aamir was removed from Diljit Dosanjh's film 'Sardarji 3' News' Stay tuned to Rozana Spokesman)
