ਅਡਲਟ ਫ਼ਿਲਮਾਂ ਤੋਂ ਬਾਅਦ ਬਾਲੀਵੁੱਡ ਦੇ ਵਿਚ ਆਪਣੀ ਇਕ ਵੱਖਰੀ ਪਹਿਚਾਣ ਬਣਾਉਣ ਵਾਲੀ ਸੰਨੀ ਲਿਓਨ ਇਕ ਵਾਰ ਫਿਰ ਤੋਂ ਮਾਂ ਬਣ ਚੁੱਕੀ ਹੈ ਅਤੇ ਇਸ ਵਾਰ ਉਨ੍ਹਾਂ ਦੇ ਘਰ ਵਿਚ ਇਕ ਨਹੀਂ ਬਲਕਿ ਦੋ ਬੱਚਿਆਂ ਦਾ ਜਨਮ ਹੋਇਆ ਹੈ। ਇਹ ਖੁਸ਼ਖਬਰੀ ਖੁਦ ਸੰਨੀ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ਰਾਹੀ ਆਪਣੇ ਫੈਨਸ ਨੂੰ ਦਿੱਤੀ। ਸੰਨੀ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਆਪਣੇ ਪਰਿਵਾਰ ਨਾਲ ਇਕ ਫੋਟੋ ਸਾਂਝੀ ਕੀਤੀ। ਤਸਵੀਰ ਸਾਂਝੀ ਕਰਦਿਆਂ ਉਹਨਾਂ ਨੇ ਇਕ ਭਾਵੁਕ ਮੈਸੇਜ ਵੀ ਲਿਖਿਆ।
ਤੁਹਾਨੂੰ ਦੱਸ ਦੇਈਏ ਕਿ ਸੰਨੀ ਲਿਓਨ ਨੇ ਜੋ ਪੋਸਟ ਸਾਂਝੀ ਕੀਤੀ ਹੈ ਉਸ 'ਚ ਜੋ ਲਿਖਿਆ ਹੈ ਉਸ ਤੋਂ ਇਹ ਮੰਨਿਆ ਜਾ ਰਿਹਾ ਹੈ ਕਿ ਇਨ੍ਹਾਂ ਬੱਚਿਆਂ ਦਾ ਜਨਮ ਸਰੋਗੇਸੀ ਰਾਹੀਂ ਹੋਇਆ ਹੈ। ਜਿਸ ਦੀ ਪਲਾਨਿੰਗ ਦੋਵਾਂ ਨੇ ਪਿਛਲੇ ਸਾਲ ਜੂਨ ਵਿਚ ਹੀ ਕਰ ਲਈ ਸੀ। ਤੁਹਾਨੂੰ ਇਹ ਵੀ ਦੱਸ ਦੇਈਏ ਕਿ ਸੰਨੀ ਦੇ ਇਹਨਾਂ ਬੱਚਿਆਂ ਦਾ ਜਨਮ ਕੁਝ ਹਫਤੇ ਪਹਿਲਾਂ ਹੋਇਆ ਹੈ।
ਜਿਸ ਦਾ ਖੁਲਾਸਾ ਸੰਨੀ ਨੇ ਹੁਣ ਤਸਵੀਰ ਸਾਂਝੀ ਕਰਕੇ ਕੀਤਾ ਹੈ। ਦੱਸ ਦੇਈਏ ਕਿ ਸੰਨੀ ਅਤੇ ਉਨ੍ਹਾਂ ਦੇ ਪਤੀ ਨੇ ਬੀਤੇ ਸਾਲ ਹੀ 21 ਮਹੀਨੇ ਦੀ ਬੇਟੀ ਨੂੰ ਗੋਦ ਲਿਆ ਸੀ। ਜਿਸਦਾ ਨਾਮ ਉਹਨਾਂ ਨੇ ਨਿਸ਼ਾ ਕੌਰ ਰੱਖਿਆ ਸੀ। ਨਿਸ਼ਾਨ ਤੋਂ ਬਾਅਦ ਹੁਣ ਪਿਤਾ ਬਣੇ ਡੇਨੀਅਲ ਨੇ ਵੀ ਬੱਚਿਆਂ ਦੀ ਇਕ ਤਸਵੀਰ ਸਾਂਝੀ ਕੀਤੀ ਹੈ ਜਿਥੇ ਉਹਨਾਂ ਨੇ ਬੱਚਿਆਂ ਦਾ ਨਾਮ ਲਿਖ ਕੇ ਉਹਨਾਂ ਦਾ ਸਵਾਗਤ ਕੀਤਾ ਹੈ।
ਇਸ ਜੋੜੇ ਦੇ ਨਵਜੰਮੇ ਬੱਚਿਆਂ ਦੇ ਨਾਮ ਉਹਨਾਂ ਨੇ "noah" ਸਿੰਘ ਵੈਬਰ ਅਤੇ ਅਸ਼ਰ ਸਿੰਘ ਵੈਬਰ ਰੱਖਿਆ ਹੈ। ਸੰਨੀ ਵੱਲੋਂ ਸਾਂਝੀ ਕੀਤੀ ਗਈ ਤਸਵੀਰ ਵਿਚ ਤੁਸੀਂ ਦੇਖ ਸਕਦੇ ਹੋ ਕਿ ਇਸ 'ਚ ਸੰਨੀ ਅਤੇ ਉਨ੍ਹਾਂ ਦੇ ਪਤੀ ਡੈਨੀਅਲ ਨੇ ਹੱਥ ਵਿਚ ਇਕ-ਇਕ ਬੱਚੇ ਨੂੰ ਫੜ੍ਹਿਆ ਹੋਇਆ ਹੈ ਅਤੇ ਵਿਚਕਾਰ ਉਨ੍ਹਾਂ ਵੱਲੋਂ ਗੋਦ ਲਈ ਹੋਈ ਪਹਿਲੀ ਬੇਟੀ, "ਨਿਸ਼ਾ ਕੌਰ ਵੇਬਰ" ਬੈਠੀ ਹੋਈ ਹੈ। ਜੋ ਕਿ ਆਪਣੇ ਨਵਜੰਮੇ ਭਰਾਵਾਂ ਦਾ ਖੁਸ਼ੀ ਖੁਸ਼ੀ ਸਵਾਗਤ ਕਰ ਰਹੀ ਹੈ।
ਕਾਬਿਲੇਗੌਰ ਹੈ ਕਿ ਸੰਨੀ ਲਿਓਨ ਅਤੇ ਉਹਨਾਂ ਦੇ ਪਤੀ ਹੀ ਨਹੀਂ ਬਲਕਿ ਬਾਲੀਵੁੱਡ ਦੇ ਹੋਰ ਵੀ ਕਈ ਸਿਤਾਰੇ ਹਨ ਜਿੰਨਾ ਨੇ ਸੇਰੋਗੇਸੀ ਰਾਂਹੀ ਮਾਤਾ ਪਿਤਾ ਬਣਨ ਦਾ ਫੈਸਲਾ ਕੀਤਾ ਹੈ ਅਤੇ ਉਹ ਜੁੜਵਾ ਬੱਚਿਆਂ ਦੇ ਮਾਤਾ ਪਿਤਾ ਬਣੇ ਹਨ ਜਿੰਨਾ 'ਚ ਬਾਲੀਵੁਡ ਦੇ ਨਿਰਮਾਤਾ ਨਿਰਦੇਸ਼ਕ ਕਰਨ ਜੌਹਰ ਅਤੇ ਗੋਵਿੰਦਾ ਦੇ ਭਾਣਜੇ ਕਰੁਸ਼ਨਾ ਅਤੇ ਉਹਨਾਂ ਦੀ ਪਤਨੀ ਕਸ਼ਮੀਰਾ ਵੀ ਜੁੜਵਾ ਬੱਚਿਆਂ ਦੇ ਮਾਤਾ ਪਿਤਾ ਬਣੇ ਹਨ।
