ਟੀਵੀ ਦੇ ਮਸ਼ਹੂਰ ਕਾਮੇਡੀਅਨ ਅਤੇ ਫਿਲਮ ਅਦਾਕਾਰ ਕਪਿਲ ਸ਼ਰਮਾ ਅਤੇ ਦੁੱਖਾਂ ਦਾ ਚੋਲੀ ਦਾਮਨ ਜਿਹਾ ਸਾਥ ਜਾਪਦਾ ਹੈ ਜੋ ਕਦੇ ਇਕ ਦੂਜੇ ਦਾ ਪਿੱਛਾ ਹੀ ਨਹੀਂ ਛੱਡਦੇ। ਜੀ ਹਾਂ ਕਪਿਲ ਸ਼ਰਮਾ ਇਕ ਵਾਰ ਫਿਰ ਤੋਂ ਦੁੱਖ ਦਾ ਸਾਹਮਣਾ ਕਰ ਰਹੇ ਹਨ। ਮਿਲੀ ਜਾਣਕਾਰੀ ਅਨੁਸਾਰ ਕਪਿਲ ਦੇ ਇਕੱਲੇਪਣ ਦਾ ਸਾਥੀ ਤੇ ਉਸ ਦਾ ਸਭ ਤੋਂ ਕਰੀਬੀ ਦੋਸਤ 'ਜ਼ੰਜੀਰ' ਹੁਣ ਇਸ ਦੁਨੀਆ 'ਚ ਨਹੀਂ ਰਿਹਾ। ਜ਼ੰਜੀਰ ਕਪਿਲ ਦਾ ਪਾਲਤੂ ਕੁੱਤਾ ਸੀ, ਜਿਸ ਨੂੰ ਉਹ ਪਿਆਰ ਨਾਲ ਜੋਜੋ ਬੁਲਾਉਂਦਾ ਸੀ।
ਸੂਤਰਾਂ ਮੁਤਾਬਕ 9 ਸਾਲ ਦੇ ਜ਼ੰਜੀਰ ਨੇ 17 ਜਨਵਰੀ ਨੂੰ ਜੁਹੂ ਦੇ ਡਾਕਟਰ ਸਵਾਲੀ ਕਲੀਨਿਕ 'ਚ ਆਖਰੀ ਸਾਹ ਲਿਆ। ਦੱਸਿਆ ਜਾਂਦਾ ਹੈ ਕਿ ਕਪਿਲ ਦੇ ਕੁੱਤੇ ਦੀ ਇਲਾਕੇ ਦੇ ਕੁਝ ਅਵਾਰਾ ਕੁੱਤਿਆਂ ਨਾਲ ਲੜਾਈ ਹੋ ਗਈ ਸੀ। ਇਸ ਦੌਰਾਨ ਜੰਜੀਰ ਬੁਰੀ ਤਰ੍ਹਾਂ ਜ਼ਖਮੀ ਹੋ ਗਿਆ ਸੀ ਅਤੇ ਇਸਦੇ ਨਾਲ ਹੀ ਜ਼ੰਜੀਰ ਦੇ ਸਰੀਰ 'ਚ ਇਨਫੈਕਸ਼ਨ ਹੋ ਗਿਆ ਸੀ, ਜਿਸ ਕਰਕੇ ਉਸ ਦੀ ਮੌਤ ਹੋ ਗਈ।
ਕਪਿਲ ਦੇ ਦੋਸਤ ਦੀ ਪਤਨੀ ਜਾਨਵਰਾਂ ਦੀ ਦੇਖਰੇਖ ਕਰਦੀ ਹੈ ਤੇ ਉਹ ਐਨਜੀਓ ਵੀ ਚਲਾਉਂਦੀ ਹੈ ਇਸੇ ਤਰ੍ਹਾਂ ਕਪਿਲ ਦਾ ਵੀ ਜਾਨਵਰਾਂ ਦੇ ਨਾਲ ਕਾਫੀ ਪਿਆਰ ਹੈ ਇਸੇ ਦੇ ਚਲਦਿਆਂ ਹੀ 2014 ਜੁਲਾਈ 'ਚ ਗੋਦ ਲਿਆ ਸੀ। ਮੰਨਿਆਂ ਜਾਂਦਾ ਸੀ ਕਿ ਕਪਿਲ ਦੇ ਇਕੱਲੇਪਣ 'ਚ ਸਿਰਫ ਜੰਜੀਰ ਹੀ ਉਹਨਾਂ ਦੇ ਨਾਲ ਹੁੰਦਾ ਸੀ। ਜਿਸ ਨਾਲ ਉਹ ਗੱਲਾਂ ਕਰਕੇ ਆਪਣਾ ਮਨ ਹਲਕਾ ਕਰਦੇ ਸਨ।
