ਬਾਲੀਵੁੱਡ ਦੀ ਬਾਗ਼ੀ ਅਦਾਕਾਰਾ ਸ਼ਰਧਾ ਕਪੂਰ ਅੱਜ ਆਪਣਾ 31ਵਾਂ ਜਨਮਦਿਨ ਮਨਾ ਰਹੀ ਹੈ। ਬਾਲੀਵੁੱਡ ਦੀ ਇਹ ਚੁਲਬੁਲੀ ਅਦਾਕਾਰਾ ਬਾਲੀਵੁੱਡ ਦੇ ਵਿਲੇਨ ਸ਼ਕਤੀ ਕਪੂਰ ਦੀ ਬੇਟੀ ਹੈ। ਜੋ ਕਿ ਪੰਜਾਬੀ ਹਨ ਤੇ ਮਾਂ ਮਰਾਠੀ ਪਰਿਵਾਰ ਤੋਂ ਤਾਲੁਕ ਰੱਖਦੀ ਹੈ। ਸ਼ਰਧਾ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਸਾਲ 2010 'ਚ 'ਤੀਨ ਪੱਤੀ' ਨਾਂ ਦੀ ਫਿਲਮ ਨਾਲ ਕੀਤੀ ਸੀ। ਸ਼ਰਧਾ ਦੀ ਪੜ੍ਹਾਈ ਅਮਰੀਕੀ ਸਕੂਲ ਆਫ ਬਾਂਬੇ 'ਚ ਹੋਈ। ਜਿਥੇ ਉਹ ਖੇਡ 'ਚ ਮਾਹਿਰ ਸੀ ਅਤੇ ਫੁੱਟਬਾਲ ਤੇ ਹੈਂਡਬਾਲ ਖੇਡਦੀ ਸੀ।
ਅੱਗੇ ਦੀ ਪੜ੍ਹਾਈ ਕਰਨ ਲਈ ਸ਼ਰਧਾ ਬਾਸਟਨ ਗਈ, ਜਿਥੇ ਸੋਸ਼ਲ ਮੀਡੀਆ 'ਤੇ ਸ਼ਰਧਾ ਦੀ ਤਸਵੀਰ ਦੇਖਣ ਤੋਂ ਬਾਅਦ ਫਿਲਮ ਨਿਰਮਾਤਾ ਅੰਬਿਕਾ ਹਿੰਦੂਜਾ ਨੇ ਸ਼ਰਧਾ ਨੂੰ ਬਾਲੀਵੁੱਡ ਐਂਟਰੀ ਲਈ ਫਿਲਮ 'ਤੀਨ ਪੱਤੀ' 'ਚ ਇਕ ਭੂਮਿਕਾ ਲਈ ਚੁਣ ਲਿਆ। ਡੈਬਿਊ ਫਿਲਮ 'ਚ ਸ਼ਰਧਾ ਦੇ ਸਹਿ-ਅਦਾਕਾਰ ਦੇ ਰੂਪ 'ਚ ਅਮਿਤਾਭ ਬੱਚਨ, ਬੇਨ ਕਿੰਗਸਲੇ, ਆਰ ਮਾਧਵਨ ਵਰਗੇ ਵੱਡੇ ਅਦਾਕਾਰ ਵੀ ਸਨ। ਇਸ ਤੋਂ ਬਾਅਦ ਉਨ੍ਹਾਂ ਦੀ ਅਗਲੀ ਫਿਲਮ 'ਲਵ ਕਾ ਦਿ ਐਂਡ' ਸੀ, ਜਿਸ 'ਚ ਸ਼ਰਧਾ ਨੇ ਕਾਲਜ ਸਟੂਡੈਂਟ ਦੀ ਭੂਮਿਕਾ ਨਿਭਾਈ ਸੀ।
ਇਹ ਫਿਲਮ ਵੀ ਬਾਕਸ ਆਫਿਸ 'ਤੇ ਸਫਲ ਨਹੀਂ ਹੋ ਸਕੀ ਪਰ 2013 'ਚ ਆਈ 'ਆਸ਼ਿਕੀ 2' 'ਚ ਲੀਡ ਅਦਾਕਾਰਾ ਦੀ ਭੂਮਿਕਾ ਨਿਭਾਉਣ ਵਾਲੀ ਸ਼ਰਧਾ ਨੂੰ ਬਲਾਕਬਸਟਰ ਫਿਲਮ ਮਿਲੀ। ਜ਼ਿਕਰੇਯੋਗ ਹੈ ਕਿ ਸ਼ਰਧਾ ਅਦਾਕਾਰੀ ਦੇ ਨਾਲ ਨਾਲ ਗਾਇਕੀ 'ਚ ਵੀ ਨਿਪੁੰਨ ਹੈ। ਉਨ੍ਹਾਂ ਨੇ ਆਪਣੀ ਹੀ ਕਈਆਂ ਫਿਲਮਾਂ 'ਚ ਖੁਦ ਦੀ ਆਵਾਜ਼ 'ਚ ਗੀਤ ਗਾਏ ਹਨ। ਇਸ ਦੇ ਨਾਲ ਹੀ ਸ਼ਰਧਾ ਡਾਂਸ ਦੇ ਵਿਚ ਵੀ ਮਾਹਿਰ ਹੈ। ਜਿਸਦਾ ਸਬੂਤ ਏਬੀਸੀ 2 'ਚ ਦੇਖਣ ਨੂੰ ਮਿਲਦਾ ਹੈ। ਦੱਸਣ ਯੋਗ ਹੈ ਕਿ ਸ਼ਰਧਾ ਨੇ ਇਕ ਵਾਰ ਆਪਣੇ ਇੰਟਰਵਿਊ 'ਚ ਕਿਹਾ ਸੀ ਕਿ ਜੇਕਰ ਉਹ ਅਦਾਕਾਰ ਨਾ ਹੁੰਦੀ ਤਾਂ ਡਾਕਟਰ ਜਰੂਰ ਹੁੰਦੀ।
