"ਕੁੜੀ ਲੱਗਦੀ ਲਾਹੌਰ ਦੀ ਏ" ਗੀਤ ਨਾਲ ਧਮਾਲਾਂ ਪਾਉਣ ਵਾਲੇ ਗਾਇਕ ਗੁਰੂ ਰੰਧਾਵਾ ਦਾ ਗੀਤ 'ਲਾਹੌਰ' ਨੂੰ ਇਕ ਹੋਰ ਵੱਡੀ ਸਫਲਤਾ ਮਿਲ ਗਈ ਹੈ। ਗੁਰੂ ਦਾ ਲਾਹੌਰ ਗੀਤ ਯੂਟਿਊਬ 'ਤੇ 'ਬਿਲਬੋਰਡ ਟਾਪ 25' 'ਚ ਜਗ੍ਹਾ ਬਣਾਉਣ 'ਚ ਸਫਲ ਹੋ ਗਿਆ ਹੈ। ਜਿਸ ਨੂੰ ਲੈ ਕੇ ਗੁਰੂ ਦਾ ਕਹਿਣਾ ਹੈ ਕਿ ਇਕ ਦਿਨ ਅੰਤਰਰਾਸ਼ਟਰੀ ਸੂਚੀ ਵਿਚ ਸ਼ਾਮਲ ਹੋਣਾ ਮੇਰਾ ਸੁਪਨਾ ਸੀ। ਜੋ ਕਿ ਸਾਕਾਰ ਹੋ ਗਿਆ ਹੈ ਨੂੰ ਪਤਾ ਲੱਗਾ ਕਿ ਇਸ ਹਫਤੇ ਯੂਟਿਊਬ 'ਤੇ ਇਹ ਗੀਤ ਬਿਲਬੋਰਡ 'ਚ 21ਵੇਂ ਸਥਾਨ 'ਤੇ ਪਹੁੰਚ ਗਿਆ। ਰੰਧਾਵਾ ਨੇ ਕਿਹਾ ਕਿ ਮੇਰੀ ਪੂਰੀ ਟੀਮ ਤੇ ਪ੍ਰਸ਼ੰਸਕ, ਜਿਨ੍ਹਾਂ ਨੂੰ 'ਲਾਹੌਰ' ਪਸੰਦ ਆਇਆ, ਬਿਲਬੋਰਡ ਵਿਸ਼ਵ ਸੂਚੀ 'ਚ ਸਾਡਾ ਪ੍ਰਵੇਸ਼ ਮਾਣ ਵਾਲੀ ਗੱਲ ਹੈ।
ਰੰਧਾਵਾ ਅੱਗੇ ਕਹਿੰਦੇ ਹਨ ਕਿ ਮੈਨੂੰ ਇੰਝ ਲੱਗ ਰਿਹਾ ਕਿ ਮੈਂ ਕਿਸੇ ਸੁਪਨੇ 'ਚ ਜੀ ਰਿਹਾ ਹਾਂ। ਤੁਹਾਨੂੰ ਦੱਸ ਦੇਈਏ ਕਿ ਪੰਜਾਬੀ ਇੰਡਸਟਰੀ ਤੋਂ ਬਾਅਦ ਰੰਧਾਵਾ ਨੇ ਪਹਿਲਾਂ ਬਾਲੀਵੁੱਡ 'ਚ ਤੇ ਹੁਣ ਬਿਲਬੋਰਡ 'ਚ ਆਪਣੀ ਖਾਸ ਜਗ੍ਹਾ ਬਣਾ ਲਈ ਹੈ। ਇਸ ਸੂਚੀ 'ਚ ਐਡ ਸ਼ੀਰਨ, ਲੁਈਸ ਫਾਂਸੀ ਤੇ ਬਰੂਨੋਮ ਮਾਰਸ ਵਰਗੇ ਕਲਾਕਾਰਾਂ ਦੇ ਨਾਂ ਸ਼ਾਮਲ ਹਨ।
ਇਕ ਵਾਰ ਫਿਰ ਰੰਧਾਵਾ ਦਾ ਗੀਤ 'ਹਾਈ ਰੇਟਿਡ ਗੱਬਰੂ' ਫਿਲਮ 'ਨਵਾਬਜ਼ਾਦੇ' 'ਚ ਦਿਖਾਇਆ ਜਾਵੇਗਾ। ਇਸ ਤੋਂ ਪਹਿਲਾਂ ਵੀ ਉਨ੍ਹਾਂ ਦੇ ਗੀਤ 'ਸੂਟ' ਬਾਲੀਵੁੱਡ ਫਿਲਮ 'ਹਿੰਦੀ ਮੀਡੀਅਮ' 'ਚ ਲਿਆ ਗਿਆ ਸੀ। ਇਸ ਦੇ ਨਾਲ ਪਾਲੀਵੁੱਡ ਦੇ ਨਾਲ-ਨਾਲ ਬਾਲੀਵੁਡ 'ਚ ਆਪਣੇ ਗੀਤਾਂ ਦੀ ਧਮਾਲ ਪਾਉਣ ਵਾਲੇ ਗਾਇਕਾਂ ਵਿਚੋਂ ਇਕ ਹੋ ਗਏ ਹਨ।
