ਬਾਲੀਵੁੱਡ ਦੀ ਸੁਲੂ ਯਾਨੀ ਕਿ ਵਿਦਿਆ ਬਾਲਣ ਹੁਣ ਤੱਕ ਆਪਣੇ ਫਿਲਮਾਂ ਦੇ ਕਰੀਅਰ ਦੇ ਵਿਚ ਔਰਤਾਂ ਦੇ ਜੀਵਨ ਤੇ ਅਧਾਰਿਤ ਫ਼ਿਲਮਾਂ ਵਿਚ ਅਹਿਮ ਕਿਰਦਾਰ ਨਿਭਾਉਂਦੀ ਆਈ ਹੈ। ਜਿੰਨਾ ਵਿਚ ਵਿਦਿਆ ਨੇ 'ਪਰਿਣੀਤਾ', 'ਇਸ਼ਕੀਆ', 'ਨੋ ਵਨ ਕਿਲਡ ਜੈਸਿਕਾ', 'ਦਿ ਡਰਟੀ ਪਿਕਚਰ', 'ਕਹਾਨੀ' ਅਤੇ 'ਬੇਗਮ ਜਾਨ' ਵਰਗੀਆਂ ਫਿਲਮਾਂ ਰਾਹੀਂ ਆਪਣੀ ਸਫਲ ਪਛਾਣ ਬਣਾਈ। ਆਪਣੀਆਂ ਫ਼ਿਲਮਾਂ ਵਿਚ ਨਿਭਾਏ ਹੋਏ ਕਿਰਦਾਰਾਂ ਬਾਰੇ ਖੁਦ ਵਿਦਿਆ ਦਾ ਕਹਿਣਾ ਹੈ ਕਿ ਇਹ ਫ਼ਿਲਮਾਂ ਨਿੱਜੀ ਤੌਰ 'ਤੇ ਉਸ ਦੀਆਂ ਮਨਪਸੰਦ ਫਿਲਮਾਂ ਹਨ 'ਚ 'ਕਹਾਨੀ', 'ਦਿ ਡਰਟੀ ਪਿਕਚਰ' ਅਤੇ 'ਤੁਮ੍ਹਾਰੀ ਸੁੱਲੂ' ਹਨ, ਜੋ ਉਸ ਦੇ ਕਰੀਅਰ 'ਚ ਨਵਾਂ ਬਦਲਾਅ ਲੈ ਕੇ ਆਈਆਂ।
ਵਿਦਿਆ ਦਾ ਕਹਿਣਾ ਹੈ ਕਿ ਨਿੱਜੀ ਤਜਰਬਿਆਂ ਨਾਲ ਹੀ ਅਕਸਰ ਉਸ ਦੀ ਪਸੰਦ ਦੀ ਦਿਸ਼ਾ ਤੈਅ ਹੁੰਦੀ ਹੈ। ਅਦਾਕਾਰਾ ਨੇ ਹਿੰਦੀ ਫਿਲਮਾਂ 'ਚ ਹੀਰੋਇਨਾਂ ਬਾਰੇ ਬਣੀ ਸੋਚ ਨੂੰ ਪਿਛਲੇ ਇਕ ਦਹਾਕੇ 'ਚ ਤੋੜਿਆ ਹੈ। ਇਸ ਦੇ ਨਾਲ ਹੀ ਵਿਦਿਆ ਨੇ ਕਿਹਾ, ''ਮੈਂ ਜਿਹੜੀ ਵੀ ਫਿਲਮ ਜਾਂ ਭੂਮਿਕਾ ਨਿਭਾਈ ਹੈ ਉਸ ਦੇ ਮੇਰੇ ਨਾਲ ਵੀ ਕੁਝ ਨਿੱਜੀ ਸੰਬੰਧ ਰਹੇ ਹਨ। ਇਨ੍ਹਾਂ ਸਾਰੇ ਮਹਿਲਾ ਕਿਰਦਾਰਾਂ 'ਚ ਆਪਣੇ 'ਦਿਲ ਦੀ ਆਵਾਜ਼' ਸੁਣੀ ਅਤੇ ਉਹੀ ਕੀਤਾ, ਜੋ ਉਹ ਕਰਨਾ ਚਾਹੁੰਦੀ ਸੀ।''
ਉਸ ਨੇ ਕਿਹਾ, ''ਮੈਂ ਇਕ ਸ਼ਰਮੀਲੀ ਔਰਤ ਹਾਂ। ਮੇਰੇ ਦੋ ਪਹਿਲੂ ਹਨ। ਅਦਾਕਾਰੀ ਲਈ ਮੈਂ ਇਹਨਾ ਸਬੱਬ ਤੋਂ ਵੱਖ ਹਾਂ। ਮੈਂ ਆਪਣੇ ਕਿਰਦਾਰ ਨੂੰ ਨਿਭਾਉਣ ਦੇ ਲਈ ਕੁਝ ਵੀ ਕਰ ਸਕਦੀ ਹਾਂ ਪਰ ਨਿਜੀ ਤੌਰ 'ਤੇ ਇਕ ਔਰਤ ਵਜੋਂ ਮੈਂ ਸ਼ਰਮੀਲੇ ਸੁਭਾਅ ਦੀ ਹਾਂ।
