ਯਮੁਨਾਨਗਰ: ਟਵਿੱਨਸਿਟੀ ਦੀ ਧੀ ਅਤੇ ਨੂੰਹ ਮਿਸੇਜ਼ ਇੰਡੀਆ ਯੂਨੀਵਰਸ ਸ਼ਵੇਤਾ ਅਠਵਾਲ ਨੇ ਡਰਬਨ, ਸਾਊਥ ਅਫਰੀਕਾ 'ਚ ਆਯੋਜਿਤ ਮਿਸੇਜ਼ ਯੂਨੀਵਰਸ ਪ੍ਰਤੀਯੋਗਿਤਾ ਦੇ ਦੌਰਾਨ ਟੌਪ 5 'ਚ ਆਪਣੀ ਜਗ੍ਹਾ ਬਣਾ ਕੇ ਜ਼ਿਲ੍ਹਾ, ਸੂਬਾ ਹੀ ਨਹੀਂ ਪੂਰੇ ਦੇਸ਼ ਦਾ ਨਾਂ ਰੌਸ਼ਣ ਕਰ ਦਿੱਤਾ ਹੈ।

ਲਗਭਗ ਇੱਕ ਹਫਤੇ ਤੱਕ ਚੱਲੀ ਪ੍ਰਤੀਯੋਗਿਤਾ ਦੇ ਦੌਰਾਨ ਸ਼ਵੇਤਾ ਨੇ ਵੱਖ-ਵੱਖ ਰਾਊਂਡ 'ਚ ਆਪਣੇ ਹੁਨਰ ਦਾ ਪ੍ਰਦਰਸ਼ਨ ਕਰਕੇ ਪੂਰੀ ਦੁਨੀਆਂ ਦੇ 84 ਤੋਂ ਵੱਧ ਦੇਸ਼ਾਂ ਦੀਆਂ ਸੁੰਦਰੀਆਂ ਨੂੰ ਹਰਾਉਂਦੇ ਹੋਏ ਮਿਸੇਜ਼ ਯੂਨੀਵਰਸ ਦੇ ਫਾਇਨਲ 'ਚ ਆਪਣੀ ਜਗ੍ਹਾ ਬਣਾਈ ਹੈ।

ਸ਼ਵੇਤਾ ਦੇ ਪਤੀ ਸਮਨਦੀਪ ਸਿੰਘ ਅਠਵਾਲ ਨੇ ਕਿਹਾ ਕਿ 84 ਦੇਸ਼ਾਂ ਦੀਆਂ ਸੁੰਦਰੀਆਂ ਨੂੰ ਹਰਾ ਕੇ ਇੱਥੋਂ ਤੱਕ ਪਹੁੰਚਣਾ ਹੀ ਆਪਣੇ ਆਪ 'ਚ ਵੱਡੀ ਉਪਲੱਬਧੀ ਹੈ। ਪ੍ਰਤੀਯੋਗਿਤਾ ਦੇ ਫਾਰਮੈੱਟ ਬਾਰੇ 'ਚ ਉਨ੍ਹਾਂ ਨੇ ਦੱਸਿਆ ਕਿ ਆਖਰੀ ਰਾਊਂਡ 'ਚ 25 ਸੁੰਦਰੀਆਂ ਨੂੰ ਚੁਣਿਆ ਗਿਆ ਸੀ ਪਰ ਬਾਅਦ 'ਚ ਸਿਰਫ 5 ਪ੍ਰਤੀਭਾਗੀਆਂ ਨੂੰ ਵੱਖ-ਵੱਖ ਸ਼ੈਲੀਆਂ 'ਚ ਮਿਸੇਜ਼ ਯੂਨੀਵਰਸ ਦਾ ਖਿਤਾਬ ਦਿੱਤਾ ਜਾਣਾ ਹੈ। ਇਸ ਲਈ ਦੇਸ਼ ਦਾ ਸਿਰ ਉੱਚਾ ਕਰਕੇ ਉਹ ਆਪਣੇ ਆਪ ਨੂੰ ਬਹੁਤ ਹੀ ਖੁਸ਼ਕਿਸਮਤ ਮੰਨਦੇ ਹਨ।