ਬਾਲੀਵੁੱਡ ਦੇ ਸ਼ਹਿਨਸ਼ਾਹ ਅਮਿਤਾਭ ਬੱਚਨ ਹਰ ਐਤਵਾਰ ਨੂੰ ਆਪਣੇ ਬੰਗਲੇ ਦੇ ਬਾਹਰ ਆਪਣੇ ਫੈਨਜ਼ ਨੂੰ ਮਿਲਦੇ ਹਨ ਅਤੇ ਖਾਸ ਤੌਰ ਤੇ ਉਹਨਾਂ ਦਾ ਧਨਵਾਦ ਕਰਦੇ ਹਨ। । ਇਸ ਐਤਵਾਰ ਵੀ ਹਮੇਸ਼ਾ ਵਾਂਗ ਅਮਿਤਾਭ ਦੀ ਇਕ ਝਲਕ ਪਾਉਣ ਦੇ ਲਈ ਉਹਨਾਂ ਦੇ ਫੈਨਜ਼ ਦੀ ਭੀੜ ਜਲਸਾ ਦੇ ਬਾਹਰ ਜਮ੍ਹਾ ਹੋ ਗਈ। ਹਮੇਸ਼ਾ ਦੀ ਤਰ੍ਹਾਂ ਸਭ ਕੁਝ ਇਕੋ ਜਿਹਾ ਨਜ਼ਰ ਆ ਰਿਹਾ ਸੀ ,ਪਰ ਇਸ ਦੌਰਾਨ ਇੱਕ ਗੱਲ ਜੋ ਸਭ ਤੋਂ ਵੱਖਰੀ ਸੀ ਉਹ ਸੀ ਅਮਿਤਾਭ ਦੇ ਫੈਨਜ਼ ਦੀ ਭੀੜ ਚੋਂ ਨਿਕਲ ਕੇ ਅਮਿਤਾਭ ਦੇ ਗੇਟ ਦੇ ਅੰਦਰ ਪੂਝੀ ਇਕ ਛੋਟੀ ਜਿਹੀ ਫੈਨ।
ਜਿਸ ਨੂੰ ਦੇਖ ਕੇ ਅਮਿਤਾਭ ਬੱਚਨ ਖੁਸ਼ ਹੋ ਗਏ ।ਇਸ ਦੀਆਂ ਹੀ ਕੁਝ ਤਸਵੀਰਾਂ ਅਮਿਤਾਭ ਬੱਚਨ ਨੇ ਆਪਣੇ ਟਵਿਟਰ 'ਤੇ ਸਾਂਝੀਆਂ ਕੀਤੀਆਂ,ਜਿਥੇ ਉਹਨਾ ਨੇ ਲਿਖਿਆ ਕਿ 'ਸੰਡੇ ਮੀਟ ਐਂਡ ਗ੍ਰੀਟ' ਦੌਰਾਨ 'ਇਸ ਨੰਨ੍ਹੀਂ ਬੱਚੀ ਨੇ ਭੀੜ 'ਚ ਹਿੰਮਤ ਦਿਖਾਈ ਤੇ ਗੇਟ ਤਕ ਪਹੁੰਚ ਗਈ, ਸਿਰਫ ਮੈਨੂੰ ਮਿਲਣ ਲਈ। ਇਹ ਬੇਹੱਦ ਕਿਊਟ ਹੈ। ਮੈਂ ਇਸ ਨੂੰ ਮਿਲ ਕੇ ਬਹੁਤ ਖੁਸ਼ ਹਾਂ। ਇਸ ਤੋਂ ਬਾਅਦ ਉਹ ਆਪਣੀ ਅਗਲੀ ਪੋਸਟ 'ਚ ਉਹਨਾ ਸਾਰੇ ਫੈਨਜ਼ ਦਾ ਧੰਨਵਾਦ ਕਰਦੇਹਨ ਜੋ ਇਨੀਂ ਮੁਸ਼ੱਕਤ ਦੇ ਨਾਲ ਉਹਨਾਂ ਨੂੰ ਮਿਲਣ ਆਏ।
ਅਮਿਤਾਭ ਨੇ ਟਵਿਟਰ 'ਤੇ ਲਿਖਿਆ, 'ਐਤਵਾਰ ਇਸ ਭੀੜ ਨਾਲ, ਇਨ੍ਹਾਂ ਦਾ ਸੱਚਾ ਪਿਆਰ ਵਾਕਈ ਹਰ ਚੀਜ਼ ਨੂੰ ਹਰਾ ਦਿੰਦਾ ਹੈ। ਉਹਨਾ ਕਿਹਾ ਕਿ ਹਾਲਾਂਕਿ ਮੇਰੇ ਬੰਗਲੇ ਜਲਸਾ ਦੇ ਬਾਹਰ ਨਗਰ ਨਿਗਮ ਵੱਲੋਂ ਪਾਈਪਾਂ ਅਤੇ ਕੇਬਲ ਤਾਰਾਂ ਵਿਸ਼ਿਆਂ ਹੋਈਆਂ ਹਨ ਬਾਵਜੂਦ ਇਸ ਦੇ ਫੈਨਸ ਨੇ ਆਪਣਾ ਪਿਆਰ ਮੈਨੂੰ ਦਿੱਤਾ। ਇਸਦੇ ਲਈ ਮੈਂ ਸਭ ਦਾ ਦਿਲੋਂ ਧਨਵਾਦ ਕਰਦਾ ਹਾਂ।
