ਟਵਿੱਟਰ ਅਤੇ ਅਮਿਤਾਭ ਦੋਨੋਂ ਹੀ ਸੁਰਖੀਆਂ ਵਿਚ ਰਹਿੰਦੇ ਹਨ, ਜਿਥੇ ਬੀਤੇ ਦਿਨ ਅਮਿਤਾਭ ਨੇ ਟਵਿੱਟਰ ਤੇ ਬਾਇਓਡਾਟਾ ਅਪਡੇਟ ਕਰਕੇ ਦੀਪਿਕਾ ਅਤੇ ਕੈਟਰੀਨਾ ਦੇ ਨਾਲ ਲੀਡ ਹੀਰੋ ਵਜੋਂ ਕੰਮ ਕਰਨ ਦੀ ਇੱਛਾ ਜ਼ਾਹਿਰ ਕੀਤੀ ਸੀ। ਤੁਹਾਨੂੰ ਦੱਸ ਦੇਈਏ ਕਿ ਟਵਿੱਟਰ ਨਾਲ ਮੋਹ ਰੱਖਣ ਵਾਲੇ ਬਾਲੀਵੁੱਡ ਮਹਾਨਾਇਕ ਅਮਿਤਾਭ ਬੱਚਨ ਨੇ ਟਵਿੱਟਰ ਦੇ ਕਰਮਚਾਰੀਆਂ ਨਾਲ ਮੁਲਾਕਾਤ ਕੀਤੀ। ਜਿਥੇ ਉਹਨਾਂ ਨੇ ਟਵਿਟਰ ਦੇ ਕੰਮ ਕਰਨ ਦੇ ਤਰੀਕੇ ਨੂੰ ਸਮਝਣ ਦੀ ਕੋਸ਼ਿਸ਼ ਕੀਤੀ।
ਦਰਸਅਲ, ਬਿੱਗ ਬੀ ਨੇ ਇਸ ਮਹੀਨੇ ਦੀ ਸ਼ੁਰੂਆਤ 'ਚ ਟਵਿਟਰ 'ਤੇ ਫਾਲੋਅਰਜ਼ ਦੀ ਘੱਟਦੀ ਗਿਣਤੀ ਤੋਂ ਬਾਅਦ ਇਸ ਸੋਸ਼ਲ ਮੀਡੀਆ ਸਾਈਟ ਨੂੰ ਛੱਡਣ ਦੀ ਚਿਤਾਵਨੀ ਦਿੱਤੀ ਸੀ। ਪਰ ਹੁਣ ਟਵਿਟਰ ਦੀ ਟੀਮ ਨੂੰ ਮਿਲਣ ਤੋਂ ਬਾਅਦ ਅਮਿਤਾਭ ਨੇ ਟਵੀਟ ਕਰਕੇ ਕਿਹਾ, ''ਸਮੁੰਦਰ ਦੇ ਉਸ ਪਾਰ ਤੋਂ ਟਵਿਟਰ ਦੀ ਟੀਮ ਨੇ ਆ ਕੇ ਮੇਰੇ ਨਾਲ ਮੁਲਾਕਾਤ ਕੀਤੀ ਅਤੇ ਦੱਸਿਆ ਕਿ ਟਵਿਟਰ ਕਿਵੇਂ ਕੰਮ ਕਰਦਾ ਹੈ, ਇਸ ਦੇ ਲਈ ਮੈਂ ਧੰਨਵਾਦ ਕਰਦਾ ਹਾਂ।
ਜ਼ਿਕਰੇਯੋਗ ਹੈ ਕਿ ਫਰਵਰੀ ਦੇ ਸ਼ੁਰੂਆਤੀ ਮਹੀਨੇ 'ਚ ਅਮਿਤਾਭ ਨੇ ਇਹ ਕਹਿ ਕੇ ਟਵਿਟਰ ਛੱਡਣ ਦੀ ਧਮਕੀ ਦਿੱਤੀ ਸੀ ਕਿ ਉਸਦੇ ਫਾਲੋਅਰਜ਼ ਦੀ ਗਿਣਤੀ ਦਿਨ ਬ ਦਿਨ ਘੱਟਦੀ ਜਾ ਰਹੀ ਹੈ। ਇਸ ਕਰਕੇ ਮੈਂ ਟਵਿੱਟਰ ਛੱਡਣਾ ਚਾਹੁੰਦਾ ਹਾਂ। ਦੱਸ ਦੇਈਏ ਕਿ ਫਿਲਹਾਲ ਉਨ੍ਹਾਂ ਦੇ ਟਵਿਟਰ ਫਾਲੋਅਰਜ਼ ਦੀ ਗਿਣਤੀ 3.31 ਕਰੋੜ ਹੈ। ਜਿਸ ਨੂੰ ਉਹ ਇੰਜੁਆਏ ਕਰ ਰਹੇ ਹਨ। ਇਸਦੇ ਨਾਲ ਹੀ ਤੁਹਾਨੂੰ ਦੱਸ ਦੇਈਏ ਕਿ ਆਉਣ ਵਾਲੇ ਸਮੇਂ 'ਚ ਅਮਿਤਾਭ '102 ਨਾਟ ਆਊਟ', ਅਤੇ 'ਠਗਸ ਆਫ ਹਿੰਦੋਸਤਾਨ' ਦੇ ਨਾਲ-ਨਾਲ 'ਬ੍ਰਹਮਾਸਤਰ' ਵਰਗੀਆਂ ਫਿਲਮਾਂ 'ਚ ਨਜ਼ਰ ਆਉਣਗੇ।