ਇਹ ਤਸਵੀਰ 2014 ਦੀ ਹੈ ਜਦੋਂ ਗੁਜਰਾਤ ਦੇ ਅਹਿਮਦਾਬਾਦ 'ਚ ਸਰਕਾਰੀ ਜਮੀਨ 'ਤੇ ਅਵੈਧ ਰੂਪ ਤੋਂ ਬਣਾਏ ਮਸਜਿਦ ਨੂੰ ਹਟਾਇਆ ਗਿਆ ਸੀ।
RSFC (Team Mohali)- ਸੋਸ਼ਲ ਮੀਡੀਆ 'ਤੇ ਇੱਕ ਤਸਵੀਰ ਵਾਇਰਲ ਹੋ ਰਹੀ ਹੈ ਜਿਸਦੇ ਵਿਚ ਇੱਕ JCB ਮਸਜਿਦ ਰੂਪੀ ਇਮਾਰਤ ਨੂੰ ਤੋੜ ਰਿਹਾ ਹੈ। ਹੁਣ ਇਸ ਤਸਵੀਰ ਨੂੰ ਯੂਜ਼ਰ ਉੱਤਰ ਪ੍ਰਦੇਸ਼ ਦਾ ਦੱਸਕੇ ਵਾਇਰਲ ਕਰ ਰਹੇ ਹਨ।
ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਹੀ ਤਸਵੀਰ ਉੱਤਰ ਪ੍ਰਦੇਸ਼ ਦੀ ਨਹੀਂ ਹੈ। ਇਹ ਤਸਵੀਰ 2014 ਦੀ ਹੈ ਜਦੋਂ ਗੁਜਰਾਤ ਦੇ ਅਹਿਮਦਾਬਾਦ 'ਚ ਸਰਕਾਰੀ ਜਮੀਨ 'ਤੇ ਅਵੈਧ ਰੂਪ ਤੋਂ ਬਣਾਏ ਧਾਰਮਿਕ ਇਮਾਰਤ ਨੂੰ ਹਟਾਇਆ ਗਿਆ ਸੀ।
ਵਾਇਰਲ ਪੋਸਟ
ਫੇਸਬੁੱਕ ਯੂਜ਼ਰ "रवी हिंदू" ਨੇ 29 ਅਕਤੂਬਰ 2021 ਨੂੰ ਵਾਇਰਲ ਤਸਵੀਰ ਸ਼ੇਅਰ ਕਰਦਿਆਂ ਲਿਖਿਆ, "#हां_तो_अब_लिखो_नाइस_पिक #उत्तर_प्रदेश????"
ਇਸ ਪੋਸਟ ਨੂੰ ਹੇਠਾਂ ਕਲਿਕ ਕਰ ਵੇਖਿਆ ਜਾ ਸਕਦਾ ਹੈ।
ਪੜਤਾਲ
ਪੜਤਾਲ ਦੀ ਸ਼ੁਰੂਆਤ ਕਰਦੇ ਹੋਏ ਅਸੀਂ ਇਸ ਤਸਵੀਰ ਗੂਗਲ ਰਿਵਰਸ ਇਮੇਜ ਟੂਲ ਵਿਚ ਅਪਲੋਡ ਕਰ ਸਰਚ ਕੀਤਾ।
ਸਾਨੂੰ ਇਹ ਤਸਵੀਰ ਅਗਸਤ 2014 ਦੇ ਇੱਕ ਟਵੀਟ ਵਿਚ ਪ੍ਰਕਾਸ਼ਿਤ ਮਿਲੀ। ਟਵਿੱਟਰ ਯੂਜ਼ਰ "Praveen Upadhyaya" ਨੇ 7 ਅਗਸਤ 2014 ਨੂੰ ਇਸ ਮਾਮਲੇ ਦੀਆਂ ਹੋਰ ਤਸਵੀਰਾਂ ਸਾਂਝੀਆਂ ਕਰਦਿਆਂ ਲਿਖਿਆ, "Ahmedabad: llegally built Mosque demolished in extended Juhapura Ahmedabad by AMC -> "
Ahmedabad: llegally built Mosque demolished in extended Juhapura Ahmedabad by AMC -> http://t.co/8GiAuPpQGw -> pic.twitter.com/lZzucptNMC
— Praveen Upadhyaya (@PraveenraoU) August 7, 2014
ਟਵੀਟ ਅਨੁਸਾਰ ਇਹ ਤਸਵੀਰਾਂ ਅਹਿਮਦਾਬਾਦ ਦੀਆਂ ਹਨ ਜਿਥੇ ਅਵੈਧ ਰੂਪ ਤੋਂ ਬਣਾਏ ਗਏ ਮਸਜਿਦ ਨੂੰ ਹਟਾਇਆ ਗਿਆ ਸੀ।
ਇਸ ਟਵੀਟ ਵਿਚ DeshGujarat ਨਾਂਅ ਦੀ ਖਬਰ ਦਾ ਲਿੰਕ ਵੀ ਸਾਂਝਾ ਕੀਤਾ ਗਿਆ ਸੀ। ਇਸ ਖਬਰ ਨੂੰ ਇਥੇ ਕਲਿਕ ਕਰ ਪੜ੍ਹਿਆ ਜਾ ਸਕਦਾ ਹੈ।
ਮਤਲਬ ਸਾਫ ਸੀ ਕਿ ਗੁਜਰਾਤ ਦੇ ਅਹਿਮਦਾਬਾਦ ਦੀ ਪੁਰਾਣੀ ਤਸਵੀਰ ਨੂੰ ਹੁਣ ਫਰਜ਼ੀ ਦਾਅਵੇ ਨਾਲ ਵਾਇਰਲ ਕੀਤਾ ਜਾ ਰਿਹਾ ਹੈ।
ਨਤੀਜਾ- ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਹੀ ਤਸਵੀਰ ਉੱਤਰ ਪ੍ਰਦੇਸ਼ ਦੀ ਨਹੀਂ ਹੈ। ਇਹ ਤਸਵੀਰ 2014 ਦੀ ਹੈ ਜਦੋਂ ਗੁਜਰਾਤ ਦੇ ਅਹਿਮਦਾਬਾਦ 'ਚ ਸਰਕਾਰੀ ਜਮੀਨ 'ਤੇ ਅਵੈਧ ਰੂਪ ਤੋਂ ਬਣਾਏ ਧਾਰਮਿਕ ਇਮਾਰਤ ਨੂੰ ਹਟਾਇਆ ਗਿਆ ਸੀ।
Claim- Image of removal of religious building is from Uttar Pradesh
Claimed By- FB User रवी हिंदू
Fact Check- Misleading