Fact Check Report : ਸੋਸ਼ਲ ਮੀਡੀਆ 'ਤੇ ਖੱਡਿਆਂ ਨਾਲ ਭਰੀ ਸੜਕ ਦੀ ਤਸਵੀਰ ਸਾਂਝੀ ਕਰ ਦਾਅਵਾ ਕੀਤਾ ਜਾ ਰਿਹਾ ਹੈ
Fact Check Report : ਦੇਸ਼ ਦੀ ਰਾਜਧਾਨੀ ਦਿੱਲੀ 'ਚ ਪਿਛਲੇ ਦਿਨਾਂ ਮੀਂਹ ਵੇਖਣ ਨੂੰ ਮਿਲਿਆ। ਇਸ ਮੀਂਹ ਨੇ ਜਿਥੇ ਠੰਡ 'ਚ ਵਾਧਾ ਪਾਇਆ, ਓਥੇ ਹੀ ਸੋਸ਼ਲ ਮੀਡੀਆ 'ਤੇ ਲੋਕਾਂ ਨੇ ਇਸਦਾ ਫਾਇਦਾ ਚੁੱਕ ਸਰਕਾਰ 'ਤੇ ਨਿਸ਼ਾਨੇ ਵੀ ਸਾਧੇ। ਹੁਣ ਸੋਸ਼ਲ ਮੀਡੀਆ 'ਤੇ ਖੱਡਿਆਂ ਨਾਲ ਭਰੀ ਸੜਕ ਦੀ ਤਸਵੀਰ ਸਾਂਝੀ ਕਰ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ ਦਿੱਲੀ ਦੀ ਸੜਕ ਹੈ। ਇਸ ਤਸਵੀਰ ਨੂੰ ਸਾਂਝੀ ਕਰ ਪ੍ਰਸ਼ਾਸਨ ਦੀ ਬਦਹਾਲੀ ਨੂੰ ਦਰਸਾਇਆ ਜਾ ਰਿਹਾ ਹੈ।
ਇਸ ਤਸਵੀਰ ਨੂੰ ਭਾਜਪਾ ਆਗੂ ਸਣੇ ਭਾਜਪਾ ਦੇ ਅਧਿਕਾਰਿਕ ਸੋਸ਼ਲ ਮੀਡੀਆ ਅਕਾਊਂਟਸ ਤੋਂ ਸਾਂਝਾ ਕੀਤਾ ਗਿਆ ਹੈ।
थोड़ी सी बारिश के बाद। pic.twitter.com/8MrW39jxtw
— Amit Malviya (@amitmalviya) December 28, 2024
ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਹੀ ਤਸਵੀਰ ਐਡੀਟੇਡ ਹੈ। ਵਾਇਰਲ ਤਸਵੀਰ ਵਿਚ ਸੜਕ ਖਰਾਬ ਤਾਂ ਹੈ ਪਰ ਭਾਜਪਾ ਵੱਲੋਂ ਸਾਂਝੀ ਤਸਵੀਰ ਵਿਚ ਖੱਡਿਆਂ ਦੀ ਮਾਤਰਾ ਜਿਆਦਾ ਹੈ ਜਿਸਨੂੰ ਐਡਿਟ ਕਰਕੇ ਜੋੜਿਆ ਗਿਆ ਹੈ।
Investigation
ਪੜਤਾਲ ਦੀ ਸ਼ੁਰੂਆਤ ਕਰਦਿਆਂ ਅਸੀਂ ਸਭਤੋਂ ਪਹਿਲਾਂ ਵਾਇਰਲ ਤਸਵੀਰ ਨੂੰ ਗੂਗਲ ਲੈਂਸ ਟੂਲ ਦੀ ਮਦਦ ਨਾਲ ਸਰਚ ਕੀਤਾ।
ਵਾਇਰਲ ਤਸਵੀਰ ਐਡੀਟੇਡ ਹੈ
ਸਾਨੂੰ ਇਹ ਤਸਵੀਰ Getty Images 'ਤੇ ਅਪਲੋਡ ਮਿਲੀ। ਇਹ ਇੱਕ ਫੋਟੋ ਸਟਾਕ ਵੈਬਸਾਈਟ ਹੈ ਜਿੱਥੇ ਫੋਟੋਗ੍ਰਾਫਰ ਅਤੇ ਫੋਟੋ ਜਰਨਲਿਸਟ ਤਸਵੀਰਾਂ ਪੋਸਟ ਕਰਦੇ ਹਨ। ਹਾਲਾਂਕਿ ਇਸ ਤਸਵੀਰ ਅਤੇ ਵਾਇਰਲ ਤਸਵੀਰ 'ਚ ਕਾਫੀ ਫਰਕ ਹੈ। ਵੈੱਬਸਾਈਟ 'ਤੇ ਮੌਜੂਦ ਤਸਵੀਰ 'ਚ ਸੜਕ 'ਤੇ ਓਨੇ ਟੋਏ ਨਹੀਂ ਹਨ, ਜਿੰਨੇ ਭਾਜਪਾ ਨੇਤਾਵਾਂ ਵਲੋਂ ਪੋਸਟ ਕੀਤੀ ਗਈ ਤਸਵੀਰ 'ਚ ਦਿਖਾਈ ਦੇ ਰਹੇ ਹਨ।
https://www.gettyimages.ca/detail/news-photo/potholes-seen-over-road-near-nsic-complex-as-atishi-chief-news-photo/2175025302
ਵੈੱਬਸਾਈਟ 'ਤੇ ਵਾਇਰਲ ਤਸਵੀਰ ਨਾਲ ਸਾਂਝੀ ਜਾਣਕਾਰੀ 'ਚ ਦੱਸਿਆ ਗਿਆ ਹੈ ਕਿ 30 ਸਤੰਬਰ 2024 ਨੂੰ ਦਿੱਲੀ ਦੇ ਮੁੱਖ ਮੰਤਰੀ ਆਤਿਸ਼ੀ ਨੇ ਪੀਡਬਲਯੂਡੀ ਅਧਿਕਾਰੀਆਂ ਨਾਲ ਕਾਲਕਾਜੀ 'ਚ ਆਊਟਰ ਰਿੰਗ ਰੋਡ ਨੇੜੇ ਸੜਕ ਦੀ ਹਾਲਤ ਦਾ ਮੁਆਇਨਾ ਕੀਤਾ ਸੀ। ਇਸ ਦੌਰਾਨ ਉਨ੍ਹਾਂ ਨੇ ਐਨ.ਐਸ.ਆਈ.ਸੀ. ਕੰਪਲੈਕਸ ਨੇੜੇ ਸੜਕ 'ਤੇ ਟੋਏ ਵੇਖੇ ਅਤੇ ਅਧਿਕਾਰੀਆਂ ਨੂੰ ਹਦਾਇਤ ਕੀਤੀ ਕਿ ਦਿੱਲੀ ਦੀਆਂ ਅਜਿਹੀਆਂ ਸੜਕਾਂ ਦੀ ਦੀਵਾਲੀ ਤੋਂ ਪਹਿਲਾਂ-ਪਹਿਲਾਂ ਮੁਰੰਮਤ ਕਰਵਾਈ ਜਾਵੇ।
ਮਤਲਬ ਸਾਫ ਸੀ ਕਿ ਵਾਇਰਲ ਹੋ ਰਿਹਾ ਦਾਅਵਾ ਗੁੰਮਰਾਹਕੁਨ ਹੈ ਅਤੇ ਵਾਇਰਲ ਹੋ ਰਹੀ ਤਸਵੀਰ ਐਡੀਟੇਡ ਹੈ।
Conclusion
ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਹੀ ਤਸਵੀਰ ਐਡੀਟੇਡ ਹੈ। ਵਾਇਰਲ ਤਸਵੀਰ ਵਿਚ ਸੜਕ ਖਰਾਬ ਤਾਂ ਹੈ ਪਰ ਭਾਜਪਾ ਵੱਲੋਂ ਸਾਂਝੀ ਤਸਵੀਰ ਵਿਚ ਖੱਡਿਆਂ ਦੀ ਮਾਤਰਾ ਜਿਆਦਾ ਹੈ ਜਿਸਨੂੰ ਐਡਿਟ ਕਰਕੇ ਜੋੜਿਆ ਗਿਆ ਹੈ।
Result- Misleading
Original Image Shared On Getty Images
(For more news apart from This shared picture has been edited for purpose of targeting you - Fact Check report News in Punjabi, stay tuned to Rozana Spokesman)
