ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਵਾਇਰਲ ਪੋਸਟ ਫਰਜੀ ਪਾਇਆ ਹੈ। ਇਹ ਬੰਗਾਲ ਦਾ ਨਹੀਂ ਬਲਕਿ ਉੜੀਸਾ ਦਾ ਪੁਰਾਣਾ ਵੀਡੀਓ ਹੈ।
ਰੋਜ਼ਾਨਾ ਸਪੋਕਸਮੈਨ (ਫੈਕਟ ਚੈੱਕ ਟੀਮ): ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ ਜਿਸ ਵਿਚ ਕੁਝ ਲੋਕਾਂ ਦੇ ਸਮੂਹ ਨੂੰ ਕੁੱਟਮਾਰ ਕਰਦੇ ਅਤੇ ਇੱਕ ਗੱਡੀ ਨੂੰ ਤੋੜਦੇ ਵੇਖਿਆ ਜਾ ਸਕਦਾ ਹੈ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ TMC ਦੀ ਬੰਗਾਲ ਵਿਚ ਜਿੱਤ ਹੋਣ ਤੋਂ ਬਾਅਦ TMC ਵਰਕਰ ਭਾਜਪਾ ਵਰਕਰਾਂ ਨਾਲ ਕੁੱਟਮਾਰ ਕਰ ਰਹੇ ਹਨ ਅਤੇ ਇਲਾਕਿਆਂ ਵਿਚ ਹੁੜਦੰਗ ਮਚਾ ਰਹੇ ਹਨ।
ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਵਾਇਰਲ ਪੋਸਟ ਫਰਜੀ ਪਾਇਆ ਹੈ। ਇਹ ਬੰਗਾਲ ਦਾ ਨਹੀਂ ਬਲਕਿ ਉੜੀਸਾ ਦਾ ਪੁਰਾਣਾ ਵੀਡੀਓ ਹੈ।
ਵਾਇਰਲ ਪੋਸਟ
ਫੇਸਬੁੱਕ ਯੂਜ਼ਰ "Piklu Dev" ਨੇ ਵਾਇਰਲ ਵੀਡੀਓ ਸ਼ੇਅਰ ਕਰਦਿਆਂ ਲਿਖਿਆ, "Smashing car windows, beating up cops, chasing them with sticks - the ‘Idea of India’ some are celebrating. Not only BJP workers, Bengal is not safe for anyone now. #BengalElection2021 #Bengal #BengalViolence"
ਵਾਇਰਲ ਪੋਸਟ ਦਾ ਆਰਕਾਇਵਡ ਲਿੰਕ।
ਪੜਤਾਲ
ਵੀਡੀਓ ਦੀ ਪੜਤਾਲ ਸ਼ੁਰੂ ਕਰਦੇ ਹੋਏ ਅਸੀਂ ਸਬਤੋਂ ਪਹਿਲਾਂ ਵੀਡੀਓ ਨੂੰ Invid ਟੂਲ ਵਿਚ ਅਪਲੋਡ ਕੀਤਾ ਅਤੇ ਵੀਡੀਓ ਦੇ ਕੀਫ਼੍ਰੇਮਸ ਨੂੰ ਗੂਗਲ ਰਿਵਰਸ ਇਮੇਜ ਟੂਲ ਵਿਚ ਅਪਲੋਡ ਕਰ ਸਰਚ ਕੀਤਾ। ਸਾਨੂੰ ਇਸ ਮਾਮਲੇ ਨੂੰ ਲੈ ਕੇ ਨਿਊਜ਼ ਬੁਲੇਟਿਨ Kalinga TV ਦੇ ਅਧਿਕਾਰਿਕ Youtube ਚੈੱਨਲ 'ਤੇ ਅਪਲੋਡ ਮਿਲਿਆ। ਇਸ ਵੀਡੀਓ ਨੂੰ ਅਪਲੋਡ ਕਰਦੇ ਹੋਏ ਸਿਰਲੇਖ ਦਿੱਤਾ ਗਿਆ, "Locals Sets Police Van Ablaze After Youth Dies Allegedly Being Beaten Up By Cops || News Corridor"
ਇਸ ਬੁਲੇਟਿਨ ਵਿਚ ਵਾਇਰਲ ਵੀਡੀਓ ਦੇ ਦ੍ਰਿਸ਼ ਸਾਫ ਵੇਖੇ ਜਾ ਸਕਦੇ ਹਨ। ਇਸ ਬੁਲੇਟਿਨ ਅਨੁਸਾਰ ਮਾਮਲਾ ਉੜੀਸਾ ਦੇ ਭਦਰਕ ਜਿਲ੍ਹੇ ਵਿਚ ਵਾਪਰਿਆ। ਕਿਓਂਕਿ ਇਹ ਖਬਰ 13 ਜਨਵਰੀ 2021 ਦੀ ਹੈ, ਇਸਤੋਂ ਸਾਫ ਹੋਇਆ ਕਿ ਮਾਮਲੇ ਦਾ ਹਾਲੀਆ ਬੰਗਾਲ ਹਿੰਸਾ ਨਾਲ ਕੋਈ ਸਬੰਧ ਨਹੀਂ ਹੈ। ਇਹ ਵੀਡੀਓ ਬੁਲੇਟਿਨ ਹੇਠਾਂ ਕਲਿਕ ਕਰ ਵੇਖਿਆ ਜਾ ਸਕਦਾ ਹੈ।
ਇਸ ਮਾਮਲੇ ਨੂੰ ਲੈ ਕੇ ਸਾਨੂੰ The New Indian Express ਦੀ ਇੱਕ ਖਬਰ ਮਿਲੀ। ਖਬਰ ਨੂੰ ਅਪਲੋਡ ਕਰਦਿਆਂ ਸਿਰਲੇਖ ਲਿਖਿਆ ਗਿਆ, "Seeing men in uniform, youth runs into pond, dies"
ਖਬਰ ਅਨੁਸਾਰ ਮਾਮਲਾ ਉੜੀਸਾ ਦੇ ਭਦਰਕ ਜਿਲੇ ਅਧੀਨ ਪੈਂਦੇ ਤਿਹੜੀ ਬਲੋਕ ਦਾ ਜਿਥੇ ਪੁਲਿਸ ਦੇ ਡਰ ਤੋਂ ਇੱਕ ਨੌਜਵਾਨ ਨੇ ਤਲਾਬ ਅੰਦਰ ਛਾਲ ਮਾਰੀ ਅਤੇ ਉਸਦੀ ਮੌਤ ਹੋ ਗਈ। ਇਹ ਖਬਰ ਇੱਥੇ ਕਲਿਕ ਕਰ ਪੜ੍ਹੀ ਜਾ ਸਕਦੀ ਹੈ।
ਨਤੀਜਾ: ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਵਾਇਰਲ ਪੋਸਟ ਫਰਜੀ ਪਾਇਆ ਹੈ। ਇਹ ਬੰਗਾਲ ਦਾ ਨਹੀਂ ਬਲਕਿ ਉੜੀਸਾ ਦਾ ਪੁਰਾਣਾ ਵੀਡੀਓ ਹੈ।
Claim: ਬੰਗਾਲ ਹਿੰਸਾ ਦੇ ਨਾਂਅ ਤੋਂ ਵਾਇਰਲ ਹੋ ਰਿਹਾ ਉੜੀਸਾ ਦਾ ਪੁਰਾਣਾ ਵੀਡੀਓ
Claim By:ਫੇਸਬੁੱਕ ਯੂਜ਼ਰ "Piklu Dev"
Fact Check: ਫਰਜੀ
