ਵਾਇਰਲ ਹੋ ਰਿਹਾ ਵੀਡੀਓ ਹਾਲੀਆ ਨਹੀਂ ਬਲਕਿ 2023 ਦਾ ਹੈ ਜਦੋਂ SP ਆਗੂ ਰਾਕੇਸ਼ ਪ੍ਰਤਾਪ ਸਿੰਘ ਨੇ BJP ਆਗੂ ਦੀਪਕ ਸਿੰਘ ਨੂੰ ਥਾਣੇ ਪਰਿਸਰ 'ਚ ਕੁੱਟਿਆ ਸੀ।
Claim
ਅਗਾਮੀ ਲੋਕ ਸਭਾ ਚੋਣਾਂ 2024 ਨਾਲ ਜੋੜਦੇ ਹੋਏ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ ਜਿਸਦੇ ਵਿਚ ਇੱਕ ਪੁਲਿਸ ਥਾਣੇ ਦੇ ਪਰਿਸਰ ਅੰਦਰ ਇੱਕ ਵਿਅਕਤੀ ਦੂਜੇ ਵਿਅਕਤੀ ਨਾਲ ਕੁੱਟਮਾਰ ਕਰਦਾ ਨਜ਼ਰ ਆ ਰਿਹਾ ਹੈ। ਹੁਣ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਮਾਮਲਾ ਉੱਤਰ ਪ੍ਰਦੇਸ਼ ਦਾ ਹੈ ਜਿਥੇ ਅਮੇਠੀ ਤੋਂ ਭਾਜਪਾ ਆਗੂ ਨੂੰ ਕੁੱਟਿਆ ਗਿਆ। ਇਸ ਵੀਡੀਓ ਨੂੰ ਵਾਇਰਲ ਕਰਦਿਆਂ ਭਾਜਪਾ ਸਰਕਾਰ 'ਤੇ ਨਿਸ਼ਾਨੇ ਸਾਧੇ ਜਾ ਰਹੇ ਹਨ।
X ਅਕਾਊਂਟ Radhika Yadav ਨੇ ਵਾਇਰਲ ਵੀਡੀਓ ਸਾਂਝਾ ਕਰਦਿਆਂ ਲਿਖਿਆ, "अब पूरे भारत में यही दृश्य देखेंगे आप लोग अमेठी में भाजपा नेता को तमाचों का प्रसाद मिला #AbkiBar400Par की हालत देखिए। #कुटापा"
अब पूरे भारत में यही दृश्य देखेंगे आप लोग
— Radhika Yadav (@radhika_yadav07) April 6, 2024
अमेठी में भाजपा नेता को तमाचों का प्रसाद मिला#AbkiBar400Par की हालत देखिए।#कुटापा pic.twitter.com/vXxu1lgLBo
ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਿਹਾ ਵੀਡੀਓ ਹਾਲੀਆ ਨਹੀਂ ਬਲਕਿ 2023 ਦਾ ਹੈ ਜਦੋਂ ਸਮਾਜਵਾਦੀ ਪਾਰਟੀ ਦੇ ਆਗੂ ਰਾਕੇਸ਼ ਪ੍ਰਤਾਪ ਸਿੰਘ ਨੇ ਭਾਜਪਾ ਆਗੂ ਦੀਪਕ ਸਿੰਘ ਨੂੰ ਥਾਣੇ ਪਰਿਸਰ 'ਚ ਕੁੱਟਿਆ ਸੀ।
Investigation
ਪੜਤਾਲ ਦੀ ਸ਼ੁਰੂਆਤ ਕਰਦਿਆਂ ਅਸੀਂ ਸਭਤੋਂ ਪਹਿਲਾਂ ਇਸ ਵੀਡੀਓ ਨੂੰ ਧਿਆਨ ਨਾਲ ਵੇਖਿਆ ਅਤੇ ਵੀਡੀਓ ਦੇ ਕੀਫ਼੍ਰੇਮਸ ਕੱਢ ਉਨ੍ਹਾਂ ਨੂੰ ਰਿਵਰਸ ਇਮੇਜ ਸਰਚ ਕੀਤਾ।
ਵਾਇਰਲ ਵੀਡੀਓ ਪੁਰਾਣਾ ਹੈ
ਸਾਨੂੰ ਇਸ ਮਾਮਲੇ ਨੂੰ ਲੈ ਕੇ ਕਈ ਪੁਰਾਣੀ ਰਿਪੋਰਟਾਂ ਮਿਲੀਆਂ। ਦੱਸ ਦਈਏ ਮਾਮਲਾ ਉੱਤਰ ਪ੍ਰਦੇਸ਼ ਦੇ ਅਮੇਠੀ ਅਧੀਨ ਪੈਂਦੇ ਕੋਤਵਾਲੀ ਗੌਰੀਗੰਜ ਤੋਂ ਸਾਹਮਣੇ ਆਇਆ ਜਦੋਂ ਮਈ 2023 ਵਿਚ ਨਗਰ ਨਿਕਾਯ ਚੋਣਾਂ ਦੌਰਾਨ ਸਪਾ ਆਗੂ ਰਾਕੇਸ਼ ਪ੍ਰਤਾਪ ਸਿੰਘ ਦੀ ਭਾਜਪਾ ਕੈਂਡੀਡੇਟ ਨਾਲ ਬਹਿਸਬਾਜ਼ੀ ਹੋ ਗਈ ਸੀ ਅਤੇ ਕੈਂਡੀਡੇਟ ਦਾ ਪਤੀ ਜਦੋਂ ਮਾਮਲੇ ਦੀ ਸ਼ਿਕਾਇਤ ਦਰਜ ਕਰਵਾਉਣ ਥਾਣੇ ਪੁੱਜਾ ਤਾਂ ਓਥੇ ਹੀ ਸਪਾ ਆਗੂ ਵੱਲੋਂ ਕੈਂਡੀਡੇਟ ਦੇ ਪਤੀ ਅਤੇ ਭਾਜਪਾ ਆਗੂ ਦੀਪਕ ਸਿੰਘ ਨਾਲ ਕੁੱਟਮਾਰ ਕੀਤੀ ਗਈ।
ਇਸ ਮਾਮਲੇ ਨੂੰ ਲੈ ਕੇ Jansatta ਦੀ ਰਿਪੋਰਟ ਇਥੇ ਕਲਿਕ ਕਰ ਪੜ੍ਹੀ ਜਾ ਸਕਦੀ ਹੈ।
ਸਾਨੂੰ ਇਸ ਮਾਮਲੇ ਨੂੰ ਲੈ ਕੇ ABP ਦੀ ਅਪਡੇਟ ਖਬਰ ਵੀ ਮਿਲੀ ਜਿਸਦੇ ਵਿਚ ਦੱਸਿਆ ਗਿਆ ਕਿ ਸਪਾ ਆਗੂ ਸਣੇ 12 ਲੋਕਾਂ 'ਤੇ ਕੇਸ ਦਰਜ ਕੀਤਾ ਗਿਆ ਸੀ।
ਦੱਸ ਦਈਏ ਕਿ ਅਸੀਂ ਆਪਣੀ ਸਰਚ ਦੌਰਾਨ ਪਾਇਆ ਕਿ ਸਮਾਜਵਾਦੀ ਪਾਰਟੀ ਦੇ ਨੇਤਾ ਰਾਕੇਸ਼ ਪ੍ਰਤਾਪ ਸਿੰਘ ਨੇ ਹਾਲੀਆ 10 ਸੀਟਾਂ 'ਤੇ ਹੋਏ ਯੂਪੀ ਵਿਖੇ ਰਾਜ ਸਭਾ ਚੋਣਾਂ ਦੌਰਾਨ ਸਪਾ ਤੋਂ ਬਾਗੀ ਹੋ ਭਾਜਪਾ ਨੂੰ ਕ੍ਰੋਸ ਵੋਟਿੰਗ ਕਰ ਆਪਣਾ ਸਮਰਥਨ ਦੇ ਦਿੱਤਾ ਦੀ।
ਇਸ ਮਾਮਲੇ ਨੂੰ ਲੈ ਕੇ ਆਜਤਕ ਦੀ ਖਬਰ ਇਥੇ ਕਲਿਕ ਕਰ ਪੜ੍ਹੀ ਜਾ ਸਕਦੀ ਹੈ।
Conclusion
ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਿਹਾ ਵੀਡੀਓ ਹਾਲੀਆ ਨਹੀਂ ਬਲਕਿ 2023 ਦਾ ਹੈ ਜਦੋਂ ਸਮਾਜਵਾਦੀ ਪਾਰਟੀ ਦੇ ਆਗੂ ਰਾਕੇਸ਼ ਪ੍ਰਤਾਪ ਸਿੰਘ ਨੇ ਭਾਜਪਾ ਆਗੂ ਦੀਪਕ ਸਿੰਘ ਨੂੰ ਥਾਣੇ ਪਰਿਸਰ 'ਚ ਕੁੱਟਿਆ ਸੀ।
Result: Misleading
Our Sources
Jansatta Report Published On 10 May 2023
ABP Youtube Report Published On 10 May 2023
AAJTak Report Published On 27 Feb 2024
ਕਿਸੇ ਖਬਰ 'ਤੇ ਸ਼ੱਕ? ਸਾਨੂੰ ਭੇਜੋ ਅਸੀਂ ਕਰਾਂਗੇ ਉਸਦਾ Fact Check... ਸਾਨੂੰ Whatsapp ਕਰੋ "9560527702" 'ਤੇ ਜਾਂ ਸਾਨੂੰ E-mail ਕਰੋ "factcheck@rozanaspokesman.com" 'ਤੇ
