ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਪੀਐੱਮ ਮੋਦੀ ਦੀ ਸਾਈਕਲ 'ਤੇ ਖਿਚਵਾਈ ਤਸਵੀਰ ਨੂੰ ਐਡਿਟ ਕਰ ਕੇ ਪਾਮੇਲਾ ਗੋਸਵਾਮੀ ਦੀ ਤਸਵੀਰ ਨਾਲ ਜੋੜਿਆ ਗਿਆ ਹੈ।
ਰੋਜ਼ਾਨਾ ਸਪੋਕਸਮੈਨ (ਮੋਹਾਲੀ ਟੀਮ) - 20 ਫਰਵਰੀ 2021 ਨੂੰ ਪੱਛਮ ਬੰਗਾਲ ਦੇ ਭਾਜਪਾ ਯੁਵਾ ਮੋਰਚੇ ਦੀ ਨੇਤਾ ਪਾਮੇਲਾ ਗੋਸਵਾਮੀ ਨੂੰ ਦੱਖਮ ਕੋਲਕਾਤਾ ਦੇ ਨਿਊ ਅਲੀਪੁਰ ਤੋਂ 100 ਗ੍ਰਾਮ ਕੋਕੀਨ ਨਾਲ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਇਸ ਮਾਮਲੇ ਦੇ ਚਲਦੇ ਹੁਣ ਪਾਮੇਲਾ ਗੋਸਵਾਮੀ ਦੀ ਪੀਐੱਮ ਮੋਦੀ ਨਾਲ ਸਾਈਕਲ ਚਲਾਉਂਦਿਆਂ ਦੀ ਤਸਵੀਰ ਵਾਇਰਲ ਹੋ ਰਹੀ ਹੈ।
ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਪੀਐੱਮ ਮੋਦੀ ਦੀ 2017 ਵਿਚ ਸਾਈਕਲ 'ਤੇ ਖਿਚਵਾਈ ਤਸਵੀਰ ਨੂੰ ਐਡਿਟ ਕਰ ਕੇ ਪਾਮੇਲਾ ਗੋਸਵਾਮੀ ਦੀ ਸਾਈਕਲ ਚਲਾਉਂਦਿਆਂ ਦੀ ਤਸਵੀਰ ਨਾਲ ਜੋੜਿਆ ਗਿਆ ਹੈ।
ਵਾਇਰਲ ਪੋਸਟ
ਫੇਸਬੁੱਕ ਯੂਜ਼ਰ Iqbal Rana ਨੇ 23 ਫਰਵਰੀ ਨੂੰ ਵਾਇਰਲ ਤਸਵੀਰ ਨੂੰ ਸ਼ੇਅਰ ਕੀਤੀ ਅਤੇ ਕੈਪਸ਼ਨ ਲਿਖਿਆ, ''फोटो जीवी कोकीन जीवी के साथ''
ਵਾਇਰਲ ਪੋਸਟ ਦਾ ਅਰਕਾਇਵਰਡ ਲਿੰਕ
ਪੜਤਾਲ
ਸਪੋਕਸਮੈਨ ਨੇ ਆਪਣੀ ਪੜਤਾਲ ਸ਼ੁਰੂ ਕਰਦੇ ਹੋਏ ਸਭ ਤੋਂ ਪਹਿਲਾਂ ਵਾਇਰਲ ਤਸਵੀਰ ਨੂੰ ਗੂਗਲ ਰਿਵਰਸ ਇਮੇਜ ਕੀਤਾ। ਸਰਚ ਦੌਰਾਨ ਸਾਨੂੰ ਪੀਐੱਮ ਮੋਦੀ ਦੀ ਤਸਵੀਰ indianexpress ਦੀ ਰਿਪੋਰਟ ਵਿਚ ਪ੍ਰਕਾਸ਼ਿਤ ਮਿਲੀ। ਇਹ ਰਿਪਰੋਟ 28 ਜੂਨ 2017 ਵਿਚ ਪਬਲਿਸ਼ ਕੀਤੀ ਗਈ ਸੀ। ਰਿਪੋਰਟ ਵਿਚ ਪ੍ਰਕਾਸ਼ਿਤ ਕੀਤੀ ਤਸਵੀਰ ਨੂੰ ਕੈਪਸ਼ਨ ਦਿੱਤਾ ਗਿਆ ਸੀ,''Narendra Modi thanked Netherlands PM for gifting a brand new bicycle and posed for pictures flaunting the cycle''
ਰਿਪੋਰਟ ਅਨੁਸਾਰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ 2017 ਵਿਚ ਨੀਦਰਲੈਂਡ ਦੇ ਪ੍ਰਧਾਨ ਮੰਤਰੀ ਮਾਰਕ ਰੁਟੇ ਨਾਲ ਮੁਲਾਕਾਤ ਕੀਤੀ ਸੀ। ਇਸ ਮੁਲਾਕਾਤ ਤੋਂ ਬਾਅਦ ਪੀਐੱਮ ਮੋਦੀ ਨੂੰ ਨੀਦਰਲੈਂਡ ਦੇ ਪ੍ਰਧਾਨ ਮੰਤਰੀ ਨੇ ਤੋਹਫ਼ੇ ਵਜੋਂ ਸਾਈਕਲ ਦਿੱਤੀ ਸੀ।
ਇਸ ਦੇ ਨਾਲ ਹੀ ਪੀਐੱਮ ਮੋਦੀ ਨੇ ਸਾਈਕਲ 'ਤੇ ਨੀਦਰਲੈਂਡ ਦੇ ਪ੍ਰਧਾਨ ਮੰਤਰੀ ਦੀ ਤਸਵੀਰ ਨੂੰ ਆਪਣੇ ਟਵਿੱਟਰ ਅਕਾਊਂਟ 'ਤੇ ਵੀ ਸ਼ੇਅਰ ਕੀਤਾ ਸੀ। ਤਸਵੀਰਾਂ ਸ਼ੇਅਰ ਕਰ ਪੀਐੱਮ ਮੋਦੀ ਨੇ ਤੋਹਫ਼ੇ ਲਈ ਧੰਨਵਾਦ ਕੀਤਾ ਸੀ ਅਤੇ ਕੈਪਸ਼ਨ ਲਿਖਿਆ, ''Thank you @MinPres @markrutte for the bicycle.''
Thank you @MinPres @markrutte for the bicycle. pic.twitter.com/tTVPfGNC9k
— Narendra Modi (@narendramodi) June 28, 2017
ਅੱਗੇ ਵਧਦੇ ਹੋਏ ਅਸੀਂ ਪਾਮੇਲਾ ਗੋਸਵਾਮੀ ਦੀ ਵਾਇਰਲ ਤਸਵੀਰ ਨੂੰ ਲੈ ਕੇ ਕੀਵਰਡ ਸਰਚ ਕੀਤੇ। ਸਰਚ ਦੌਰਾਨ ਸਾਨੂੰ ਪਾਮੇਲਾ ਗੋਸਵਾਮੀ ਦੀ ਤਸਵੀਰ ਉਹਨਾਂ ਦੇ ਫੇਸਬੁੱਕ ਪੇਜ਼ 'ਤੇ ਅਪਲੋਡ ਕੀਤੀ ਮਿਲੀ। ਇਹ ਤਸਵੀਰ 1 ਦਸੰਬਰ 2020 ਨੂੰ ਅਪਲੋਡ ਕੀਤੀ ਗਈ ਸੀ। ਤਸਵੀਰ ਅਪਲੋਡ ਕਰਦਿਆਂ ਉਹਨਾਂ ਨੇ ਭਾਜਪਾ ਵਰਕਰ ਅਨੁਪਮ ਮਲਿਕ ਨੂੰ ਵੀ ਟੈਗ ਕੀਤਾ ਸੀ। ਤਸਵੀਰ ਵਿਚ ਸਾਫ਼ ਦਿਖਿਆ ਜਾ ਸਕਦਾ ਹੈ ਕਿ ਪਾਮੇਲਾ ਗੋਸਵਾਮੀ ਦੇ ਨਾਲ ਕਿਧਰੇ ਵੀ ਪੀਐੱਮ ਮੋਦੀ ਨਜ਼ਰ ਨਹੀਂ ਆ ਰਹੇ ਹਨ। ਮਤਲਬ ਸਾਫ਼ ਸੀ ਕਿ ਪੀਐੱਮ ਮੋਦੀ ਦੀ ਤਸਵੀਰ ਐਡਿਟ ਕਰ ਕੇ ਲਗਾਈ ਗਈ ਹੈ।
ਤਸਵੀਰਾਂ ਦੀ ਤੁਲਨਾ ਕਰਨ 'ਤੇ ਸਾਫ਼ ਪਤਾ ਚੱਲ ਰਿਹਾ ਹੈ ਕਿ ਤਸਵੀਰ ਨੂੰ ਐਡਿਟ ਕੀਤਾ ਗਿਆ ਹੈ। ਤਸਵੀਰਾਂ ਦਾ ਕੋਲਾਜ ਤੁਸੀਂ ਹੇਠਾਂ ਦੇਖ ਸਕਦੇ ਹੋ।
ਨਤੀਜਾ - ਸਪੋਕਸਮੈਨ ਨੇ ਪੜਤਾਲ ਵਿਚ ਵਾਇਰਲ ਤਸਵੀਰ ਨੂੰ ਐਡਿਟਡ ਪਾਇਆ ਹੈ। ਪੀਐੱਮ ਮੋਦੀ ਦੀ 2017 ਵਿਚ ਸਾਈਕਲ 'ਤੇ ਖਿਚਵਾਈ ਤਸਵੀਰ ਨੂੰ ਪਾਮੇਲਾ ਗੋਸਵਾਮੀ ਦੀ ਸਾਈਕਲ ਚਲਾਉਂਦਿਆਂ ਦੀ ਤਸਵੀਰ ਨਾਲ ਜੋੜਿਆ ਗਿਆ ਹੈ।
Claim: ਪਾਮੇਲਾ ਗੋਸਵਾਮੀ ਦੀ ਪੀਐੱਮ ਮੋਦੀ ਨਾਲ ਸਾਈਕਲ ਚਲਾਉਂਦਿਆਂ ਦੀ ਇਕੱਠਿਆਂ ਦੀ ਤਸਵੀਰ ਵਾਇਰਲ ਹੋ ਰਹੀ ਹੈ।
Claimed By: ਫੇਸਬੁੱਕ ਯੂਜ਼ਰ Iqbal Rana
Fact Check: ਫਰਜ਼ੀ
