ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਵਾਇਰਲ ਪੋਸਟ ਗੁੰਮਰਾਹਕੁਨ ਪਾਇਆ ਹੈ। ਤਸਵੀਰ ਵਿਚ ਸੋਨੀਆ ਅਤੇ ਰਾਹੁਲ ਗਾਂਧੀ ਨਾਲ ਨਵਨੀਤ ਕਾਲੜਾ ਨਹੀਂ ਹੈ।
ਰੋਜ਼ਾਨਾ ਸਪੋਕਸਮੈਨ (ਮੋਹਾਲੀ ਟੀਮ) - ਦਿੱਲੀ ਵਿਚ ਪਿਛਲੇ ਦਿਨੀਂ ਮਸ਼ਹੂਰ ਰੈਸਟੋਰੈਂਟ ਖਾਨ ਚਾਚਾ ਵਿਚ ਕਈ ਆਕਸੀਜਨ ਸਿਲੰਡਰ ਫੜ੍ਹੇ ਗਏ ਅਤੇ ਇਸ ਦੇ ਪਿੱਛੇ ਮਸ਼ਹੂਰ ਵਪਾਰੀ ਨਵਨੀਤ ਕਾਲੜਾ ਦਾ ਨਾਂਅ ਸਾਹਮਣੇ ਆਇਆ। ਹੁਣ ਸੋਸ਼ਲ ਮੀਡੀਆ 'ਤੇ ਇੱਕ ਤਸਵੀਰਾਂ ਦਾ ਕੋਲਾਜ ਵਾਇਰਲ ਹੋ ਰਿਹਾ ਹੈ। ਤਸਵੀਰਾਂ ਵਿਚ ਰਾਹੁਲ ਗਾਂਧੀ ਅਤੇ ਸੋਨੀਆ ਗਾਂਧੀ ਨਾਲ ਇੱਕ ਵਿਅਕਤੀ ਨੂੰ ਵੇਖਿਆ ਜਾ ਸਕਦਾ ਹੈ। ਦਾਅਵਾ ਕੀਤਾ ਜਾ ਰਿਹਾ ਹੈ ਇਨ੍ਹਾਂ ਤਸਵੀਰਾਂ ਵਿਚ ਰਾਹੁਲ ਅਤੇ ਸੋਨੀਆ ਨਾਲ ਨਵਨੀਤ ਕਾਲੜਾ ਹੈ।
ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਵਾਇਰਲ ਪੋਸਟ ਗੁੰਮਰਾਹਕੁਨ ਪਾਇਆ ਹੈ। ਤਸਵੀਰ ਵਿਚ ਸੋਨੀਆ ਅਤੇ ਰਾਹੁਲ ਗਾਂਧੀ ਨਾਲ ਨਵਨੀਤ ਕਾਲੜਾ ਨਹੀਂ ਹੈ।
ਵਾਇਰਲ ਪੋਸਟ
ਟਵਿੱਟਰ ਅਕਾਊਂਟ "हम लोग We The People" ਨੇ ਇੱਕ ਕੋਲਾਜ ਟਵੀਟ ਕਰਦਿਆਂ ਲਿਖਿਆ, "आक्सीजन की कमी का षड्यंत्र कितना गहरा और कितने ऊंचे स्तर पर रचा जा रहा है ये सोचकर ही आपके दिमाग की बत्ती हिल जाएगी। दोनो फोटो में दिख रहा खान मार्किट के इसी नवनीत कालरा की 3 रेस्टोरेंट से 524 ऑक्सिजन कन्संट्रेटर बरामद हुआ है।"
ਵਾਇਰਲ ਟਵੀਟ ਦਾ ਆਰਕਾਇਵਡ ਲਿੰਕ।
ਪੜਤਾਲ
ਪੜਤਾਲ ਦੀ ਸ਼ੁਰੂਆਤ ਕਰਦੇ ਹੋਏ ਅਸੀਂ ਤਸਵੀਰ ਨੂੰ ਗੂਗਲ ਰਿਵਰਸ ਇਮੇਜ ਕੀਤਾ ਅਤੇ ਕੀਵਰਡ ਸਰਚ ਜਰੀਏ ਮਾਮਲੇ ਨੂੰ ਲੈ ਕੇ ਸਰਚ ਕਰਨਾ ਸ਼ੁਰੂ ਕੀਤਾ।
ਸਾਨੂੰ ਆਪਣੀ ਸਰਚ ਦੌਰਾਨ ਪਤਾ ਚਲਿਆ ਕਿ ਨਵਨੀਤ ਕਾਲੜਾ ਨੇ ਇਹ ਤਸਵੀਰ ਆਪਣੇ ਫੇਸਬੁੱਕ ਪੇਜ ਤੋਂ 28 ਜਨਵਰੀ 2019 ਨੂੰ ਸ਼ੇਅਰ ਕੀਤੀ ਸੀ। ਨਵਨੀਤ ਨੇ ਇਹ ਤਸਵੀਰ ਸ਼ੇਅਰ ਕਰਦਿਆਂ ਲਿਖਿਆ, "Town Hall it is......JAI MATA DI."
ਨਵਨੀਤ ਕਾਲੜਾ ਨੇ ਤਸਵੀਰ ਨੂੰ ਸ਼ੇਅਰ ਕਰਦੇ ਹੋਏ Augusto Cabrera ਨਾਂਅ ਦੇ ਵਿਅਕਤੀ ਨੂੰ ਟੈਗ ਕੀਤਾ ਹੋਇਆ ਸੀ। ਜੇ ਵਾਇਰਲ ਤਸਵੀਰ ਨੂੰ ਧਿਆਨ ਨਾਲ ਵੇਖਿਆ ਜਾਵੇ ਤਾਂ ਤਸਵੀਰ ਵਿਚ ਦਿਖ ਰਹੇ ਵਿਅਕਤੀਦੇ ਕੱਪੜੇ 'ਤੇ Augusto ਲਿਖਿਆ ਵੇਖਿਆ ਜਾ ਸਕਦਾ ਹੈ।
ਨਵਨੀਤ ਕਾਲੜਾ ਦੀਆਂ ਤਸਵੀਰਾਂ ਨੂੰ ਜੇਕਰ ਦੇਖਿਆ ਜਾਵੇ ਤਾਂ ਸਾਫ਼ ਪਤਾ ਚਲ ਜਾਂਦਾ ਹੈ ਕਿ ਰਾਹੁਲ ਅਤੇ ਸੋਨੀਆ ਨਾਲ ਉਹ ਨਹੀਂ ਹੈ ਅਤੇ ਜੇ Augusto ਦੀ ਤਸਵੀਰਾਂ ਨੂੰ ਵੇਖਿਆ ਜਾਵੇ ਤਾਂ ਸਾਫ ਪਤਾ ਚਲ ਜਾਂਦਾ ਹੈ ਕਿ ਰਾਹੁਲ ਅਤੇ ਸੋਨੀਆ ਨਾਲ Augusto ਹੀ ਹੈ। Augusto ਅਤੇ ਨਵਨੀਤ ਕਾਲੜਾ ਦੇ ਕੋਲਾਜ ਨੂੰ ਹੇਠਾਂ ਵੇਖਿਆ ਜਾ ਸਕਦਾ ਹੈ।
ਨਤੀਜਾ - ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਵਾਇਰਲ ਪੋਸਟ ਗੁੰਮਰਾਹਕੁਨ ਪਾਇਆ ਹੈ। ਤਸਵੀਰ ਵਿਚ ਸੋਨੀਆ ਅਤੇ ਰਾਹੁਲ ਗਾਂਧੀ ਨਾਲ ਨਵਨੀਤ ਕਾਲੜਾ ਨਹੀਂ ਹੈ।
Claim: ਦਾਅਵਾ ਕੀਤਾ ਜਾ ਰਿਹਾ ਹੈ ਇਨ੍ਹਾਂ ਤਸਵੀਰਾਂ ਵਿਚ ਰਾਹੁਲ ਅਤੇ ਸੋਨੀਆ ਨਾਲ ਨਵਨੀਤ ਕਾਲੜਾ ਹੈ।
Claimed BY: ਟਵਿੱਟਰ ਅਕਾਊਂਟ "हम लोग We The People"
Fact Check: ਗੁੰਮਰਾਹਕੁਨ
