ਵਾਇਰਲ ਹੋ ਰਹੇ ਵੀਡੀਓ ਦਿੱਲੀ ਦੇ ਨਹੀਂ ਬਲਕਿ ਪੰਜਾਬ ਦੇ ਹਨ। ਇਹ ਵੀਡੀਓ ਪਟਿਆਲਾ ਦੇ ਦੁਖਨਿਵਾਰਨ ਸਾਹਿਬ ਪਰਿਸਰ ਵਿਖੇ ਹੋਈ ਆਪਸੀ ਰੰਜਿਸ਼ ਨਾਲ ਸਬੰਧਿਤ ਹਨ।
Claim
ਸੋਸ਼ਲ ਮੀਡੀਆ 'ਤੇ 2 ਵੀਡੀਓਜ਼ ਤੇਜ਼ੀ ਨਾਲ ਵਾਇਰਲ ਹੋ ਰਹੇ ਹਨ। ਇਨ੍ਹਾਂ ਦੋਵੇਂ ਵੀਡੀਓਜ਼ ਨੂੰ ਵਾਇਰਲ ਕਰ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਦਿੱਲੀ ਦੇ ਸੀਸ ਗੰਜ ਗੁਰੂ ਘਰ ਵਿਖੇ ਅੱਤਵਾਦੀ ਹਮਲਾ ਹੋਇਆ ਹੈ। ਇਸ ਵੀਡੀਓ ਵਿਚ ਝਗੜਾ ਹੁੰਦਾ ਵੇਖਿਆ ਜਾ ਸਕਦਾ ਹੈ ਤੇ ਇਸ ਪੋਸਟ ਵਿਚ ਮਾਮਲੇ ਨੂੰ ਫਿਰਕੂ ਰੰਗਤ ਦਿੱਤੀ ਜਾ ਰਹੀ ਹੈ।
X ਯੂਜ਼ਰ "ਐੱਸ ਸੁਰਿੰਦਰ" ਨੇ ਵਾਇਰਲ ਵੀਡੀਓਜ਼ ਸਾਂਝਾ ਕਰਦਿਆਂ ਲਿਖਿਆ, "Terror attack outside Gurdwara Seesganj Sahib, New Delhi. Allegedly one "H" extremist ran over his SUV over numerous Sikh men, women & children. Video: Paspangry"
Terror attack outside Gurdwara Seesganj Sahib, New Delhi.
— ਐੱਸ ਸੁਰਿੰਦਰ (@KhalsaVision) July 11, 2024
Allegedly one "H" extremist ran over his SUV over numerous Sikh men, women & children.
Video: Paspangry pic.twitter.com/1dqcPRd2tK
ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਵਾਇਰਲ ਦਾਅਵੇ ਨੂੰ ਫਰਜ਼ੀ ਪਾਇਆ ਹੈ। ਵਾਇਰਲ ਹੋ ਰਹੇ ਵੀਡੀਓ ਦਿੱਲੀ ਦੇ ਨਹੀਂ ਬਲਕਿ ਪੰਜਾਬ ਦੇ ਹਨ। ਇਹ ਵੀਡੀਓ ਪਟਿਆਲਾ ਦੇ ਦੁਖਨਿਵਾਰਨ ਸਾਹਿਬ ਪਰਿਸਰ ਵਿਖੇ ਹੋਈ ਆਪਸੀ ਰੰਜਿਸ਼ ਨਾਲ ਸਬੰਧਿਤ ਹਨ।
Investigation
ਪੜਤਾਲ ਦੀ ਸ਼ੁਰੂਆਤ ਕਰਦਿਆਂ ਅਸੀਂ ਸਭਤੋਂ ਪਹਿਲਾਂ ਇਨ੍ਹਾਂ ਵੀਡੀਓਜ਼ ਨੂੰ ਧਿਆਨ ਨਾਲ ਵੇਖਿਆ ਅਤੇ ਮਾਮਲੇ ਨੂੰ ਲੈ ਕੇ ਕੀਵਰਡ ਸਰਚ ਕੀਤਾ।
"ਵਾਇਰਲ ਹੋ ਰਹੇ ਵੀਡੀਓਜ਼ ਪਟਿਆਲਾ ਦਾ ਪੁਰਾਣਾ ਮਾਮਲਾ ਹੈ"
ਸਾਨੂੰ ਇਸ ਮਾਮਲੇ ਨੂੰ ਲੈ ਕੇ ਮੀਡੀਆ ਅਦਾਰੇ ਰੋਜ਼ਾਨਾ ਸਪੋਕਸਮੈਨ ਦੀਆਂ ਖਬਰਾਂ ਮਿਲੀਆਂ। ਇਨ੍ਹਾਂ ਖਬਰਾਂ ਵਿਚ ਵਾਇਰਲ ਦ੍ਰਿਸ਼ ਅਤੇ ਮੌਕੇ 'ਤੇ ਮੌਜੂਦ ਪੱਤਰਕਾਰ ਦੀ ਲੋਕਾਂ ਨਾਲ ਗੱਲਬਾਤ ਨੂੰ ਵੇਖਿਆ ਜਾ ਸਕਦਾ ਸੀ।
9 ਅਪ੍ਰੈਲ 2024 ਨੂੰ ਮਾਮਲੇ ਨੂੰ ਲੈ ਕੇ ਰੋਜ਼ਾਨਾ ਸਪੋਕਸਮੈਨ ਨੇ Live ਕਰਦਿਆਂ ਲਿਖਿਆ, "ਗੁਰਦੁਆਰੇ ਬਾਹਰ ਖੂ+ਨ ਖਰਾਬਾ, ਚੱਲੀਆਂ ਕਿਰਪਾਨਾਂ ਤੇ ਗੰਡਾਸੇ, ਲੱਥੀਆਂ ਦਸਤਾਰਾਂ, ਦੇਖੋ ਪਟਿਆਲਾ ਤੋਂ LIVE ਤਸਵੀਰਾਂ"
ਇਸ ਖਬਰ ਵਿਚ ਮੌਕੇ 'ਤੇ ਮੌਜੂਦ ਹੰਗਾਮੇ ਨੂੰ ਵੇਖਿਆ ਜਾ ਸਕਦਾ ਸੀ। ਦੱਸ ਦਈਏ ਇਸ ਖਬਰ ਵਿਚ ਵਾਇਰਲ ਵੀਡੀਓਜ਼ ਵਰਗੇ ਦ੍ਰਿਸ਼ ਦੇਖੇ ਜਾ ਸਕਦੇ ਸਨ ਅਤੇ ਇਸ ਖਬਰ ਵਿਚ ਸਾਫ ਵੇਖਿਆ ਜਾ ਸਕਦਾ ਹੈ ਕਿ ਪੁਲਿਸ ਆਰੋਪੀ ਨੂੰ ਗ੍ਰਿਫਤਾਰ ਕਰਕੇ ਲੈ ਕੇ ਜਾ ਰਹੀ ਹੈ।
ਇਸੇ ਦੇ ਨਾਲ ਸਾਨੂੰ 9 ਅਪ੍ਰੈਲ 2024 ਦੀ ਹੀ ਰੋਜ਼ਾਨਾ ਸਪੋਕਸਮੈਨ ਦੀ ਖਬਰ ਮਿਲੀ ਜਿਸਦੇ ਵਿਚ ਸਪੋਕਸਮੈਨ ਦੇ ਪੱਤਰਕਾਰ ਤਰਨ ਠੁਕਰਾਲ ਨੰ ਮੌਕੇ 'ਤੇ ਮੌਜੂਦ ਲੋਕਾਂ ਨਾਲ ਗੱਲਬਾਤ ਕਰਦੇ ਵੇਖਿਆ ਜਾ ਸਕਦਾ ਸੀ।
ਇਸ ਜਾਣਕਾਰੀ ਨੂੰ ਧਿਆਨ 'ਚ ਰੱਖਦਿਆਂ ਅਸੀਂ ਮਾਮਲੇ ਨੂੰ ਲੈ ਕੇ ਰੋਜ਼ਾਨਾ ਸਪੋਕਸਮੈਨ ਦੇ ਪਟਿਆਲਾ ਤੋਂ ਇੰਚਾਰਜ ਪੱਤਰਕਾਰ ਤਰਨ ਠੁਕਰਾਲ ਨਾਲ ਗੱਲ ਕੀਤੀ। ਤਰਨ ਨੇ ਸਾਡੇ ਨਾਲ ਗੱਲ ਕਰਦਿਆਂ ਪੂਰੀ ਜਾਣਕਾਰੀ ਸਾਂਝੀ ਕੀਤੀ ਅਤੇ ਕਿਹਾ, "ਇਹ ਮਾਮਲਾ ਦਿੱਲੀ ਦਾ ਨਹੀਂ ਬਲਕਿ ਪਟਿਆਲਾ ਦੇ ਦੁੱਖ ਨਿਵਾਰਨ ਸਾਹਿਬ ਗੁਰੂ ਘਰ ਪਰਿਸਰ 'ਚ ਹੋਏ ਹੰਗਾਮੇ ਦਾ ਹੈ। ਇਹ ਮਾਮਲੇ ਅਪ੍ਰੈਲ ਵਿਖੇ ਸਾਹਮਣੇ ਆਇਆ ਸੀ ਜਦੋਂ 2 ਦੁਕਾਨਦਾਰ ਆਪਸ 'ਚ ਭੀੜ ਗਏ ਸਨ ਅਤੇ ਇਸੇ ਲੜਾਈ ਦੌਰਾਨ ਇੱਕ ਵਿਅਕਤੀ ਨੇ ਭੱਜਣ ਮੌਕੇ ਲੋਕਾਂ 'ਤੇ ਗੱਡੀ ਚੜ੍ਹਾ ਦਿੱਤੀ ਸੀ। ਮੈਂ ਮੌਕੇ ਪਹੁੰਚ ਕੇ ਲੋਕਾਂ ਨਾਲ ਗੱਲਬਾਤ ਵੀ ਕੀਤੀ ਸੀ। ਇਸ ਮਾਮਲੇ ਵਿਚ ਦੋਵੇਂ ਧਿਰਾਂ ਸਿੱਖ ਹਨ ਅਤੇ ਕੋਈ ਵੀ ਹਿੰਦੂ-ਸਿੱਖ ਐਂਗਲ ਇਸ ਮਾਮਲੇ ਵਿਚ ਨਹੀਂ ਹੈ। ਪੁਲਿਸ ਨੇ ਮੌਕੇ 'ਤੇ ਪਹੁੰਚ ਕੇ ਆਰੋਪੀ ਅਜੀਤਪਾਲ ਸਿੰਘ ਨੂੰ ਗ੍ਰਿਫਤਾਰ ਕਰਲਿਆ ਸੀ ਅਤੇ ਧਾਰਾ 307 ਦੇ ਤਹਿਤ ਮੁਕਦਮਾ ਦਰਜ ਕਰਵਾਇਆ ਸੀ।"
ਦੱਸ ਦਈਏ ਟਾਇਮਸ ਆਫ ਇੰਡੀਆ ਦੀ ਖਬਰ ਮੁਤਾਬਕ ਦੁੱਖ ਨਿਵਾਰਨ ਸਾਹਿਬ ਗੁਰੂ ਘਰ ਦੇ ਮੈਨੇਜਰ ਕਰਨੈਲ ਸਿੰਘ ਨੇ ਬਿਆਨ ਦਿੰਦਿਆਂ ਕਿਹਾ ਸੀ ਕਿ ਦੋਵੇਂ ਦੁਕਾਨਦਾਰ ਸਿੱਖ ਹੀ ਸਨ।
Times Of India
ਹੁਣ ਅਸੀਂ ਅੰਤਿਮ ਚਰਨ ਵਿਚ ਇਹ ਸਰਚ ਕਰਨਾ ਸ਼ੁਰੂ ਕੀਤਾ ਕਿ ਕੀ ਦਿੱਲੀ ਦੇ ਸੀਸ ਗੰਜ ਗੁਰੂ ਘਰ ਵਿਖੇ ਕੋਈ ਹਾਲੀਆ ਹਮਲਾ ਹੋਇਆ ਹੈ ਜਾਂ ਨਹੀਂ। ਦੱਸ ਦਈਏ ਸਾਨੂੰ ਵਾਇਰਲ ਦਾਅਵੇ ਵਰਗੀ ਕੋਈ ਹਾਲੀਆ ਖਬਰ ਨਹੀਂ ਮਿਲੀ ਪਰ ਸਾਨੂੰ ਦਿੱਲੀ ਪੁਲਿਸ ਦਾ ਸਪਸ਼ਟੀਕਰਨ ਟਵੀਟ ਮਿਲਿਆ ਜਿਸਦੇ ਵਿਚ ਉਨ੍ਹਾਂ ਨੇ ਵਾਇਰਲ ਦਾਅਵੇ ਨੂੰ ਫਰਜ਼ੀ ਦੱਸਿਆ ਹੈ। ਇਸ ਟਵੀਟ ਨੂੰ ਹੇਠਾਂ ਕਲਿਕ ਕਰ ਵੇਖਿਆ ਜਾ ਸਕਦਾ ਹੈ।
कुछ सोशल मीडिया हैंडल्स पर गुरुद्वारा शीशगंज साहिब में आतंकवादी हमला बताते हुए कुछ विडियोज प्रसारित की जा रही है।
— Delhi Police (@DelhiPolice) July 12, 2024
यह विडियोज और तथ्य पूरी तरह से झूठ है और किसी दुष्प्रेरणा से प्रचारित किए जा रहे है जिस पर विधि संगत कार्यवाही की जा रही है।#DPUpdates
Conclusion
ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਵਾਇਰਲ ਦਾਅਵੇ ਨੂੰ ਫਰਜ਼ੀ ਪਾਇਆ ਹੈ। ਵਾਇਰਲ ਹੋ ਰਹੇ ਵੀਡੀਓ ਦਿੱਲੀ ਦੇ ਨਹੀਂ ਬਲਕਿ ਪੰਜਾਬ ਦੇ ਹਨ। ਇਹ ਵੀਡੀਓ ਪਟਿਆਲਾ ਦੇ ਦੁਖਨਿਵਾਰਨ ਸਾਹਿਬ ਪਰਿਸਰ ਵਿਖੇ ਹੋਈ ਆਪਸੀ ਰੰਜਿਸ਼ ਨਾਲ ਸਬੰਧਿਤ ਹਨ।
Result: Fake
Our Sources:
Live News Report Of Media House Rozana Spokesman Published On 9 April 2024
Live News Report Of Media House Rozana Spokesman Published On 9 April 2024
Physical Verification Quote Over Call With Rozana Spokesman Patiala Reporter Taran Thukral
News Report Of Times Of India Published On 11 April 2024
ਕਿਸੇ ਖਬਰ 'ਤੇ ਸ਼ੱਕ? ਸਾਨੂੰ ਭੇਜੋ ਅਸੀਂ ਕਰਾਂਗੇ ਉਸਦਾ Fact Check... ਸਾਨੂੰ Whatsapp ਕਰੋ "9560527702" 'ਤੇ ਜਾਂ ਸਾਨੂੰ E-mail ਕਰੋ "factcheck@rozanaspokesman.com" 'ਤੇ
