ਵਾਇਰਲ ਹੋ ਰਹੀ ਤਸਵੀਰ ਐਡੀਟੇਡ ਹੈ। ਅਸਲ ਤਸਵੀਰ ਸੇਵਾ ਕੇਂਦਰ ਦੀ ਇਮਾਰਤ ਦੀ ਹੈ ਅਤੇ ਸੇਵਾ ਕੇਂਦਰ ਦੀ ਥਾਂ ਐਡਿਟ ਕਰ ਮੁਹੱਲਾ ਕਲੀਨਿਕ ਲਿਖਿਆ ਗਿਆ ਹੈ।
RSFC (Team Mohali)- ਸੋਸ਼ਲ ਮੀਡੀਆ 'ਤੇ ਇੱਕ ਇਮਾਰਤ ਦੀ ਤਸਵੀਰ ਵਾਇਰਲ ਹੋ ਰਹੀ ਹੈ। ਇਸ ਇਮਾਰਤ 'ਤੇ ਮੁਹੱਲਾ ਕਲੀਨਿਕ ਲਿਖਿਆ ਵੇਖਿਆ ਜਾ ਸਕਦਾ ਹੈ। ਹੁਣ ਇਸ ਤਸਵੀਰ ਵਿਚ ਗੌਰ ਕਰਨ ਵਾਲੀ ਗੱਲ ਹੈ ਕਿ ਇਮਾਰਤ ਖੰਡਰ ਰੂਪ 'ਚ ਹੈ ਅਤੇ ਇਮਾਰਤ ਦੇ ਬਰਾਂਡੇ 'ਚ ਭੇਡਾਂ ਨੂੰ ਬੈਠੇ ਵੇਖਿਆ ਜਾ ਸਕਦਾ ਹੈ। ਹੁਣ ਇਸ ਤਸਵੀਰ ਨੂੰ ਵਾਇਰਲ ਕਰ ਆਪ ਸਰਕਾਰ ਦੇ ਮੁਹੱਲਾ ਕਲੀਨਿਕ ਮਾਡਲ 'ਤੇ ਨਿਸ਼ਾਨੇ ਸਾਧੇ ਜਾ ਰਹੇ ਹਨ।
ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਹੀ ਤਸਵੀਰ ਐਡੀਟੇਡ ਹੈ। ਅਸਲ ਤਸਵੀਰ ਸੇਵਾ ਕੇਂਦਰ ਦੀ ਇਮਾਰਤ ਦੀ ਹੈ ਅਤੇ ਸੇਵਾ ਕੇਂਦਰ ਦੀ ਥਾਂ ਐਡਿਟ ਕਰ ਮੁਹੱਲਾ ਕਲੀਨਿਕ ਲਿਖਿਆ ਗਿਆ ਹੈ।
ਵਾਇਰਲ ਪੋਸਟ
ਫੇਸਬੁੱਕ ਪੇਜ "Ek Aam Aadmi" ਨੇ 12 ਅਗਸਤ 2022 ਨੂੰ ਵਾਇਰਲ ਤਸਵੀਰ ਸ਼ੇਅਰ ਕਰਦਿਆਂ ਲਿਖਿਆ, "ਭੇਡਾਂ ਦੀ ਬਵਾਸੀਰ ਲਈ ਲਗਾਇਆ ਗਿਆ ਸਪੇਸ਼ਲ ਮੈਡੀਕਲ ਕੈਂਪ"
ਇਸ ਪੋਸਟ ਨੂੰ ਹੇਠਾਂ ਕਲਿਕ ਕਰ ਵੇਖਿਆ ਜਾ ਸਕਦਾ ਹੈ।
ਪੜਤਾਲ
ਪੜਤਾਲ ਦੀ ਸ਼ੁਰੂਆਤ ਕਰਦਿਆਂ ਅਸੀਂ ਸਭਤੋਂ ਪਹਿਲਾਂ ਵਾਇਰਲ ਤਸਵੀਰ ਨੂੰ ਗੂਗਲ ਰਿਵਰਸ ਇਮੇਜ ਟੂਲ ਵਿਚ ਅਪਲੋਡ ਕਰ ਸਰਚ ਕੀਤਾ।
ਵਾਇਰਲ ਤਸਵੀਰ ਐਡੀਟੇਡ ਹੈ
ਸਾਨੂੰ ਅਸਲ ਤਸਵੀਰ ਕਈ ਪੋਸਟਾਂ 'ਤੇ ਅਪਲੋਡ ਮਿਲੀ। ਅਸਲ ਤਸਵੀਰ ਵਿਚ ਮੁਹੱਲਾ ਕਲੀਨਿਕ ਨਹੀਂ ਬਲਕਿ ਸੇਵਾ ਕੇਂਦਰ ਲਿਖਿਆ ਹੋਇਆ ਸੀ। ਟਵਿੱਟਰ ਅਕਾਊਂਟ "@Raresidhu" ਨੇ ਅਸਲ ਤਸਵੀਰ ਸਾਂਝੀ ਕਰਦਿਆਂ ਲਿਖਿਆ, "ਸੇਵਾ ਕੇਂਦਰ ਨੂੰ ਮੁਹੱਲਾ ਕਲੀਨਿਕ ਬਣਾਉਣ ਲਈ ਜਾਇਜਾ ਲੈਂਦੇ ……."
ਸੇਵਾ ਕੇਂਦਰ ਨੂੰ
— Durlabh (@Raresidhu) August 11, 2022
ਮੁਹੱਲਾ ਕਲੀਨਿਕ ਬਣਾਉਣ ਲਈ ਜਾਇਜਾ ਲੈਂਦੇ ……. pic.twitter.com/b0sZXx0rI8
ਵਾਇਰਲ ਤਸਵੀਰ ਅਤੇ ਅਸਲ ਤਸਵੀਰ ਦੇ ਕੋਲਾਜ ਨੂੰ ਹੇਠਾਂ ਵੇਖਿਆ ਜਾ ਸਕਦਾ ਹੈ।
Collage
ਦੱਸ ਦਈਏ ਕਿ ਅਸੀਂ ਵਾਇਰਲ ਤਸਵੀਰ ਅਤੇ ਅਸਲ ਤਸਵੀਰ ਨੂੰ FotoForensic ਟੂਲ ਵਿਚ ਅਪਲੋਡ ਕਰ ਜਾਇਜ਼ਾ ਲਿਆ। ਹੇਠਾਂ ਤੁਸੀਂ ਦੋਵੇਂ ਤਸਵੀਰਾਂ ਦੀ ELA ਰਿਪੋਰਟ ਦਾ ਕੋਲਾਜ ਵੇਖ ਸਕਦੇ ਹੋ।
FotoForensic
ਨਤੀਜਾ- ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਹੀ ਤਸਵੀਰ ਐਡੀਟੇਡ ਹੈ। ਅਸਲ ਤਸਵੀਰ ਸੇਵਾ ਕੇਂਦਰ ਦੀ ਇਮਾਰਤ ਦੀ ਹੈ ਅਤੇ ਸੇਵਾ ਕੇਂਦਰ ਦੀ ਥਾਂ ਐਡਿਟ ਕਰ ਮੁਹੱਲਾ ਕਲੀਨਿਕ ਲਿਖਿਆ ਗਿਆ ਹੈ।
Claim- Image of AAP's Mohalla Clinic
Claimed By- FB Page Ek Aam Aadmi
Fact Check- Morphed
