ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਤਸਵੀਰ ਵਿਚ ਜੋ ਲੜਕੀ ਹੈ ਉਹ ‘ਆਪ’ ਦੀ ਵਰਕਰ ਅੰਕਿਤਾ ਸ਼ਾਹ ਹੈ, ਨੀਕਿਤਾ ਜੈਕਬ ਹੈ।
ਰੋਜ਼ਾਨਾ ਸਪੋਕਸਮੈਨ(ਮੋਹਾਲੀ ਟੀਮ) - ਸੋਸ਼ਲ ਮੀਡੀਆ 'ਤੇ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨਾਲ ਇਕ ਲੜਕੀ ਦੀ ਤਸਵੀਰ ਵਾਇਰਲ ਹੋ ਰਹੀ ਹੈ। ਤਸਵੀਰ ਜਰੀਏ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ ਲੜਕੀ ਨਿਕਿਤਾ ਜੈਕਬ ਹੈ ਜੋ ਕਿ ਕਿਸਾਨੀ ਸੰਘਰਸ਼ ਦੇ ਸਮਨਰਥਨ ਵਿਚ ਬਣਾਈ ਗਈ #ਟੂਲਕਿਟ ਮਾਮਲੇ ਵਿਚ ਫਰਾਰ ਹੈ।
ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਤਸਵੀਰ ਵਿਚ ਜੋ ਲੜਕੀ ਹੈ ਉਹ ‘ਆਪ’ ਦੀ ਵਰਕਰ ਅੰਕਿਤਾ ਸ਼ਾਹ ਹੈ, ਨੀਕਿਤਾ ਜੈਕਬ ਹੈ।
ਵਾਇਰਲ ਪੋਸਟ
ਫੇਸਬੁੱਕ ਯੂਜ਼ਰ तरुण राघव ਨੇ 15 ਫਰਵਰੀ ਨੂੰ ਵਾਇਰਲ ਪੋਸਟ ਸ਼ੇਅਰ ਕਰਦੇ ਹੋਏ ਕੈਪਸ਼ਨ ਲਿਖਿਆ, ''आआपार्टी कार्यकर्ता निकिता जैकब जो #Toolkit और हिंसा मामले में फरार है''
ਵਾਇਰਲ ਪੋਸਟ ਦਾ ਅਰਕਾਇਵਰਡ ਲਿੰਕ
ਪੜਤਾਲ
ਪੜਤਾਲ ਸ਼ੁਰੂ ਕਰਨ ਦੌਰਾਨ ਅਸੀਂ ਕੁੱਝ ਕੀਵਰਡ ਸਰਚ ਕੀਤੇ ਜਿਸ ਦੌਰਾਨ ਸਾਨੂੰ ਕਈ ਅਜਿਹੇ ਟਵੀਟ ਮਿਲੇ ਜਿਸ ਵਿਚ ਇਹ ਕਿਹਾ ਗਿਆ ਸੀ ਕਿ ਵਾਇਰਲ ਤਸਵੀਰ ਵਿਚ ਨਿਕਿਤਾ ਜੈਕਬ ਨਹੀਂ ਬਲਕਿ ਆਪ ਵਰਕਰ ਅੰਕਿਤਾ ਸ਼ਾਹ ਹੈ।
ਇਹਨਾਂ ਟਵੀਟਸ ਨੂੰ ਲੈ ਕੇ ਜਦੋਂ ਅਸੀਂ ਅੰਕਿਤਾ ਸ਼ਾਹ ਬਾਰੇ ਸਰਚ ਕੀਤਾ ਤਾਂ ਸਾਨੂੰ ਅੰਕਿਤਾ ਸ਼ਾਹ ਵੱਲੋਂ ਆਪਣੇ ਫੇਸਬੁੱਕ ਅਕਾਊਂਟ 'ਤੇ ਵੀ ਵਾਇਰਲ ਤਸਵੀਰ 3 ਮਾਰਚ 2019 ਨੂੰ ਸ਼ੇਅਰ ਕੀਤੀ ਮਿਲੀ। ਅੰਕਿਤਾ ਸ਼ਾਹ ਨੇ ਪੋਸਟ ਸ਼ੇਅਰ ਕਰਦੇ ਹੋਏ ਕੈਪਸ਼ਨ ਲਿਖਿਆ ਸੀ, ''Finally met my favorite Arvind Kejriwal ????????Coolest CM ever...I am so blessed AAPian..Thank you AK''
ਅੰਕਿਤਾ ਸ਼ਾਹ ਨੇ ਆਪਣੇ ਟਵਿੱਟਰ ਅਕਾਊਂਟ 'ਤੇ ਵੀ ਵਾਇਰਲ ਤਸਵੀਰ ਨੂੰ 28 ਫਰਵਰੀ 2019 ਨੂੰ ਸ਼ੇਅਰ ਕੀਤਾਹੈ।
ਦੱਸ ਦਈਏ ਕਿ ਅੰਕਿਤਾ ਸ਼ਰਮਾ ਨੇ ਆਪਣੇ ਫੇਸਬੱਕ ਅਕਾਊਂਟ 'ਤੇ ਪ੍ਰੇਰਨਾ ਸਕਸੈਨਾ ਨਾਮ ਦੀ ਫੇਸਬੁੱਕ ਯੂਜ਼ਰ ਦੀ ਇਕ ਪੋਸਟ ਨੂੰ ਕੋਟ ਕਰ ਕੇ ਸ਼ੇਅਰ ਕੀਤਾ ਹੈ। ਪੋਸਟ ਵਿਚ ਵੀ ਇਹੀ ਦੱਸਿਆ ਗਿਆ ਸੀ ਕਿ ਵਾਇਰਲ ਤਸਵੀਰ ਵਿਚ ਦਿਖ ਰਹੀ ਲੜਕੀ ਅੰਕਿਤਾ ਸ਼ਾਹ ਹੈ।
ਪੜਤਾਲ ਨੂੰ ਅੱਗੇ ਵਧਾਉਂਦੇ ਹੋਏ ਅਸੀਂ ਨਿਕਿਤਾ ਜੈਕਬ ਬਾਰੇ ਸਰਚ ਕਰਨਾ ਸ਼ੁਰੂ ਕੀਤਾ। ਸਾਨੂੰ ਸਰਚ ਦੌਰਾਨ indiatoday.in ਦੀ ਰਿਪੋਰਟ ਮਿਲੀ। ਰਿਪੋਰਟ ਦੀ ਹੈੱਡਲਾਈਨ ਸੀ, ''Who is Nikita Jacob, lawyer allegedly involved in Greta Thunberg, Disha Ravi's 'toolkit' case''
ਰਿਪੋਰਟ ਵਿਚ ਨਿਕਿਤਾ ਸ਼ਰਮਾ ਦੀ ਵਕੀਲ ਦੇ ਕੋਟ ਵਿਚ ਤਸਵੀਰ ਵੀ ਪ੍ਰਕਾਸ਼ਿਤ ਕੀਤੀ ਗਈ ਸੀ। ਇਹ ਰਿਪੋਰਟ ਨਿਕਿਤਾ ਜੈਕਬ ਦੀ ਬਾਇਓਗ੍ਰਾਫ਼ੀ ਬਾਰੇ ਲਿਖੀ ਗਈ ਸੀ। ਰਿਪੋਰਟ ਅਨੁਸਾਰ ਨਿਕਿਤਾ ਇਕ ਵਕੀਲ ਹੈ ਅਤੇ ਉਸ ਦੀ ਉਮਰ 30 ਸਾਲ ਹੈ ਉਸ ਨੂੰ ਇਕ ਵਕੀਲ ਦੇ ਤੌਰ 'ਤੇ 7 ਸਾਲ ਦਾ ਤਜ਼ੁਰਬਾ ਹੈ। ਪੁਣੇ ਦੇ ਆਈਐਲਐਸ ਲਾਅ ਕਾਲਜ ਤੋਂ ਗ੍ਰੈਜੂਏਟ ਹੋਈ ਨਿਕਿਤਾ ਨੇ ਸਿਰਫ਼ ਸਿਵਲ ਕੇਸ ਹੀ ਸੰਭਾਲੇ ਹਨ।
ਨਿਕਿਤਾ ਜੈਕਬ ਨੂੰ ਲੈ ਕੇ ਐੱਨਡੀਟੀਵੀ ਦੀ ਰਿਪੋਰਟ ਵੀ ਇੱਥੇ ਪੜ੍ਹੀ ਜਾ ਸਕਦੀ ਹੈ।
ਨਿਕਿਤਾ ਜੈਕਬ ਅਤੇ ਅੰਕਿਤਾ ਸ਼ਾਹ ਦੀ ਤਸਵੀਰ ਦਾ ਕੋਲਾਜ ਹੇਠਾਂ ਦੇਖਿਆ ਜਾ ਸਕਦਾ ਹੈ।
ਦੱਸ ਦਈਏ ਕਿ ਦਿੱਲੀ ਪੁਲਿਸ ਨੇ ਗਰੇਟਾ ਥਾਨਬਰਗ ਟੂਲਕਿੱਟ ਮਾਮਲੇ ਵਿਚ ਕਾਰਕੁਨ ਨਿਕਿਤਾ ਜੈਕਬ ਖਿਲਾਫ਼ ਗੈਰ ਜ਼ਮਾਨਤੀ ਵਾਰੰਟ ਜਾਰੀ ਕੀਤਾ ਸੀ। ਦਿੱਲੀ ਪੁਲਿਸ ਦਾ ਦੋਸ਼ ਸੀ ਕਿ ਟੂਲਕਿੱਟ ਮਾਮਲੇ ਵਿਚ ਨਿਕਿਤਾ ਜੈਕਬ ਦਾ ਵੀ ਹੱਥ ਹੈ। ਨਿਕਿਤਾ ਜੈਕਬ ਜੋ ਪੇਸ਼ੇ ਵਜੋਂ ਵਕੀਲ ਹੈ, ਉਸ ਨੇ ਪੁਲਿਸ ਕਾਰਵਾਈ ਖਿਲਾਫ਼ ਅੰਤਰਿਮ ਸੁਰੱਖਿਆ ਲਈ ਬੰਬੇ ਹਾਈ ਕੋਰਟ ਦਾ ਵੀ ਰੁੱਖ ਦਾਇਰ ਕੀਤਾ ਸੀ।
ਨਤੀਜਾ - ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ‘ਆਪ’ ਦੀ ਕਾਰਕੁਨ ਅੰਕਿਤਾ ਸ਼ਾਹ ਦੀ ਤਸਵੀਰ ਝੂਠੇ ਦਾਅਵੇ ਨਾਲ ਸ਼ੇਅਰ ਕੀਤੀ ਜਾ ਰਹੀ ਹੈ।
Claim: ਇਹ ਲੜਕੀ ਨਿਕਿਤਾ ਜੈਕਬ ਹੈ ਜੋ ਕਿ ਕਿਸਾਨੀ ਸੰਘਰਸ਼ ਦੇ ਸਮਨਰਥਨ ਵਿਚ ਬਣਾਈ ਗਈ #ਟੂਲਕਿਟ ਮਾਮਲੇ ਵਿਚ ਫਰਾਰ ਹੈ।
Claimed By : ਫੇਸਬੁੱਕ ਯੂਜ਼ਰ तरुण राघव
Fact Check: ਫਰਜ਼ੀ
