ਅਸਲ ਵੀਡੀਓਜ਼ ਵਿਚ ਅਲਾਹ ਹੂ ਅਕਬਰ ਅਤੇ ਹਲੇਲੂਯਾਹ ਦੇ ਨਾਅਰਿਆਂ ਤੋਂ ਅਲਾਵਾ ਜੋ ਬੋਲੇ ਸੋ ਨਿਹਾਲ ਅਤੇ ਹਰ ਹਰ ਮਹਾਦੇਵ ਦੇ ਨਾਅਰੇ ਵੀ ਲਗਾਏ ਗਏ ਸਨ।
RSFC (Team Mohali)- ਸੋਸ਼ਲ ਮੀਡੀਆ 'ਤੇ 2 ਵੀਡੀਓ ਕਲਿਪ ਤੇਜ਼ੀ ਨਾਲ ਵਾਇਰਲ ਹੋ ਰਹੇ ਹਨ। ਇੱਕ ਵੀਡੀਓ ਕਲਿਪ ਵਿਚ ਪੰਜਾਬ ਕਾਂਗਰੇਸ ਦੇ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਅਲਾਹ ਹੂ ਅਕਬਰ ਅਤੇ ਦੂਜੀ ਵੀਡੀਓ ਵਿਚ ਹਲੇਲੂਯਾਹ ਦੇ ਨਾਅਰੇ ਲਗਾਉਂਦੇ ਵੇਖਿਆ ਜਾ ਸਕਦਾ ਹੈ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਚਰਨਜੀਤ ਚੰਨੀ ਦੇ CM ਨਿਯੁਕਤ ਹੋਣ ਤੋਂ ਬਾਅਦ ਨਵਜੋਤ ਸਿੰਘ ਸਿੱਧੂ ਨੇ ਅਲਾਹ ਹੂ ਅਕਬਰ ਅਤੇ ਹਲੇਲੂਯਾਹ ਦੇ ਨਾਅਰੇ ਲਗਾਏ। ਯੂਜਰਜ਼ ਇਸ ਵੀਡੀਓ ਨੂੰ ਹਾਲੀਆ ਦੱਸਕੇ ਵਾਇਰਲ ਕਰ ਰਹੇ ਹਨ ਅਤੇ ਕਾਂਗਰੇਸ ਸਰਕਾਰ 'ਤੇ ਤਨਜ ਕਸ ਰਹੇ ਹਨ।
ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਅਸਲ ਵੀਡੀਓਜ਼ ਵਿਚ ਅਲਾਹ ਹੂ ਅਕਬਰ ਅਤੇ ਹਲੇਲੂਯਾਹ ਦੇ ਨਾਅਰਿਆਂ ਤੋਂ ਅਲਾਵਾ ਜੋ ਬੋਲੇ ਸੋ ਨਿਹਾਲ ਅਤੇ ਹਰ ਹਰ ਮਹਾਦੇਵ ਦੇ ਨਾਅਰੇ ਵੀ ਲਗਾਏ ਗਏ ਸਨ। ਹੁਣ ਇਨ੍ਹਾਂ ਵੀਡੀਓਜ਼ ਨੂੰ ਵਾਇਰਲ ਕਰਦੇ ਹੋਏ ਲੋਕਾਂ ਨੂੰ ਗੁੰਮਰਾਹ ਕੀਤਾ ਜਾ ਰਿਹਾ ਹੈ ਅਤੇ ਧਾਰਮਿਕ ਨਫਰਤ ਫੈਲਾਈ ਜਾ ਰਹੀ ਹੈ।
ਵਾਇਰਲ ਪੋਸਟ
ਫੇਸਬੁੱਕ ਪੇਜ Pollywood Di Pol-khol ਨੇ ਵੀਡੀਓਜ਼ ਕਲਿਪ ਦੇ ਕੋਲਾਜ ਨੂੰ ਸ਼ੇਅਰ ਕਰਦੇ ਹੋਏ ਲਿਖਿਆ, "यह गुरु गोविंद सिंह और उनके बच्चों का अपमान है और कोई इसके लिए आवाज भी नहीं उठा रहा"
ਇਸ ਪੋਸਟ ਨੂੰ ਹੇਠਾਂ ਕਲਿਕ ਕਰ ਵੇਖਿਆ ਜਾ ਸਕਦਾ ਹੈ।
ਪੜਤਾਲ
ਇਨ੍ਹਾਂ ਵੀਡੀਓਜ਼ ਦੀ ਪੜਤਾਲ ਅਸੀਂ ਇੱਕ-ਇੱਕ ਕਰਕੇ ਕੀਤੀ।
ਪਹਿਲੀ ਵੀਡੀਓ
ਪਹਿਲੀ ਵੀਡੀਓ ਵਿਚ PTC News ਦਾ ਲੋਗੋ ਵੇਖਿਆ ਜਾ ਸਕਦਾ ਹੈ। ਇਸ ਵੀਡੀਓ ਦੀ ਪੜਤਾਲ ਕਰਦੇ ਹੋਏ ਅਸੀਂ ਕੀਵਰਡ ਸਰਚ ਜਰੀਏ ਸਰਚ ਕਰਨਾ ਸ਼ੁਰੂ ਕੀਤਾ। ਸਾਨੂੰ ਇਹ ਵੀਡੀਓ PTC News ਦੁਆਰਾ ਫੇਸਬੁੱਕ ਲਾਈਵ 'ਤੇ ਮਿਲਿਆ। ਇਹ ਲਾਈਵ 20 ਸਿਤੰਬਰ 2021 ਨੂੰ ਕੀਤਾ ਗਿਆ ਸੀ। ਇਹ ਲਾਈਵ ਲਾਈਵ ਵੀਡੀਓ ਚਰਨਜੀਤ ਚੰਨੀ ਦੇ ਮੁੱਖ ਮੰਤਰੀ ਬਣਨ ਦੇ ਬਾਅਦ ਦੇ ਜਸ਼ਨ ਦਾ ਹੈ। ਇਸ ਵੀਡੀਓ ਵਿਚ 1 ਮਿੰਟ ਅਤੇ 25 ਸੈਕੰਡ 'ਤੇ ਜੋ ਬੋਲੇ ਸੋ ਨਿਹਾਲ ਦਾ ਜੈਕਾਰਾ ਸੁਣਿਆ ਜਾ ਸਕਦਾ ਹੈ ਅਤੇ ਅੱਗੇ ਜੈਕਾਰਾ ਸ਼ੇਰਾ ਵਾਲੀ ਦਾ ਅਤੇ ਹਰ ਹਰ ਮਹਾਦੇਵ ਦਾ ਨਾਅਰਾ ਵੀ ਸੁਣਿਆ ਜਾ ਸਕਦਾ ਹੈ।
ਮਤਲਬ ਸਾਫ ਸੀ ਕਿ ਸਿਰਫ ਅਲਾਹ ਹੂ ਅਕਬਰ ਨਾਅਰੇ ਦੀ ਕਲਿਪ ਨੂੰ ਗਲਤ ਦਾਅਵੇ ਨਾਲ ਵਾਇਰਲ ਕੀਤਾ ਜਾ ਰਿਹਾ ਹੈ। ਇਹ ਲਾਈਵ ਹੇਠਾਂ ਕਲਿਕ ਕਰ ਵੇਖਿਆ ਜਾ ਸਕਦਾ ਹੈ।
ਦੂਜਾ ਵੀਡੀਓ
ਦੂਜੇ ਵੀਡੀਓ ਦੀ ਪੜਤਾਲ ਵੀ ਅਸੀਂ ਕੀਵਰਡ ਸਰਚ ਤੋਂ ਕੀਤੀ। ਦੂਜਾ ਵੀਡੀਓ ਸਾਨੂੰ Masih Pariwar Channel ਦੇ ਅਧਿਕਾਰਿਕ Youtube ਚੈੱਨਲ 'ਤੇ ਅਪਲੋਡ ਮਿਲਿਆ। ਇਹ ਵੀਡੀਓ 24 ਜੁਲਾਈ 2021 ਨੂੰ ਅਪਲੋਡ ਕੀਤਾ ਗਿਆ ਸੀ ਅਤੇ ਵਾਇਰਲ ਵੀਡੀਓ ਵਾਲਾ ਹਿੱਸਾ 2 ਮਿੰਟ ਅਤੇ 39 ਸੈਕੰਡ 'ਤੇ ਵੇਖਿਆ ਜਾ ਸਕਦਾ ਹੈ। ਇਸ ਵੀਡੀਓ ਵਿਚ 4 ਮਿੰਟ ਅਤੇ 22 ਸੈਕੰਡ 'ਤੇ ਸਿੱਧੂ ਨੂੰ ਜੋ ਬੋਲੇ ਸੋ ਨਿਹਾਲ ਦਾ ਜੈਕਾਰਾ ਲਾਉਂਦੇ ਵੇਖਿਆ ਜਾ ਸਕਦਾ ਹੈ।
ਮਤਲਬ ਸਾਫ ਸੀ ਕਿ ਸਿਰਫ ਹਲੇਲੂਯਾਹ ਦੇ ਨਾਅਰੇ ਦੀ ਕਲਿਪ ਨੂੰ ਗਲਤ ਦਾਅਵੇ ਨਾਲ ਵਾਇਰਲ ਕੀਤਾ ਜਾ ਰਿਹਾ ਹੈ। ਇਹ ਵੀਡੀਓ ਇਥੇ ਕਲਿਕ ਕਰ ਵੇਖਿਆ ਜਾ ਸਕਦਾ ਹੈ।
ਨਤੀਜਾ- ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਅਸਲ ਵੀਡੀਓਜ਼ ਵਿਚ ਅਲਾਹ ਹੂ ਅਕਬਰ ਅਤੇ ਹਲੇਲੂਯਾਹ ਦੇ ਨਾਅਰਿਆਂ ਤੋਂ ਅਲਾਵਾ ਜੋ ਬੋਲੇ ਸੋ ਨਿਹਾਲ ਅਤੇ ਹਰ ਹਰ ਮਹਾਦੇਵ ਦੇ ਨਾਅਰੇ ਵੀ ਲਗਾਏ ਗਏ ਸਨ। ਹੁਣ ਇਨ੍ਹਾਂ ਵੀਡੀਓਜ਼ ਨੂੰ ਵਾਇਰਲ ਕਰਦੇ ਹੋਏ ਲੋਕਾਂ ਨੂੰ ਗੁੰਮਰਾਹ ਕੀਤਾ ਜਾ ਰਿਹਾ ਹੈ ਅਤੇ ਧਾਰਮਿਕ ਨਫਰਤ ਫੈਲਾਈ ਜਾ ਰਹੀ ਹੈ।
Claim- Navjot Sidhu and CM Charanjit Channi spreading communal phrases after Channi becomes CM
Claimed By- SM Users
Fact Check- Fake
