ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਰਾਕੇਸ਼ ਟਿਕੈਤ ਦੇ ਨਾਂ ਤੋਂ ਵਾਇਰਲ ਹੋ ਰਿਹਾ ਟਵੀਟ ਫਰਜ਼ੀ ਹੈ।

ਰੋਜ਼ਾਨਾ ਸਪੋਕਸਮੈਨ (ਮੋਹਾਲੀ ਟੀਮ) – ਸੋਸ਼ਲ ਮੀਡਿਆ 'ਤੇ ਭਾਰਤੀ ਕਿਸਾਨ ਯੂਨੀਅਨ ਦੇ ਬੁਲਾਰੇ ਰਾਕੇਸ਼ ਟਿਕੈਤ ਦੇ ਨਾਂਅ ਤੋਂ ਇਕ ਟਵੀਟ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਟਵੀਟ ਵਿਚ ਉਨ੍ਹਾਂ ਵੱਲੋਂ ਕਿਸਾਨ ਅੰਦੋਲਨ ਨੂੰ ਤੇਜ਼ ਕਰਨ ਬਾਰੇ ਲਿਖਿਆ ਹੈ।

ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਰਾਕੇਸ਼ ਟਿਕੈਤ ਦੇ ਨਾਂ ਤੋਂ ਵਾਇਰਲ ਹੋ ਰਿਹਾ ਟਵੀਟ ਫਰਜ਼ੀ ਹੈ।

ਵਾਇਰਲ ਦਾਅਵਾ

ਕਈ ਯੂਜ਼ਰ ਸੋਸ਼ਲ ਮੀਡੀਆ 'ਤੇ ਇਸ ਟਵੀਟ ਦਾ ਸਕ੍ਰੀਨਸ਼ਾਟ ਸ਼ੇਅਰ ਕਰ ਰਹੇ ਹਨ। ਇਨ੍ਹਾਂ ਵਿਚੋਂ ਹੀ ਇਕ ਯੂਜ਼ਰ ਹਨ ਪੰਜਾਬੀ ਗਾਇਕ "Amar Sajaalpuria". Amar Sajaalpuria (https://archive.md/ql9Ze) ਨੇ 29 ਜਨਵਰੀ ਨੂੰ ਇਸ ਟਵੀਟ ਦਾ ਸਕ੍ਰੀਨਸ਼ਾਟ ਅਪਲੋਡ ਕਰਦੇ ਹੋਏ ਲਿਖਿਆ, "#RakeshTikait ❤️???? Andolan te aje hor tez houga bas dekhde jao !!!"

ਇਸ ਟਵੀਟ ਵਿਚ ਰਾਕੇਸ਼ ਟਿਕੈਤ ਦੇ ਨਾਂ ਤੋਂ ਲਿਖਿਆ ਗਿਆ ਹੈ, "मैं कोई रामदेव डकैत नहीं.. जो सलवार पहन के छलांगे लगाऊगा.. किसान भाईयो मैं महेन्द्र टिकैत की औलाद है आखिरी साँस तक टिका रहूगा.. डट जाईये Flag of India #राकेशटिकैतकिसानोंकीआवाज_है #RakeshTikait"

ਇਸ ਟਵੀਟ ਦਾ ਆਰਕਾਇਵਡ ਲਿੰਕ।

ਪੜਤਾਲ

ਪੜਤਾਲ ਦੀ ਸ਼ੁਰੂਆਤ ਕਰਦੇ ਹੋਏ ਅਸੀਂ ਸਭ ਤੋਂ ਪਹਿਲਾਂ ਵਾਇਰਲ ਸਕਰੀਨਸ਼ਾਟ ਵਿਚ ਦਿਖਾਈ ਦੇ ਰਹੇ ਅਕਾਊਂਟ ਨੂੰ ਟਵਿਟਰ 'ਤੇ ਸਰਚ ਕੀਤਾ। ਇਹ ਟਵੀਟ "@tikaitrakesh" ਨਾਂ ਦੇ ਟਵਿਟਰ ਅਕਾਊਂਟ ਦੁਆਰਾ ਸ਼ੇਅਰ ਕੀਤਾ ਗਿਆ ਸੀ।

Viral Post

ਇਸ ਟਵੀਟ (https://archive.md/QRT8y) ਨੂੰ ਹੇਠਾਂ ਵੇਖਿਆ ਜਾ ਸਕਦਾ ਹੈ। ਇਸ ਟਵਿਟਰ ਅਕਾਊਂਟ ਵਿਚ ਜਾਣਕਾਰੀ ਦਿੱਤੀ ਗਈ ਹੈ, "leader of Kisan Union (Tikait),". ਇਸ ਅਕਾਊਂਟ ਦੇ ਸਕ੍ਰੀਨਸ਼ਾਟ ਨੂੰ ਹੇਠਾਂ ਵੇਖਿਆ ਜਾ ਸਕਦਾ ਹੈ।

Parody Account 

https://twitter.com/tikaitrakesh

ਹੁਣ ਅਸੀਂ ਰਾਕੇਸ਼ ਟਿਕੈਤ ਦੇ ਫੇਸਬੁੱਕ ਅਕਾਊਂਟ ਵੱਲ ਰੁੱਖ ਕੀਤਾ। ਸਾਨੂੰ ਉਨ੍ਹਾਂ ਦੇ ਫੇਸਬੁੱਕ ਪੇਜ "Chaudhary Rakesh Tikait" ਦੇ ਜ਼ਰੀਏ ਉਨ੍ਹਾਂ ਦੇ ਅਧਿਕਾਰਿਕ ਟਵਿਟਰ ਅਕਾਊਂਟ ਬਾਰੇ ਜਾਣਕਾਰੀ ਮਿਲੀ। ਪੇਜ ‘ਤੇ ਲਿਖੀ ਜਾਣਕਾਰੀ ਅਨੁਸਾਰ ਉਨ੍ਹਾਂ ਦਾ ਟਵਿਟਰ ਅਕਾਊਂਟ "@RakeshTikaitBKU" ਯੂਜ਼ਰਨੇਮ ਤੋਂ ਹੈ ਨਾ ਕਿ "@tikaitrakesh".

ਹੁਣ ਅਸੀਂ ਪੜਤਾਲ ਨੂੰ ਅੱਗੇ ਵਧਾਉਂਦੇ ਹੋਏ ਸਿੱਧਾ ਟਵਿਟਰ ਅਕਾਊਂਟ "@RakeshTikaitBKU" ਨੂੰ ਸਰਚ ਕੀਤਾ। ਸਾਨੂੰ ਉੱਥੇ ਇਕ ਟਵੀਟ ਮਿਲਿਆ ਜਿਸ ਵਿਚ ਰਾਕੇਸ਼ ਟਿਕੈਤ ਨੇ ਲਿਖਿਆ "हमारा आधिकारिक ट्विटर हैंडल @RakeshTikaitBKU एवं @OfficialBKU हैं"

Tweet

ਟਵੀਟ ਤੋਂ ਸਾਫ ਹੋਇਆ ਕਿ @tikaitrakesh" ਰਾਕੇਸ਼ ਟਿਕੈਤ ਦਾ ਅਧਿਕਾਰਕ ਅਕਾਊਂਟ ਨਹੀਂ ਹੈ। ਰਾਕੇਸ਼ ਦੇ ਅਧਿਕਾਰਿਕ ਅਕਾਊਂਟ "@RakeshTikaitBKU" ‘ਤੇ ਦਿੱਤੀ ਜਾਣਕਾਰੀ ਅਤੇ ਫਰਜ਼ੀ ਅਕਾਊਂਟ ਵਿਚ ਲਿਖੀ ਗਈ ਜਾਣਕਾਰੀ ਵਿਚ ਕਾਫੀ ਅੰਤਰ ਹੈ। ਕਿਸਾਨ ਆਗੂ ਦੇ ਅਸਲੀ ਅਕਾਊਂਟ ਵਿਚ ਲਿਖਿਆ ਗਿਆ ਹੈ, "Official Twitter Handle, Farmer leader & National spokesperson of Bhartiya Kisan Union (BKU) @OfficialBKU"

Original Twitter Account of Rakesh Tikait

ਦੱਸ ਦਈਏ ਅਸੀਂ ਆਪਣੀ ਪੜਤਾਲ ਵਿਚ ਰਾਕੇਸ਼ ਟਿਕੈਤ ਨਾਲ ਸੰਪਰਕ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ। ਉਨ੍ਹਾਂ ਦਾ ਜਵਾਬ ਆਉਂਦੇ ਹੀ ਸਟੋਰੀ ਨੂੰ ਅਪਡੇਟ ਕੀਤਾ ਜਾਵੇਗਾ। ਹਾਲਾਂਕਿ, ਸਾਡੀ ਪੜਤਾਲ ਤੋਂ ਸਪੱਸ਼ਟ ਹੁੰਦਾ ਹੈ ਕਿ ਵਾਇਰਲ ਹੋ ਰਿਹਾ ਸਕ੍ਰੀਨਸ਼ਾਟ ਫਰਜ਼ੀ ਟਵਿਟਰ ਅਕਾਊਂਟ ਤੋਂ ਸ਼ੇਅਰ ਕੀਤਾ ਗਿਆ ਹੈ।

ਨਤੀਜਾ: ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਵਾਇਰਲ ਦਾਅਵੇ ਨੂੰ ਫਰਜ਼ੀ ਪਾਇਆ ਹੈ। ਜਿਹੜੇ ਟਵੀਟ ਦਾ ਸਕ੍ਰੀਨਸ਼ਾਟ ਵਾਇਰਲ ਹੋ ਰਿਹਾ ਹੈ ਉਹ ਫਰਜ਼ੀ ਅਕਾਊਂਟ ਦਾ ਹੈ।

Fact Check: ਫਰਜ਼ੀ