ਇਹ ਤਸਵੀਰ ਬਨਾਰਸ ਦੇ ਕਿਸੇ ਮੰਦਿਰ ਦੀ ਨਹੀਂ ਬਲਕਿ ਥਾਈਲੈਂਡ ਦੇ ਪਟਾਇਆ ਵਿਚ ਸਥਿਤ ਸੇੰਚੁਰੀ ਆਫ ਟਰੂਥ ਦੀ ਹੈ।
ਰੋਜ਼ਾਨਾ ਸਪੋਕਸਮੈਨ (ਮੋਹਾਲੀ ਟੀਮ): ਸੋਸ਼ਲ ਮੀਡੀਆ 'ਤੇ ਇੱਕ ਤਸਵੀਰ ਵਾਇਰਲ ਹੋ ਰਹੀ ਹੈ ਜਿਸਦੇ ਵਿਚ ਖੂਬਸੂਰਤ ਮੂਰਤੀ ਕਲਾ ਨੂੰ ਵੇਖਿਆ ਜਾ ਸਕਦਾ ਹੈ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ ਤਸਵੀਰ ਯੂਪੀ ਦੇ ਬਨਾਰਸ ਵਿਚ ਸਥਿਤ ਕਸ਼ੀਰਾਜ ਕਾਲੀ ਮੰਦਿਰ ਦੀ ਹੈ।
ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਇਹ ਤਸਵੀਰ ਬਨਾਰਸ ਦੇ ਕਿਸੇ ਮੰਦਿਰ ਦੀ ਨਹੀਂ ਬਲਕਿ ਥਾਈਲੈਂਡ ਦੇ ਪਟਾਇਆ ਵਿਚ ਸਥਿਤ ਸੇੰਚੁਰੀ ਆਫ ਟਰੂਥ (Sanctuary of Truth) ਦੀ ਹੈ।
ਵਾਇਰਲ ਪੋਸਟ
ਫੇਸਬੁੱਕ ਪੇਜ विश्व हिन्दू एकता मंच ਨੇ ਵਾਇਰਲ ਤਸਵੀਰ ਨੂੰ ਅਪਲੋਡ ਕਰਦਿਆਂ ਲਿਖਿਆ, "क्या ये लकड़ी है??,,,काठ से बना है??? नहीं,,ये पत्थर है,,,असली आश्चर्य ताजमहल नहीं है अचरज मत करिए,,ये तो सनातन स्थापत्य विज्ञान का छोटा सा नमूना है,,,जो मिटा दिया है आपकी किताबों से इतिहासकारों ने,,काशीराजकालीमंदिर_बनारस"
ਵਾਇਰਲ ਪੋਸਟ ਦਾ ਆਰਕਾਇਵਡ (https://archive.ph/UjilD) ਲਿੰਕ।
ਪੜਤਾਲ
ਤਸਵੀਰ ਦੀ ਪੜਤਾਲ ਸ਼ੁਰੂ ਕਰਦੇ ਹੋਏ ਅਸੀਂ ਸਬਤੋਂ ਪਹਿਲਾਂ ਵਾਇਰਲ ਤਸਵੀਰ ਨੂੰ ਗੂਗਲ ਰਿਵਰਸ ਇਮੇਜ ਟੂਲ ਵਿਚ ਅਪਲੋਡ ਕਰ ਸਰਚ ਕੀਤਾ। ਸਾਨੂੰ ਵਾਇਰਲ ਤਸਵੀਰ ਨਾਲ ਦੀਆਂ ਕਈ ਤਸਵੀਰਾਂ ਮਿਲੀਆਂ। ਤਸਵੀਰਾਂ ਦੀ ਸਾਈਟ Getty Images 'ਤੇ ਇਸ ਕਲਾ ਦੀ ਵੱਖਰੇ ਐਂਗਲ ਦੀ ਤਸਵੀਰ ਨੂੰ ਅਪਲੋਡ ਕਰਦੇ ਹੋਏ ਕੈਪਸ਼ਨ ਲਿਖਿਆ ਗਿਆ, "god goddess wood sculpture statue, exterior architecture, Sanctuary of Truth, Thailand "
ਕੈਪਸ਼ਨ ਅਨੁਸਾਰ ਇਹ ਤਸਵੀਰ ਥਾਈਲੈਂਡ ਸਥਿਤ ਸੇੰਚੁਰੀ ਆਫ ਟਰੂਥ ਦੀ ਹੈ।
ਇਸ ਵਾਇਰਲ ਤਸਵੀਰ ਨਾਲ ਦੀਆਂ ਤਸਵੀਰਾਂ ਨੂੰ Adobe Stock ਦੀ ਵੈੱਬਸਾਈਟ 'ਤੇ ਇਥੇ ਕਲਿਕ ਕਰ ਵੇਖਿਆ ਜਾ ਸਕਦਾ ਹੈ।
ਥਾਈਲੈਂਡ ਸਥਿਤ ਸੇੰਚੁਰੀ ਆਫ ਟਰੂਥ ਦੇ ਵੀਡੀਓ ਨੂੰ ਹੇਠਾਂ ਕਲਿਕ ਕਰ ਵੇਖਿਆ ਜਾ ਸਕਦਾ ਹੈ। ਇਸ ਵੀਡੀਓ ਵਿਚ ਵਾਇਰਲ ਤਸਵੀਰ ਵਾਲੇ ਦ੍ਰਿਸ਼ ਵੀ ਵੇਖੇ ਜਾ ਸਕਦੇ ਹਨ।
ਕਾਸ਼ੀਰਾਜ ਕਾਲੀ ਮੰਦਿਰ ਦੀਆਂ ਤਸਵੀਰਾਂ ਨੂੰ ਅਤੇ ਮੰਦਿਰ ਬਾਰੇ ਜਾਣਕਾਰੀ ਇਸ ਲਿੰਕ 'ਤੇ ਕਲਿਕ ਕਰ ਪੜ੍ਹੀ ਜਾ ਸਕਦੀ ਹੈ।
ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਇਹ ਤਸਵੀਰ ਬਨਾਰਸ ਦੇ ਕਿਸੇ ਮੰਦਿਰ ਦੀ ਨਹੀਂ ਬਲਕਿ ਥਾਈਲੈਂਡ ਦੇ ਪਟਾਇਆ ਵਿਚ ਸਥਿਤ ਸੇੰਚੁਰੀ ਆਫ ਟਰੂਥ (Sanctuary of Truth) ਦੀ ਹੈ।
Claim: ਇਹ ਤਸਵੀਰ ਯੂਪੀ ਦੇ ਬਨਾਰਸ ਵਿਚ ਸਥਿਤ ਕਸ਼ੀਰਾਜ ਕਾਲੀ ਮੰਦਿਰ ਦੀ ਹੈ।
Claimed By: ਫੇਸਬੁੱਕ ਪੇਜ विश्व हिन्दू एकता मंच
Fact Check: Fake
