ਦਮ ਆਲੂ ਖਾਸ ਤੌਰ ਉੱਤੇ ਇਕ ਕਸ਼ਮੀਰੀ ਡਿਸ਼ ਹੈ। ਇਹ ਇਕ ਪਾਰੰਪਰਕ ਕਸ਼ਮੀਰੀ ਵਿਅੰਜਨ ਹੈ, ਜੋ ਪੰਜਾਬੀ ਦਮ ਆਲੂ ਤੋਂ ਬਿਲਕੁੱਲ ਵੱਖਰੇ ਹੁੰਦੇ ਹਨ....
ਦਮ ਆਲੂ ਖਾਸ ਤੌਰ ਉੱਤੇ ਇਕ ਕਸ਼ਮੀਰੀ ਡਿਸ਼ ਹੈ। ਇਹ ਇਕ ਪਾਰੰਪਰਕ ਕਸ਼ਮੀਰੀ ਵਿਅੰਜਨ ਹੈ, ਜੋ ਪੰਜਾਬੀ ਦਮ ਆਲੂ ਤੋਂ ਬਿਲਕੁੱਲ ਵੱਖਰੇ ਹੁੰਦੇ ਹਨ। ਦਮ ਆਲੂ ਬਣਾਉਣ ਦੇ ਕਈ ਤਰੀਕੇ ਹਨ, ਅੱਜ ਅਸੀ ਕਸ਼ਮੀਰੀ ਦਮ ਆਲੂ ਬਣਾਉਣਾ ਸਿਖਾਂਗੇ। ਜਿਸ ਛੋਟੇ ਆਲੂ ਨੂੰ ਗਹਿਰਾ ਤਲ ਕੇ ਘੱਟ ਅੱਗ ਉੱਤੇ ਗਰੇਵੀ ਦੇ ਨਾਲ ਪਕਾਇਆ ਜਾਂਦਾ ਹੈ। ਆਸਾਨ ਭਾਸ਼ਾ ਵਿਚ ਆਲੂ ਨੂੰ ਫਰਾਈ ਕਰੋ ਅਤੇ ਗਰੇਵੀ ਦੇ ਨਾਲ ਮਿਕਸ ਕਰੋ, ਬਣ ਗਿਆ ਤੁਹਾਡਾ ਦਮ ਆਲੂ।
ਜੇਕਰ ਕਦੇ ਅਚਾਨਕ ਮਹਿਮਾਨ ਆ ਜਾਣ ਅਤੇ ਘਰ ਵਿਚ ਕੋਈ ਸਬਜੀ ਨਾ ਹੋਵੇ ਤਾਂ ਘਰ ਦੀਆਂ ਔਰਤਾਂ ਨੂੰ ਟੇਂਸ਼ਨ ਹੋ ਜਾਂਦੀ ਹੈ ਪਰ ਘਰ ਵਿਚ ਆਲੂ ਅਤੇ ਦਹੀ ਤਾਂ ਹਮੇਸ਼ਾ ਹੁੰਦੇ ਹੀ ਹਨ। ਬਸ ਟੇਂਸ਼ਨ ਨੂੰ ਭੁੱਲ ਜਾਉ ਅਤੇ ਇਹ ਰੇਸਿਪੀ ਬਣਾ ਕੇ ਖਵਾਉ , ਤੁਹਾਡੇ ਮਹਿਮਾਨ ਆਪਣੀਆਂ ਉਂਗਲੀਆਂ ਚੱਟਦੇ ਰਹਿ ਜਾਣਗੇ। ਇਸ ਸਵਾਦਿਸ਼ਟ ਡਿਸ਼ ਨੂੰ ਤੁਸੀਂ ਰੋਟੀ ਅਤੇ ਗਰਮਾ ਗਰਮ ਚਾਵਲ ਦੇ ਨਾਲ ਵੀ ਪਰੋਸ ਸਕਦੇ ਹੋ। ਆਓ ਜੀ ਜਾਣਦੇ ਹਾਂ ਇਸ ਨੂੰ ਬਣਾਉਣ ਦਾ ਢੰਗ :
ਢੰਗ : ਕਸ਼ਮੀਰੀ ਦਮ ਆਲੂ ਬਣਾਉਣ ਲਈ ਸਭ ਤੋਂ ਪਹਿਲਾਂ ਆਲੂਆਂ ਨੂੰ ਛਿਲ ਲਉ, ਇਸ ਤੋਂ ਬਾਅਦ ਉਸ ਵਿਚ ਕਾਂਟੇ ਨਾਲ ਛੋਟੇ - ਛੋਟੇ ਛੇਦ ਕਰ ਦਿਓ। ਇਸ ਤੋਂ ਬਾਅਦ ਪਾਣੀ ਵਿਚ ਹਲਕਾ ਜਿਹਾ ਲੂਣ ਪਾ ਕੇ ਇਨ੍ਹਾਂ ਨੂੰ ਦੋ ਘੰਟੇ ਤੱਕ ਰੱਖ ਦਿਉ। ਦੋ ਘੰਟੇ ਬਾਅਦ ਇਨ੍ਹਾਂ ਨੂੰ ਕੱਢ ਕੇ ਡੀਪ ਫਰਾਈ ਕਰ ਲਉ।
ਪੈਨ ਵਿਚ ਤੇਲ ਗਰਮ ਕਰੋ ਉਸ ਵਿਚ ਪਿਆਜ ਅਤੇ ਸਾਰੇ ਮਸਾਲੇ ਲੌਂਗ, ਤੇਜਪੱਤਾ, ਕਾਲੀ ਮਿਰਚ ਦੇ ਦਾਣੇ, ਹਰੀ ਇਲਾਇਚੀ, ਵਡੀ ਕਾਲੀ ਇਲਾਇਚੀ, ਇਕ ਟੁਕੜਾ ਦਾਲਚੀਨੀ ਦਾ ਪਾ ਕੇ ਚੰਗੀ ਤਰ੍ਹਾਂ ਭੂੰਨੋ। ਇਸ ਤੋਂ ਬਾਅਦ ਥੋੜ੍ਹਾ ਕਟਿਆ ਹੋਇਆ ਪਿਆਜ, ਲਸਣ ਦੀਆਂ ਕਲੀਆਂ, ਚਮਚ ਅਦਰਕ, ਖਸਖਸ, ਧਨੀਆ ਬੀਜ, ਚਮਚ ਜੀਰਾ, ਸੁਕੀ ਲਾਲ ਮਿਰਚ, ਚਮਚ ਹਲਦੀ ਪਾਊਡਰ, ਚੁਟਕੀ ਜਾਇਫਲ ਪਾ ਕੇ ਭੁੰਨ ਲਉ। ਹੁਣ ਇਸ ਵਿਚ ਬਰੀਕ ਕਟੇ ਹੋਏ ਟਮਾਟਰ, ਦਹੀ ਅਤੇ ਲੂਣ ਨੂੰ ਚੰਗੀ ਤਰ੍ਹਾਂ ਮਿਲਾਉ। ਇਸ ਤੋਂ ਬਾਅਦ ਇਸ ਵਿਚ ਫਰਾਈ ਆਲੂ ਮਿਲਾ ਕੇ ਚੰਗੇ ਤਰ੍ਹਾਂ ਪਕਣ ਦਿਉ। ਗਰਮ ਮਸਾਲਾ ਅਤੇ ਬਰੀਕ ਧਨੀਆ ਪਾ ਕੇ ਸਰਵ ਕਰੋ। ਦਹੀ ਦਾ ਧਿਆਨ ਰੱਖੇ ਇਸ ਨ੍ਹੂੰ ਫਟਣ ਤੋਂ ਬਚਾਉਣ ਲਈ ਗਾੜਾ ਦਹੀ ਹੀ ਵਰਤੋਂ। ਸਬਜ਼ੀ ਨੂੰ ਰੋਟੀ, ਚਾਵਲ, ਨਾਨ ਅਤੇ ਪਰਾਂਠੇ ਦੇ ਨਾਲ ਲੰਚ ਜਾਂ ਡਿਨਰ ਵਿਚ ਪਰੋਸ ਸਕਦੇ ਹੋ।