Besan Laddu Making Tips :ਮਿਲਾਵਟੀ ਮਠਿਆਈਆਂ ਖਾਣ ਨਾਲ ਸਿਹਤ ’ਚ ਹੋ ਸਕਦੀਆਂ ਹਨ ਸਮੱਸਿਆਵਾਂ, ਆਓ ਜਾਣਦੇ ਹਾਂ ਵਿਧੀ 

Besan Laddu Making Tips : ਦੀਵਾਲੀ ਤੋਂ ਪਹਿਲਾਂ ਮਠਿਆਈਆਂ ਦੀਆਂ ਦੁਕਾਨਾਂ ਸਜਾਈਆਂ ਜਾਂਦੀਆਂ ਹਨ। ਮਠਿਆਈਆਂ ਹਫ਼ਤੇ ਪਹਿਲਾਂ ਹੀ ਬਣਨੀਆਂ ਸ਼ੁਰੂ ਹੋ ਜਾਂਦੀਆਂ ਹਨ, ਫਿਰ ਵੀ ਦੀਵਾਲੀ ਵਾਲੇ ਦਿਨ ਕੁਝ ਮਠਿਆਈਆਂ ਦੀ ਘਾਟ ਰਹਿੰਦੀ ਹੈ। ਮਿਲਾਵਟੀ ਮਾਵੇ ਤੋਂ ਬਣੀਆਂ ਮਠਿਆਈਆਂ ਵੀ ਤਿਉਹਾਰ 'ਤੇ ਬਜ਼ਾਰ 'ਚ ਕਾਫੀ ਵਿਕਦੀਆਂ ਹਨ। ਕਈ ਵਾਰ ਪਹਿਲਾਂ ਤੋਂ ਬਣੀਆਂ ਮਠਿਆਈਆਂ ਵੀ ਖ਼ਰਾਬ ਹੋਣ ਲੱਗ ਜਾਂਦੀਆਂ ਹਨ। ਮਿਲਾਵਟੀ ਮਠਿਆਈਆਂ ਖਾਣ ਨਾਲ ਸਿਹਤ ਸਮੱਸਿਆਵਾਂ ਵੀ ਹੋ ਸਕਦੀਆਂ ਹਨ। ਇਸ ਲਈ ਦੀਵਾਲੀ 'ਤੇ ਬਾਜ਼ਾਰ 'ਚੋਂ ਮਠਿਆਈਆਂ ਖਰੀਦਣ ਦੀ ਬਜਾਏ ਘਰ 'ਚ ਬਣੇ ਦੇਸੀ ਘਿਓ ਦੇ ਸਵਾਦਿਸ਼ਟ ਲੱਡੂ ਹੀ ਖਾਣੇ ਚਾਹੀਦੇ ਹਨ।  ਇਹ ਲੱਡੂ ਖਾਣ ਵਿੱਚ ਬਹੁਤ ਹੀ ਸਵਾਦ ਲੱਗਦੇ ਹਨ। ਇਸ ਰੈਸਿਪੀ ਨਾਲ ਤੁਸੀਂ ਆਸਾਨੀ ਨਾਲ ਸਵਾਦਿਸ਼ਟ ਬੇਸਣ ਦੇ ਲੱਡੂ ਬਣਾ ਸਕਦੇ ਹੋ।

ਬੇਸਨ ਦੇ ਲੱਡੂ ਲਈ ਸਮੱਗਰੀ

ਬੇਸਣ ਦੇ ਲੱਡੂ ਬਣਾਉਣ ਲਈ 1 ਕਿਲੋ ਬੇਸਣ ਲਓ। ਇਸ ਵਿੱਚ ਸਿਰਫ਼ 1 ਕਿਲੋ ਬੂਰਾ ਹੀ ਮਿਲਾਉਣਾ ਹੈ। ਤੁਹਾਨੂੰ ਘਿਓ ਦੀ ਮਾਤਰਾ 700 ਤੋਂ 800 ਗ੍ਰਾਮ ਦੇ ਆਸ-ਪਾਸ ਰੱਖਣੀ ਪਵੇਗੀ। ਸੂਜੀ ਦੇ 7-8 ਚਮਚ ਲਓ। ਜੇਕਰ ਬੇਸਣ ਮੋਟਾ ਹੈ ਤਾਂ ਸੂਜੀ ਨਾ ਪਾਓ। ਕੁਝ ਕਾਜੂ ਅਤੇ ਬਦਾਮ ਕੱਟੋ। ਇਸ ਨਾਲ ਬੇਸਣ ਦੇ ਲੱਡੂ ਦਾ ਸੁਆਦ ਹੋਰ ਵੀ ਵਧ ਜਾਵੇਗਾ।

ਬੇਸਣ ਦੇ ਲੱਡੂ ਦੀ ਰੈਸਿਪੀ

ਬੇਸਣ ਦੇ ਲੱਡੂ ਬਣਾਉਣ ਲਈ ਬੇਸਣ ਨੂੰ ਚੰਗੀ ਤਰ੍ਹਾਂ ਭੁੰਨਣਾ ਸਭ ਤੋਂ ਜ਼ਰੂਰੀ ਹੈ। ਇਸ ਲਈ ਭਾਰੀ ਤਲੀ ਵਾਲਾ ਪੈਨ ਲਓ ਅਤੇ ਉਸ ’ਚ ਬੇਸਣ ਅਤੇ ਘਿਓ ਪਾਓ।

ਬੇਸਣ ਭੁੰਨਦੇ ਸਮੇਂ ਗੈਸ ਨੂੰ ਸ਼ੁਰੂ 'ਚ ਤੇਜ਼ ਰੱਖੋ ਅਤੇ ਫਿਰ ਬੇਸਣ ਨੂੰ ਭੁੰਨਦੇ ਸਮੇਂ ਗੈਸ ਨੂੰ ਮੱਧਮ ਅੱਗ ਕਰੋ। ਜਿਵੇਂ ਹੀ ਬੇਸਣ ਨੂੰ ਭੁੰਨਿਆ ਜਾਵੇਗਾ, ਘਿਓ ਕਾਰਨ ਇਹ ਪਤਲਾ ਹੋ ਜਾਵੇਗਾ।

ਬੇਸਣ ਜਦੋਂ ਤਕ ਇਹ ਭੂਰਾ ਨਾ ਹੋ ਜਾਵੇ। ਗੈਸ ਦੀ ਲਾਟ ਦਾ ਧਿਆਨ ਰੱਖੋ, ਇਸ ਨੂੰ ਤੇਜ਼ ਅੱਗ 'ਤੇ ਭੁੰਨਣ ਨਾਲ ਬੇਸਣ ਦਾ ਆਟਾ ਸੜ ਜਾਵੇਗਾ। ਇਸ ਲਈ ਅੱਗ ਨੂੰ ਮੱਧਮ ਹੀ ਰੱਖੋ।

ਜਦੋਂ ਬੇਸਣ ਭੁੰਨ ਜਾਣ ਤਾਂ ਗੈਸ ਬੰਦ ਕਰ ਦਿਓ ਅਤੇ ਇਸ ਨੂੰ ਹਿਲਾਉਂਦੇ ਰਹੋ। ਕੜਾਹੀ ਦੀ ਗਰਮੀ ਕਾਰਨ ਬੇਸਨ ਹੇਠਾਂ ਤੋਂ ਸੜ ਸਕਦਾ ਹੈ। ਤੁਸੀਂ ਚਾਹੋ ਤਾਂ ਇਸ ਨੂੰ ਠੰਢਾ ਹੋਣ ਲਈ ਕਿਸੇ ਹੋਰ ਬਰਤਨ 'ਚ ਕੱਢ ਲਓ।

ਹੁਣ ਥੋੜ੍ਹਾ ਜਿਹਾ ਘਿਓ ਪਾ ਕੇ ਸੂਜੀ ਨੂੰ ਭੁੰਨ ਲਓ। ਇਸ ਨੂੰ ਬੇਸਣ 'ਚ ਮਿਲਾ ਲਓ। ਜਦੋਂ ਭੁੰਨਿਆ ਹੋਇਆ ਬੇਸਣ ਠੰਢਾ ਹੋ ਜਾਵੇ ਤਾਂ ਇਸ ’ਚ ਬੂਰਾ ਛਾਣ ਲਓ। ਇਸ 'ਚ ਕੱਟੇ ਹੋਏ ਕਾਜੂ-ਬਦਾਮਾਂ ਨੂੰ ਵੀ ਮਿਲਾਓ।

ਇਸ ਮਿਸ਼ਰਣ ਨੂੰ ਚੰਗੀ ਤਰ੍ਹਾਂ ਨਾਲ ਮਿਲਾਓ। ਹੁਣ ਇਸ ਤੋਂ ਆਪਣੀ ਪਸੰਦ ਦੇ ਲੱਡੂ ਬਣਾ ਲਓ। ਸੁਆਦੀ ਬੇਸਣ ਦੇ ਲੱਡੂ ਤਿਆਰ ਹਨ।

ਤੁਸੀਂ ਇਨ੍ਹਾਂ ਨੂੰ ਕੱਚ ਜਾਂ ਸਟੀਲ ਦੇ ਭਾਂਡੇ 'ਚ ਰੱਖੋ। ਬੇਸਣ ਦੇ ਲੱਡੂ 15-20 ਦਿਨਾਂ ਤਕ ਖ਼ਰਾਬ ਨਹੀਂ ਹੁੰਦੇ।

ਦੀਵਾਲੀ 'ਤੇ ਘਰ ਆਉਣ ਵਾਲੇ ਮਹਿਮਾਨਾਂ ਨੂੰ ਆਪਣੇ ਹੱਥਾਂ ਨਾਲ ਬਣੇ ਬੇਸਣ ਦੇ ਲੱਡੂ ਜ਼ਰੂਰ ਖਿਲਾਓ। ਇਨ੍ਹਾਂ ਦਾ ਸਵਾਦ ਅਜਿਹਾ ਹੈ ਕਿ ਮਹਿਮਾਨ ਹੋਰ ਲੱਡੂ ਲੈਣ ਤੋਂ ਆਪਣੇ-ਆਪ ਨੂੰ ਰੋਕ ਨਹੀਂ ਪਾਉਂਦੇ।

(For more news apart from Make delicious besan laddus at home on Diwali to avoid adulterated sweets News in Punjabi, stay tuned to Rozana Spokesman)